Canga ule o re ta hna ie ri site

Canga ulelo te ri se menu

Canga ulelo o re table des matières

Nodei Thu Asesekoni Iehova

Nengone

O Re Fami Ni Buhnije Thuni Co Opodon

 YENO 4

Korione Ko Re Co Ule Tedren’ o Re Mane

Korione Ko Re Co Ule Tedren’ o Re Mane

“Ci ataceni o re nodei uane ileoden hnen’ o re hna eman.”—Ta Onatre 20:18

Roi ke eje co numu mane bane lae ta ace son’ o re ta fami ni ej. (Ta Onatre 30:8) Seseko, “mani ko re gorin.” (Thu Pule 7:12) Ma ha hna marie, co ushiwa ngei ko re co enengoco te mane. Roidi deko co nue o re mane co aniani o re mariage. (Efeso 4:32) O re acehmenuene co hnore sa ne co ruace sese. Ile bushengone me thuni co ule ko co korione ke bushengone co itico ace son’ o re la fami.

 1 ANE WASANELO O RE MANE

CI IE KO NGE KEI TUSI HMIJOC: “La ko re ngome buhnije ci alane co aseri o re hna bo, nubone deko ma dai dane co menengelu, co ieie o re thuben, ilo, nubone ngei ha numu bane anize?” (Luke 14:28) Nidi ace ke hmengo co hngoronatane sese o re co ruacon’ o re mane ni hmengo. (Amosa 3:3) Ule sesone ke hmengo ko ele ko re mane bane itic. (Ta Onatre 31:16) Seseko hmengo numu mane bane iticone ngei o se ac. Deko ma ci ie ko ha co iticon’ o re ac’ omelei. Tubuhnide co ithua ne ta dua. Iticelo leu’ o re mane hmengo me numu. —Ta Onatre 21:5; 22:7.

NGE KO RE HMENGO THUNI CO RUE:

  • Hmengo ngei numu kan’o mane ri wabubun’ o re cekol. Ua roionelo ko hmengo co korion’ o re theren’ o re mane

  • Ngei hmengo ma deko kano mane bane anize o re cekol, rue enengocolo thu co kone waamion’ o re dépense. Inome ngei co ru kodaru i hnamenenge ri pon’ o re co kodaru i restaurant

 2 KEDILU O RE TA UAN’ OSOTEN KE DEKO CO RUACE MENU

CI IE KO NGE KEI TUSI HMIJOC: “Ka ci hngoronatan’ o re nodei ace me shed, ka deko ri tadango ni Doku so, roi di ri tadan’ o re nodei ngome te.” (2 Korinito 8:21) Co ie ahngane but du cahmanieni bua ca hmenueni bua ko ele ko re thubene bua ci kedi ka ele ko re bua ci dépense on.

Co iara etha nata ko hmengo ri pon’ o re co ruacon’ o re mane. (Ta Onatre 13:10) Enengocoti lo o re mane hmengo. Ile me co dongodongo ko re mariage hmengo. Uanelo ko o re thubeni bua, melei son’ o re la fami ke deko ma mane ni bua oden.—1 Timothi 5:8.

NGE KO RE HMENGO THUNI CO RUE:

  • Aedenibut o re hmail’ o re mane hmengo co etha dépense on. Ka deko yawe co nengoce ti

  • Deko co abungi co pina ko re lor ha thu isesero te mane