Canga ule o re ta hna ie ri site

Canga ulelo te ri se menu

Canga ulelo o re table des matières

Nodei Thu Asesekoni Iehova

Nengone

O Re Fami Ni Buhnije Thuni Co Opodon

 YENO 5

Korione Co Iara Numu Dongodongo Ne Il’ o Re Rue Parents Ni Hmengo

Korione Co Iara Numu Dongodongo Ne Il’ o Re Rue Parents Ni Hmengo

“Buhnije kokoeonelo o re . . . cenge roi, ne hnore waamilu, lata me nidra, ne ci kuni iwon.”—Kolose 3:12

O re mariage melei whan’ o se fami. Bua co iara rane ne co hmegigione ko o re rue parents ni bua. Roidi cahmanieni ca hmenueni bua di ko re nidi ace du bua ome ri ten. Ushiwa jeu’o soten’ o re ta parents co kedi omelei. Roidi o re ta hna anetitini ri Tusi Hmijoc thuni co konekatu bua co ceini o re fami ni bua me kabesi. Ile me menenge dongodongo ne rue parents ni bua.

 1 CO NUMU LA UANE ME ROI RI PONI RUE MOHMA

CI IE KO NGE KEI TUSI HMIJOC: “Ahmani o re cecene ne hmaieni nubo.” (Efeso 6:2) Kacene ko hmengo ngei ha nidi ngom, ekowe ko co raneko ne co hmegigion’ o re rue parents ni hmengo. Cara jewelo ke hmengo, tenene cahmane ca tenene hmenew, co ule tedren’ o re rue parents. “Ono re ci rane deko ma ikuja,” koiko deko co unia ti o re ci eacenojeu ne rue parents kome sa ni hmengo.—1 Korinito 13:4; Galatia 5:26.

NGE KO RE BUA THUNI CO RUE:

  • Ithuabut ne il’ o re ta la nengoce me inome ko “Fami ni bo ci awaamini inu lu” ca “Hmani bo ci iara ke on’ o re inu ci rue”

  • Dai tubuhnide co ule o se ta ace inom’ o re la ule ni cahmane ca hmenewe ni bua

 2 SEREPODELU RI EZIENE ME EKOW

CI IE KO NGE KEI TUSI HMIJOC: “Ono re cahmane co nue di o re ceceni nubone ne hmaieni nubon, ne co tedeil’ o re hmenue ni nubon, ile bushengone ha co hnengome sa.” (Genese 2:24) Ma ha hna marie, o re parents no me sa hmengo co uane ngei ko bushengone co iara rue o re hnapane ni hmengo ma hna marie.

Pani hmengo co lae gone ne co ie du rue mohma ri ci hmegigi. Hmengo co ie ahngane omelei ke deko co nengoce tac. (Ta Onatre 15:1) Lata me waam, lata me nidra, ne kuni iwon co konekatu hmengo co etaedengio ne rue parents “co etha kuni ko buhnije ne il’ o re ci ran.”—Efeso 4:2.

NGE KO RE HMENGO THUNI CO RUE:

  • Ngei hmengo me ci uniati ko rue parents be melei ko ci musion’ o re mariage hmengo, enengocoti lo ri eziene hmengo me roi

  • Hnore sa lo ne etaedehngiolo ha thu anetitini o re nur’ omelei