Canga ule o re ta hna ie ri site

Canga ulelo te ri se menu

Canga ulelo o re table des matières

Nodei Thu Asesekoni Iehova

Nengone

Ome Kore Ta Nata Me Roi Wenei Madaru!

 Yeno 7

Nge Kore Baselaia Ni Madaru?

Nge Kore Baselaia Ni Madaru?

Nge kore ci aehngeni ko Iesu Doku me oniil?—MAREKO 1:40-42.

1. Nge kore Baselaia ni Madaru?

O re Baselaia ni Madaru ile ri aw. Bone co win’ o re nodei baselaia nome ri ten, ha thu co aiuni o re alatone ni Madaru mado ri aw ne ome ri ten. Omelei kore nidi nata me roi! Dai asasa, il’ o re Baselaia ha co ilone di o re nodei alaien’ o re ngom. Ka co asanilo o re nodei co nod’ ileoden.Ieielo Daniela 2:44; Mataio 6:9, 10; 24:14.

O re baselaia ekowe co numu doku. Iehova hna ane Iesu thu co hawon’ o re Baselaia ni Nubonengo.Ieielo Ahngabot 11:15.

2. Iesu kore Doku me oniil, nge kore tan?

O re Tei Madaru kore Doku me oniil, wen’ o re Nubonengo roi ne ci tace ti o re netit. (Ioane 1:14) Omete, Nubonengo numu nene me hma bane konekatuon’ o re ngom, wen’ o re ha co musi ke Nubonengo sere ri aw. Ma hna erelo ri aw, ile Nubonengo me menenge ri gula nata ni Iehova, ci abungi co ane Nubonengo co doku. (Hebera 10:12, 13) Thubenelo melei, ilei Madaru me nunuone du Nubonengo o re hna doku.Ieielo Daniela 7:13, 14.

3. La kore co doku sese ne Iesu?

Buic’ o re “nodei ngome hmijoc” co musi sese ne Iesu meloi ri aw. (Daniela 7:27) Buic’ omelei hna ureie whanelo sere sen’ o re nodei aposetolo me serepod ni Iesu. Iehova hna lae kani buic hnen’ o soten ta mocahman ne ta mohmnew me serepod ca pina onom. Buic co roilo ri aw ne ile kore hnengome me uien inomei Iesu.Ieielo Ioane 14:1-3; 1 Korinito 15:42-44.

 Xara ele kore ngome co hue ri aw? Iesu hna ato yeleni buic ko “ehna waiam.” (Luke 12:32) Buice co xara 144 000, co musion’ o re ten’ o re aw sese ne Iesu.Ieielo Ahngabot 14:1.

4. Nge kore ac hna pina ri eziene Iesu hna whane co Doku?

O re Baselaia ni Madaru hna whane co musi ri kenereken 1914. * Ma ha Doku kei Iesu, hnadane Nubonengo hna irue, melei hna uwo Satana ne nodei demoni ni bon sere ri aw, jeu’ o re ten’ o re aw. Ha nidi cenge nia kei Satana, ile nubone me whane co aniani o re ten’ o re aw. (Ahngabot 12:7-10, 12) Whan’ omelei ci hmaloko kore hnaelo sen’ o re ngome ileoden ome ri ten. Irue, cawa, nodei ued me etha pengen, wowene, melei nodei “kacen” ci aehngeni ko o re Baselaia ha co hawon’ o re nodei ac nore ten’ o re aw.Ieielo Luke 21:7, 10, 11, 31.

5. Nge kore ruac ci rue onom kore Baselaia ni Madaru?

Ci asanilo onom’ o re xaranumu me hmaiai wene ri nodei gula node ileoden hnen’ o re nodei ruac thu co pulon’ o re evangelia ri se guhnen ne se guhnen. Nidi xaranumu hmajiadr kore nodei ngome me lata waam ha ci sinemenenge ni Iesu. O re Baselaia ni Madaru co cagoreni buic ri eziene ma co atakoni o re ten’ o re aw’ ome me nia. Inomelei, o re ngome ci alane co numu hnahneon omelei, co yenonelo thu co sinimeneng ne thu co nineno Iesu.Ieielo Ahngabot 7:9, 14, 16, 17.

Ri Thausan kore ta kenereken, il’ o re Baselaia ha co aiuni o re hna uane hnei Nubonengo koda son’ o re ngom. Ten’ o re aw ha co Paradais ileoden. Ri bun, ilei Iesu co kanon’ o re Baselaia du Cecewaieni Nubonengo. (1 Korinito 15:24-26) Ilo, numu ngei se ngome buhnij ci alan co nengoce jewe ri pon’ o re Baselaia?Ieielo Ta Salamo 37:10, 11, 29.

 

^ par. 12 Thu co carajewe roion’ o re nodei hna perofetan ri pon’ o re kenereken 1914, ulelo o re gu tusi Qu’enseigne réellement la Bible ? pages 215-218.