Buhnijengo ci uane ko nge . . .

  • ci rane?

  • mane?

  • ca se ace ko?

 CI IE KO NGE KEI TUSI HMIJOC

“Ha nidi hnahneone ke buice o re ci taedengi ne ci ninen’ o re eberedo ni Madaru.”—Luke 11:28, Tusi Hmijoc Pene Nengone.

NGE KO RE KAKAILEN’ OMELEI DU BUHNIJENGO

Co uni o re ci rane me oniil.—Efeso 5:28, 29.

Co pareu me seseko.—Efeso 5:33.

Co nidi menenge tha enid.—Mareko 10:6-9.

 EJE THUNI CO UNE JEU’ O RE CI BEREDONE KEI TUSI HMIJOC?

Kori, ka rewe ko re tan:

  • Madaru ko re Ceden’ o re ci roi no re gu hnameneng. Ci beredone kei Tusi Hmijoc ko . . . “siwai nubonengo ko re hna thati ato yelen’ o re nodei guhnameneng.” (Efeso 3:14, 15) Ci ie jo ko inome ko, o re nodei gu hnamenenge co hnore sa inom’ o re alatone ni Iehova Madaru. Nidi numu pengen, nge ko re tan?

    Da ule: Kacene ko buhnije hna hnoron’ o se kodaru me buruia, ne hna alane co cori o re yelen’ o re nodei ingrédients, co sibone sei la? Sen’ o re ngome hna ngoronatan’ o re kodaru omelei.

    Se inomelei, ngei me ci alane co uni o re nodei ingrédients me ekowe son’ o re ci roi me opodone no re gu hnameneng, roi ke eje co ngaralo du Iehova, o re Ceden’ o re gu hnameneng. —Genese 2:18-24.

  • Madaru ci uato buhnij. Nodei gu hnameneng me numu ci cara jewe ci there o re alaieni Iehova lene ri Eberedo ni Nubonengo. Wen’ o re nge? “Wen’ o re nubonengo ci uato buhnij.” (1 Peteru 5:6, 7) Nodei ace buhnije ci nidi acon ile ri hnore ni Iehova—ka ta eamo ni Nubonengo ci iara ruace ri ta hnore ni buhnij!—Ta Onatre 3:5, 6; Isaia 48:17, 18.

 CO UANELO RI PON’ OMELEI

Korione ke buhnije co cahmane me roi, co hmenewe me roi, co cecene ne hmaiene me roi?

Tusi Hmijoc ci cedi omelei ri EFESO 5:1, 2 ne KOLOSE 3:18-21.