Canga ule o re ta hna ie ri site

Canga ulelo o re table des matières

Nodei Thu Asesekoni Iehova

Select language Nengone

 YENO 10

Iesu Hna Iara Ninen

Iesu Hna Iara Ninen

Ilo, ma co nineno cecene ne hmaien, ushiwa?— Ri se ta eziene nidi ushiwa. Bo ha ule ko Iesu hna iara nineno Iehova, ne ceceni bone ne hmani bon?— O re tu ni Iesu bane konekatu bo thu co taedengi ceceni bo ne hmani bo kacene me ushiwa. Ulelo ko co korione ke eje co rue inomelei.

Ri dane Iesu hna huelu ome ri ten’ o re aw, bone hna ile ri awe sese ne Iehova Cecewaieni bon. Ome ri ten, bone numu joko cecene ne hmaien, yeleni bushengone ko Iosefa ne Maria. Bo ha cara jewe ko korione ke bushengone thu co cecene ne hmaieni Iesu?—

Iehova hna yose o re ci roi ni Iesu ri aw, ile Nubonengo me ane ri ore ni Maria. Ha thu co hnapo kei Iesu ne co menenge ome ri ten. Se kacene me ci uran! Iesu hna hmalo ri ore ni Maria inom’ o re nodei morow ileoden. Ma ha nain kore cekol, ilei Iesu me hnapo. Inomelei Maria ne Iosefa hna hmaien ne ceceni Iesu ome ri ten.

Ma ha tuelev kore kenerekene ni Iesu, ile bone me rue o se ace ci aehngeni ko bone ci nidi hnoro Iehova Cecewieni bon. Hna ahnga ri ezien Iesu ne ta kani bone ci hue i Jerusalema co Paseka. Ma ci yewe yawe ke buic, ilei Iosefa ne Maria me ule ko Iesu deko ma ile te ne buic. Bo ha ule ko o ke bon?—

Nge kore tan Iesu hna ile ri ‘ma hijoc?

Ile me canga ibetu kei Iosefa ne Maria co hue yawe i Jerusalema co there Iesu ri se guhnene ne se guhnen. Bushengone ci unia ko deko ma uni Iesu. Ri therion’ o re ran, ile bushengone me uni bone ri ‘ma hmijoc! Bo ha ule ko nge kore tan Iesu hna ile ri ‘ma hmijoc?— Ha thu co ienon’ o re nodei ace ri poni Iehova Cecewaieni bon. Bone ci hnoro Iehova ne ci alane ko co korione ke bone co aopodoneni Nubonengo. Bone ma hmalo ka ha aicahman, Iesu hna iara nineneko du Iehova. Bone hna ninene ri eziene me ushiwa ne ri ci jo. Bone hna ninene joko du Iosefa ne Maria?— Tusi Hmijoc ci ie ko e. 

Nge kore yeno so bo ri pon’ o re tu ni Iesu?— Ci ujeni buhnije co ninen’ o re ceceni buhnije ne hmaieni buhnij, kacene me ushiwa. Ilo, co rue inomelei te ke bo?—

IEIELO RI TUSI HMIJOC NI BO

  • Luke 1:30-35; 2:45-52

  • Efeso 6:1

  • Hebera 5:8