Canga ule o re ta hna ie ri site

Canga ulelo te ri se menu

Nodei Thu Asesekoni Iehova

Nengone

Uane Ni Buhnije Ri Pon’ o Re Eziene Ma Ha Co Pina?

Uane Ni Buhnije Ri Pon’ o Re Eziene Ma Ha Co Pina?

O re ten’ o re awe om . . .

  • co iara ineko’ om?

  • co nia hmalu ko?

  • ca ha co nidi roi?

 CI IE KO NGE KEI TUSI HMIJOC

“Ka Madaru co thati tiribot’ o re nodei wathera wene ri nodei waegogo ni buic ; ka deko co tango yawe, se deko co sheusheu, se deko co mane, se deko co jo yawe ; wen’ o re ha tako ko re nodei ace me hna dan.”—Ahngabot 21: 3, 4, Tusi Hmijoc Pene Nengone.

NGE KO RE KAKAILEN’ OMELEI DU BUHNIJENGO

Ta ruace me nidi ace ne ci aopodoneni.—Isaia 65:21-23.

Ha co tako ko re ued ne nodei ci jo. —Isaia 25:8; 33:24.

Ha co ci roi me opodone ne deko bun sese ne il’ o re menenge ne ta re kan. —Ta Salamo 37:11, 29.

 EJE THUNI CO UNE JEU’ O RE CI BEREDONE KEI TUSI HMIJOC?

Kori, ka rewe ko re tan:

  • Madaru thuni co aiuni o re hnei Nubonengo hna ie ri hnen. Ri Tusi Hmijoc, Iehova Madaru so ko re hna ato yelene ko “Thatithunitone,” wen’ o re nene ni Nubonengo deko bun. (Ahngabot 15:3) Koiko, Nubonengo nidi thu ni co nidi aroini o re ten’ o re awe so ej. Inom’ o re ci ie kei Tusi Hmijoc, “ha thati thu nitone kei Madaru o re nodei ac’ ileoden.” —Mataio 19:26.

  • Madaru ci nidi alane co aiuni o re hnei Nubonengo hna ie ri hnen. Inome ngei ko Iehova ci rereuon co kanone yawe o re ci roi du nodei ngome ma ha tango.—Iopu 14:14, 15.

Tusi Hmijoc ci aehngeni jo ko ko Tenengoieni Madaru, Iesu, hna aroini o re ta ued. Wen’ o re nge? Wen’ o re Nubonengo hna nidi alan. (Mareko 1:40, 41) Inome te, Iesu yeahnga ni Cecewaieni Nubonengo ci nidi hnorone co konekatu buic’ o re deko ac.—Ioane 14:9.

Wen’ omelei eje ci uroion ko Iehova ne Iesu ci alane co konekatu eje co menenge opodone ca oiruko!—Ta Salamo 72:12-14; 145:16; 2 Peteru 3:9.

 CO UANELO RI PON’ OMELEI

Korione kei Madaru co rue thu co roi ko re ten’ o re awe so ej?

Tusi Hmijoc ci cedi omelei ri MATAIO 6:9, 10 ne DANIELA 2:44.