Canga ule o re ta hna ie ri site

Canga ulelo te ri se menu

Nodei Thu Asesekoni Iehova

Nengone

Nge Kore Baselaia Ni Madaru?

Nge Kore Baselaia Ni Madaru?

Nge kore buhnije co ie? . . .

  • se ace me ile ri hnor?

  • se ta aekoweni?

  • ca baselaia ile ri aw?

 CI IE KO NGE KEI TUSI HMIJOC?

“Madarungo ri awe co akurunilo o re baselaia me tha thu ni ko co atakonibot.”—Daniela 2:44, Tusi Hmijoc Pene Nengone.

“Ha hna kanone du xeje ko re tenen’ aicahman, ka co ile ri pon’ o re rue kataade ni nubonengo ko re musi.” —Isaia 9:6.

NGE KO RE KAKAILEN’ OMELEI DU BUHNIJENGO?

  • O re musi me netit thu co numu roi so buhnij etha xara sa.—Isaia 48:17, 18.

  • Ri ten’ o re awe me kabesi, co menenge ri deko ued ne ri opodon. —Ahngabot 21:3, 4.

 EJE THUNI CO UNE JEU’ O RE CI BEREDONE KEI TUSI HMIJOC?

Kori, ka ade tru ko re tan:

  • Iesu hna aehngeni o re co ilone ko re Baselaia ni Madaru. Iesu hna yenon’ o re re kokonien co hne ha thu co shedolu kore Baselaia ni Madaru ne co apinani o re alatone ni Nubonengo ome ri ten. (Mataio 6:9, 10) Iesu hna asesekoni ko co korione kore co aiuni o re gure hne omelei.

    Ri bone be ome ri ten, Iesu hna akakani buice o re ci cawa, hna aroini o re ta ued, ne hna aroinilo o re ta tango! (Mataio 15:29-38; Ioane 11:38-44) Ri dan’ o re bone co doku, Iesu ha hna aehngeni du ej’ o re bone co rue ri Baselaia ni Madaru ome ri ten.—Ahngabot 11:15.

  • Ta ace ci ahnga onome ri ten’ o re aw ci aehngeni ko o re Baselaia ni Madaru ha co pina. Iesu ha hna auaneni ko ri dan’ o re co pina kore dongodongo wene ri Baselaia, o re ten’ o re awe co nia hnen’ o re ta irue, ne tango cawa, ne ta wowene.—Mataio 24:3, 7.

    Eje onome ci ule o re nodei ac’ omelei. Inomelei eje ci une ko o re Baselaia ni Madaru ha co atakoni o re nodei nia omelei.

 CO UANELO RI PON’ OMELEI

Ha co nge kore la ci roi ma co musi kore Baselaia ni Madaru?

Tusi Hmijoc ci cedi omelei ri TA SALAMO 37:29 ne ISAIA 65:21-23.