1. Ilo, Madaru ci kedi o re nodei la hmi ileoden?

Madaru ci kaion’ o re nodei ngome nore nodei conod co aceno Nubonengo lo lene ri ci hne. (Ta Salamo 65:2) Roidi Nubonengo deko ma kedi o re nodei la hmi ileoden. Inome ngei ko, deko ma kedi o re ci hmi nore cahman ci nia ngomon’ o re hmenue ni bon. (1 Peteru 3:7) Se inomelei, o re ci hmi ni si Iseraela deko hna kedi kei Iehova tan’ o re buic hna iara rue o re nia. Ke roidi, Madaru ci kedi o re ci hne nore nodei ngome nia wen’ o re buic ci lerei, kacen me nidi nia hmaiai. Seseko, seseko, nidi ace kore ci hne.Ieielo Isaia 1:15; 55:7.

2. Co hne korion?

Ci thidilu ke eje ri ci hne du Iehova, kebene ko melei wen’ o re Thu pupul ke Nubonengo. (Mataio 4:10; 6:9) Omete, eje ngome nia, netit ke eje co hne lene sen’ o re acekiwaieni Iesu, wen’ o re Nubonengo hna taeto son’ o re nodei nia ni ej. (Ioane 14:6) Iehova deko ma alane ko eje co yeno gupan ne co ieie o re ta gure hmi ri ta gu tusi. Nubonengo ci alane ko eje co bered du Nubonengo wene ri hnor.Ieielo Mataio 6:7; Filipi 4:6, 7.

O re Thu puli ej ci canaeone joko o re ci hne paekoc. (1 Samuela 1:12, 13) Nubonengo ci tua eje co iara hne, ta ore ne ta lakid, ri dane ca thubenelo re hna kodaru, ca ma ile ri nodei ushiwa.Ieielo Ta Salamo 55:22; Mataio 15:36.

3. O re nodei nidi thu hne ci sanelo, wen’ o re nge?

Ushiwa kore co aceno Madaru wen’ o re eje ci menenge ri nidin’ o re nodei ngome me deko ci un, ka ci teone di o re hna beredone ri hnene ko Ten’ o re aw co ile ri dongodongo. (2 Timothi 3:1, 4; 2 Peteru 3:3, 13) Ile me roi ke eje co uajeu ko ej thu co eamojeu ri ci hne sese.Ieielo Hebera 10:24, 25.

 Ma ci menenge sese ne buic’ o re ci hnoro Madaru, melei ci konekatu eje ha thu aceno Nubonengo. Ka ma ci sanelo kei nodei Témoins de Jéhovah, ile me kedi ke buic’ o re ne aengetaceni lene ri ci une no soten.Ieielo Rome 1:11, 12.

4. Co korione ke buhnije co aceno Madaru?

Thuni ke buhnije co aceno Madaru ma ci ua hmanelu o re nodei ace buhnije hna yenone ri Eberedo ni Nubonengo. Zi uanelo o re nodei ruac, nodei ininata ne nodei eberedo hna ie ri hnen. Zi hnelo joko, melei kore tohnaroi ni buhnij son’ o re ci rane ne il’ o re waetea ni Madaru.Ieielo Iosua 1:8; Ta Salamo 1:1-3.

Thathuniko ke buhnije co aceno Madaru ngei buhnije me deko ma une du Nubonengo. O re ci un’ omelei inom’ o re ie serei co iara ruaban ha thu co iara niriko. Inomelei, netit du buhnij co iara anirini o re ci une ni buhnij wene ri uane me numu ceden.Ieielo Mataio 4:4; Hebera 11:1, 6.

5. Ngei buhnije co aceno Madaru, co nge kore tharan?

Iehova ci uato buic’ o re ci hnoro Nubonengo. Nubonengo thuni co cagoren’ o re ci une ne ci uroi ni buhnij ha thu waruma e iara oiru ko. (Ta Salamo 91:1, 2, 7-10) Nubonengo ci akaca du eje ri pon’ o re nodei lata me thuni co aniani o re ci roi ni eje ne il’ o re hnahneone ni ej. Iehova ci yeno eje o re la ci roi me keben.Ieielo Ta Salamo 73:27, 28; Iakobo 4:4, 8.