Canga ule o re ta hna ie ri site

Canga ulelo te ri se menu

Canga ulelo o re table des matières

Nodei Thu Asesekoni Iehova

Nengone

O Re Fami Ni Buhnije Thuni Co Opodon

 YENO 9

Thidilu Du Iehova Ri Hnoren’ o Re Fami

Thidilu Du Iehova Ri Hnoren’ o Re Fami

“Thidilu du Nubonengo o re thu popol’ o re aw, ne ten’ o re aw.”—Ahngabot 14:7

Hmengo ha hna yenon’ o re brochure om. Ri Tusi Hmijoc hmaiai ko re nodei ininata bane konekatu hmengo ne fami ni hmengo. Iehova ci alane ko hmengo co opodone sese. Nubonengo ci ie ahngane ko ngei hmengo ma dane co thidilu du Nubonengo, “ha ile me nunuo buhnije di o re nodei ac’ ileoden’ omelei.” (Mataio 6:33) Nubonengo ci ala sesekone ko hmengo co kani Nubonengo. Therelo o re ta eziene me roi bane aengetaceni o re ci hnoro Madaru hmengo. Melei se ace me hma du ngom.—Mataio 22:37, 38.

 1 ATACENILU O RE CI HNORO IEHOVA HMENGO

CI IE KO NGE KEI TUSI HMIJOC: “Ka inu co Ceceni buhnij, ka buhnije co nodei tenego aicahmane ne cenew, kei Doku ci beredon.” (2 Korinito 6:18) Madaru ci alane ko hmengo co nidi kani Nubonengo. Co inomelei lene ri ci hne. Iehova ci kaio hmengo ha thu “hage nono ko re co hne.” (1 Thesalonaika 5:17) Nubonengo ci nidi alane co taedengi o re nodei uane me nidi heloi ri hnore ne nodei nure ni hmengo. (Filipi 4:6) Ma ci hne ke hmengo ne fami ni hmengo, ile buice co ule ko Iehova nidi ile sei hmengo.

Deko ma co iara nengoce so du Madaru, nidi ace co taedengi Nubonengo joko. Ha co inomelei ngei hmengo ma yenon’ o re Eberedo ni Nubonengo ne ta gu tusi hna cedene ri Tusi Hmijoc. (Ta Salamo 1:1, 2) Anelu ri hnore o re ta ace hnei hmengo hna yenon. (Ta Salamo 77:11, 12) Ci taedengi Iehova joko ngei ma ci hue jeu’ o re nodei réunions.Ta Salamo 122:1-4.

Ma ci pulo Iehova jeu’ o soten, melei se la rue me nidi ace bane ataceni o re ci hnoro Iehova hmengo. Ngei hmengo ma ci nidi rue omelei, ile me co nidi hmalo joko ko re ci hnoro Nubonengo.—Mataio 28:19, 20.

NGE KO RE HMENGO THUNI CO RUE:

  • Co si eziene ri nodei rane bane ieie o re Tusi Hmijoc ne bane hne

  • Ri hnoren’ o re fami, co dane co rue o re ta ruace no re hmi ri pon’ o re co ala eleda

2 OPODONELO CO RUE O RE CULTE FAMILIAL

CI IE KO NGE KEI TUSI HMIJOC: “Acenonelo du Madaru ke buhnij, ka Nubonengo se co acenonelu du buhnij.” (Iakobo 4:8) Nidi ace hmengo co hngoronatane ne co hue lewe o re culte familial. (Genese 18:19) Deko ma kueile ko melei. Madaru co ile ri nidin’ o re ci roi ni hmengo. Aengetaceni o re ci hnoro Madaru hmengo ri ci enengoco te Nubonengo “ma ci menenge ri ’ma ni nubo, ka ngei ma ci hue ri len, ka ngei ma ci thaetilu, ka ngei ma ci pucalo yawe.” (Deuteronomi 6:6, 7) Hue lewelo inom’ o re hna rue hnei Iosua, bone hna ie ko: “Roi ke inu ne hnamenengoiego, ehnije co sinemenenge du Iehovango.”—Iosua 24:15.

NGE KO RE HMENGO THUNI CO RUE:

  • Co numu nekonekatu me icojeu son’ o re etha xara sa no re la fami