Canga ule o re ta hna ie ri site

Canga ulelo te ri se menu

Canga ulelo o re table des matières

Nodei Thu Asesekoni Iehova

Nengone

Zi Yenon o Re Re Tei Buhnij

 YENO 9

Jeremia Deko Hna Nono Co Pulo Iehova

Jeremia Deko Hna Nono Co Pulo Iehova

Nge kore tane nodei ngome ci cengenia Jeremia?

Iehova hna awarumani Jeremia

Ri se ta ezien, eje ma ci pulo Iehova jeu’ o re nodei ngom, buice ci teo ej ca ci cenge nia. Hnen’ omelei eje ha ci alane co serelu. Ha hna pina du bo ngei kore uan’ omelei?— Ci ie kei Tusi Hmijoc, ko numu se waicahmane ci nidi ala Iehova, roidi bone hna uane co ha roilu co pulo Nubonengo. Yeleni bon Jeremia. Eje dai eacidanelo ne bon.

Ri se ran, Iehova ci sibo Jeremia co ie jeu’ o re nodei ngome ko ha roilu co rue o re nodei ace me nia. Ci nidi ua ushiwane kei Jeremia. Bone ci pareu. Ile bone me ie du Iehova: “Kolo Iehova thathuniko ke inu co nengoc wen’ o re be waicahmane ke inu.” Ilei Iehova ma cedi du bon: “Hage pareu. Inu co ile ne bo.”

 Ilei Jeremia me pucalo ne ci ie jeu’ o re nodei ngome ko ha co cathubene du buice ngei buice me ci rue ko o re nia. Bo ngei ci uane ko buice ha co ru’ o re roi?— Deko. Buice ci te o bone ne ci cengenia bon. Osotene ci there co atangoni bon. Nge kore uane ni Jeremia ri hnore ni bon?— Bone ci pareu, ile bone me ie: “Inu co haroilu co pulo Iehova.” Ca hna serelu ke bone co pulo Iehova?— Deko te. Bone ci nidi ala Iehova, ka nidi thathuniko ke bone co haroilu co pulo Nubonengo. Wen’ o re bone deko hna serelu co pul, ilei Iehova me thakui bon.

Ri se eziene yawe, nodei ngome hna cedo bone ri malu me cece hnei tini me rawa. Hna cawa ne hna di kua ke bon. Buice hna alane co nue bone co tango melei. Roinedi Iehova hna ile ne bon, ile bone me waruma!

Nge kore yeno so bo ri pon’ o re tu ni Jeremia?— Ri se ta eziene, bone hna pareu, roidi deko sa ke bone hna serelu co pulo Iehova. Ngei bo ma co pulo Iehova, ha co numu ta ngome co teo bo, ca co cenge nia. Buice ha co akedini bo ca co apareuni bo. Roidi bo deko co serelu co pulo Iehova. Nubonengo ci iara konekatu bo inome i Jeremia.

IEIELO RI TUSI HMIJOC NI BO

  • Jeremia 1:4-8; 20:7-9; 26:8-19, 24; 38:6-13