Canga ule o re ta hna ie ri site

Canga ulelo o re table des matières

Nodei Thu Asesekoni Iehova

Select language Nengone

 YENO 3

Rehaba Hna Une Du Iehova

Rehaba Hna Une Du Iehova

Da uanelo ke bo ko bo ilei Jeriko. Melei guhne nore node Kenan ka deko se ngom’ omelei ci une du Iehova. Ci meneng’ omelei ko se hmenew yelene Rehaba.

Ri be morow ke bon, Rehaba hna taedengi o re ta nata ri pon’ o re hnei Mose hna toe o re Cele me deradera ne hna aukunibut’ o re si Iseraela serei Aigupito. Hna taedengi joko ke bon’ o re hnei Iehova hna konekatu Iseraela co ridi o re nodei icuhma ne buic. Ka onom, bone ci taedengi ko si Iseraela ha melei aceno Jeriko!

Rehaba hna awarumani o re rue espio wen’ o re bone ci une du Iehova

Ri se lakid, tru kore si Iseraela ci hue jewo Jeriko co te oeon’ o re nod. Ile bushengone me pina ri hnamenenge ni Rehaba. Bone ci aokoneni bushengonelo ri ‘ma bon. Ma ha ridrilu, ha taedengi kore doku no Jeriko ko ta espio ha melei ri nod ka ha ile sei Rehaba. Ile bone me sia ngome co leu bushengon. Ilei Rehaba me ula rue espio lu ri pe ‘ma nore hnamenenge ni bon, ka ci ie di du ehna ngome ni doku ko: “Hna ome segu kei rue espio, ka bushengone ha hue yawe ha sicon’ o re nod. Ngei buhnije ma canga hue ibetu, thuni ke buhnije co kone bushengon!” Bo ci cara jewe ko wen’ o re nge kei Rehaba ci ulan’ o re rue espio?— Wen’ o re bone ci une du Iehova ne ci cara jewe ko Nubonengo ha co kanon’ o re node Kenan du si Iseraela.

Ri dan’ o re bushengone co hue sere sei Rehaba, rue espio hna awa roio bone ko ngei ma co acacarani o Jeriko, bone ne guhnamenenge ni bone co waruma. Bo ha ule o re hnei bushengone hna ie du bone co rue?— Kei bushengone ko: “Bo yoselo o re wacen’ ome me deradera ne athidihngidelo ri malamala. Inomelei, ileodene buice ma co ile ri ‘ma ni bo co thati waruma.” Ilei Rehaba me rue inom’ o re hnei rue espio hna ie. Bo ngei ci cara jewe o re ace co pina?—

Iehova hna awarumani Rehaba ne hnamenenge ni bon

Ma ase kore ade ran, ilei si Iseraela me hue gurul’ o re traon ka deko ma tur. Ci hue gurul’ o Jeriko inomelei ke buice sikis ko re ran, ha sa ri ran. Ka ri rane me sevenon, ile buice me ha sevene hue gurul’ o re meneng. Ile buice me canga nidi po hmaiai lo. Ilei Iehova me canga acacaranilu o re ta gi no Jeriko. Roidi, o re ‘ma  me numu wacene me deradera ci sere ko. Kacene me hna ceini ri gi! Bo ci ule ome ri wangom?— Rehaba ne hnamenenge ni bone ha waruma!

Numu yeno so bo kore tu ni Rehaba?— Rehaba hna une du Iehova wen’ o re bone hna taedengi o re ta ace hna mecon ri poni Nubonengo. Bo joko ci taedengi o re ta ace hna mecone ri poni Iehova. Ilo, bo ci une du Iehova inomei Rehaba?— Ka e, bo ci une du Nubonengo!

IEIELO RI TUSI HMIJOC NI BO

  • Iosua 2:1-24; 6:1-5, 14, 15, 20-25

  • Hebera 11:31