Canga ule o re ta hna ie ri site

Canga ulelo o re table des matières

Nodei Thu Asesekoni Iehova

Select language Nengone

 Yeno 1

Nge Kore Ta Nata Me Roi Omelei?

Nge Kore Ta Nata Me Roi Omelei?

1. Nge kore ta nata ni Madaru bane so ej?

Alatone ni Madaru kore ngom co menenge opodon ri ten’ o re aw. Nubonengo hna pupul’ o re ten’ o re aw, ne il’ o re nodei ac’ ileoden, wen’ o re nubonengo ci ra ej. Ha acene Nubonengo co ruace roi, ha thu co kanon o re ci uroi me roi jeu’ o re nodei ngom nore conod ileoden. Ile Nubonengo co aneroini eje lo wene ri nodei ac ci ajoni ej.Ieielo Jeremia 29:11.

Deko lo se baselaia hna thuni co atakoni o re lata me tac, ne ued, ca tango. Roidi numu ta nata me roi. Ba ha thu lae win’ o re nodei baselaia kei Madaru hnen’ o re Baselaia ni Nubonengo. Nodei sinemenenge ni Nubonengo co menenge ri dongodongo, ka deko yawe co ued.Ieielo Isaia 25:8; 33:24; Daniela 2:44.

2. Wen’ o re nge deko co kurehmug kore ta nata omelei?

Co dane kei Madaru co atakoni but o re nodei ngome me nia n’ ome ri ten, ha ile me takolu te kore nodei ci ajoni ej. (Zefania 2:3) Hodrael ko re co ayuni omelei? O re nodei ace omelei ha hna profetan ri Tusi Hmijoc. O re eje ci rowon onom, ci aehngeni ko o re hnei Madaru hna si ha co pina.Ieielo 2 Timothi 3:1-5.

3. Nge kore nodei ace eje co rue?

Ome kore Tusi Hmijoc, there Madaru lo ke ej. Se inom’ o se tusi hna xiwamomon hnen’ o re cecej me thu ran. O re kakailen’ o re Tusi omelei ci ie anghane du eje co menenge roi onom ne co menenge roi ome ri ten ca pina oiru ko. Ule tedrene osoten ha co akedini bunhije thu deko co carajewe omelei. Deko lo te co taedengi buice, wen’ o re nodei rane me hnaneone ha co pina.Ieielo Ta Onatre 29:25; Ahngabot 14:6, 7.