Canga ule o re ta hna ie ri site

Canga ulelo te ri se menu

Nodei Thu Asesekoni Iehova

Nengone

La Ko Re Ci Musion’ o Re Ten’ o Re Aw?

La Ko Re Ci Musion’ o Re Ten’ o Re Aw?

Nge ko re uane ni buhnijengo . . .

  • Madaru?

  • nodei ngom?

  • ca Satana?

 CI IE KO NGE KEI TUSI HMIJOC

“Ono re ten’ o re aw’ ileodene ci hmore ri ten’ o re thu nia.”—1 Ioane 5:19, Tusi Hmijoc Pene Nengone. ‘Ka hna ahngabote . . . kei Iesu, ha thu abini o re ta ruace ni diabolo.’—1 Ioane 3:8.

NGE KO RE KAKAILEN’ OMELEI DU BUHNIJENGO

Aehngeni me netit ri pon’ o re nodei ace me nia nome ri ten.—Ahngabot 12:12.

Ci uroi ko o re ten’ o re awe eje, ha co pengene me roi.—1 Ioane 2:17.

 EJE THU NI CO UNE JEU’ O RE CI BEREDONE KEI TUSI HMIJOC?

Kori, ka ade theri ko re tan:

  • Hna doku ni Satana ha co bi. Iehova ha hna uane co aedeni o re nene ni Satana ci nia ngom. Nubonengo ci beredone ko ha “co adereni nubone me numu nene thu tango, omelei ko re diabolo” ka co abini roion’ o re nodei dega wen’ o Satana.—Hebera 2:14, Tusi Hmijoc Pene Nengone.

  • Madaru ha hna ure Iesu Keriso thu co musion’ o re ten’ o re aw. La musi ni Iesu deko lo ma ekowe sese ne il’ o re la musi me nia ne thu rereu no se necen. Ri pon’ o re hna doku ni Iesu, Madaru ci beredone: “Nubonengo co raton’ o re ta beine ne ta deko ac . . . Nubonengo co awarumani o re uieni buice hna ci pulakotone ne ci nian.”—Ta Salamo 72:13, 14.

  • Madaru tha thu cihmuge ko. Tusi Hmijoc ci ie ahngan: “Tha thu cihnewe ti ko kei Madaru.” (Hebera 6:18) Ka ngei Madaru ma beredonebot’ o re enengoco, ha co roi ne ha co pina ko! (Isaia 55:10, 11) “Co udi obot’ onome ko re necen’ ome ri ten.”—Ioane 12:31.

 CO UANELO RI PON’ OMELEI

Ha co inom’ o re nge di ko re ten’ o re awe ri thubenelo ma hna atakoni o re necen’ omelei?

Tusi Hmijoc ci cedi omelei ri TA SALAMO 37:10, 11 ne AHNGABOT 21:3, 4.