Canga ule o re ta hna ie ri site

Canga ulelo te ri se menu

Canga ulelo o re table des matières

Nodei Thu Asesekoni Iehova

Nengone

Zi Yenon o Re Re Tei Buhnij

 YENO 13

Timothi Hna Alane Co Konekatuon’ o Re Nodei Ngom

Timothi Hna Alane Co Konekatuon’ o Re Nodei Ngom

Timothi aicahman hna alane co konekatuon’ o re nodei ngom. Bone hna hue ri ta guhnene me etha pengen co konekatuon’ osoten. Wen’ omelei, ci roi ni bone hna nidi thawalan. Bo ci alane co thuni hmaiaion ri poni bon?—

Hmani Timothi ne papani bone hna nengoce te Iehova du bon

Timothi hna menenge ri se guhnene yelene Lusetara. Ri bone me waam, papa ni bone Lois, ne hmani bone Eunike hna whane co nengoce te Iehova du bon. Ma ci hmalo ke bon, ile bone me alane co konekatuon’ o re nodei ngome co cara jewe du Iehova.

Ri be aicahman kei Timothi, ilei Paulo me kaio bone co pul ri se ta gula nod sese ne bon. Timothi hna ced: “Ko roi!” Bone hna alane co hue.

Ilei Timothi ne Paulo me hue jeu’ o se guhne i Makedonia yelene ko Thesalonaika.  Hna hue la wata ke bushengon ka thuaiai, ne ci te di ri sa kore koe. Ma pinalu, ile bushengone me konekatuon’ o re hmaiai kore ngome co cara jewe du Iehova. Osoteno ta ngome hna cenge nia ne hna alane co nia ngomo bushengon. Ilei Paulo ne Timothi me hue di co pul ri se guhnen.

Timothi hna numu ci roi me thawalan

Thubenelo o re ade cekol, ilei Paulo me sibo Timothi co yewe yawe jeu’ o Thesalonaika co sisil’ o re aceceluaien. Hna hnore tace ke bone co yewe yawe jeu’ o re guhnen’ omelei me pareu re ngom! Ke bone ha hue ko wen’ o re bone ci unia te re aceceluaiene ci hne omelei. Thubenelo melei, ile bone me yewe yawe du Paulo ti o re ta nata me roi: buice roi!

Timothi hna pule ne Paulo hmaiai kore nodei kenereken. Ri se ran, Paulo hna xiwamomo thu co ie: “Timothi kore nidi thawalane co siane ke inu bane konekatuon’ o re ekalesia.” Timothi hna hnoro Iehova ne hna hnoron’ o re ngom.

Ilo, bo joko thu hnoro ngome ha thu konekatu buice co cara jewe du Iehova?— Ngei me inomelei, ile bo co numu ci roi me opodon ne thawalane inome i Timothi!

IEIELO RI TUSI HMIJOC NI BO

  • 2 Timothi 1:5; 3:15

  • Ta Ruace 16:1-5; 17:1-10

  • 1 Thesalonaika 3:2-7

  • Filipi 2:19-22