हितोपदेश ७:१-२७

  • परमेश्‍वरका आज्ञाहरू मान र दीर्घायु होऊ (१-५)

  • सिधासादा केटालाई फसाइन्छ (६-२७)

    • “मार्न लगिएको बहरझैँ” (२२)

 हे मेरो छोरा, मेरो कुरा मान; मेरा आज्ञाहरू हृदयमा राखिराख।+  २  मेरा आज्ञाहरू मान र दीर्घायु होऊ;+ आँखाको नानीलाई झैँ मेरा अर्तीलाई सम्हालिराख।  ३  ती तिम्रा औँलामा बाँधिराख र आफ्नो हृदयको पाटीमा लेखिराख।+  ४  बुद्धिलाई भन, “तिमी मेरी दिदी हौ” र समझशक्‍तिलाई भन, “तिमी मेरो नातेदार हौ।”  ५  तब छाडा* आइमाईबाट तिमी जोगिनेछौ;+ चरित्रहीन* आइमाई र त्यसको चिप्लो* बोलीबाट तिमी बच्नेछौ।+  ६  मैले आफ्नो घरको झ्यालबाट तल हेरेँ, मैले आँखीझ्यालबाट चियाएँ;  ७  त्यहाँ मैले सिधासादा* केटाहरू देखेँ; तिनीहरूबीच मैले एक जना मूर्ख* केटा पनि देखेँ।+  ८  त्यो केटा त्यस आइमाईको घरनजिकैको चोकमा पुग्यो अनि त्यहाँबाट ऊ सरासर त्यस आइमाईको घरतिर लाग्यो।  ९  दिन ढल्केर साँझ पर्दै जाँदा+ अनि रात परेर अँध्यारो हुँदै जाँदा, १०  एउटी आइमाई त्यस केटालाई भेट्‌न आई; उसको लुगा वेश्‍याको जस्तो छ,+ उसको हृदय धुर्त्याइँले भरिएको छ। ११  उसलाई लाजसरम केही छैन, ऊ आफूखुसी गर्छे,+ घरमा उसको बासै हुँदैन।* १२  ऊ कहिले सडकमा त कहिले चोकमा हुन्छे; चोकका कुनाकाप्चामा ऊ ढुकेर बस्छे।+ १३  उसले त्यस केटालाई च्याप्प समातेर म्वाइँ खाई अनि लाजै नमानी यसो भनी: १४  “मैले मेलबलि* चढाउनुपर्ने थियो;+ आज मैले त्यो भाकल पूरा गरेँ। १५  त्यसैले त म तिमीलाई भेट्‌न आएँ; म तिमीलाई नै खोज्दै थिएँ, बल्ल भेट्टाएँ! १६  मैले मेरो ओछ्यानमा राम्रो तन्‍ना बिछ्याएकी छु, मिश्रबाट* ल्याएको मलमलको रङ्‌गीन तन्‍ना।+ १७  मैले मर्र,* अगरु* र दालचिनी छर्केर ओछ्यानलाई सुगन्धित बनाएकी छु।+ १८  आऊ हामी प्रेमको सागरमा डुबुल्की मारौँ; भोलि बिहानसम्मै प्रेमको नशामा डुबिरहौँ। १९  मेरा पति घरमा छैनन्‌; उनी लामो यात्रामा गएका छन्‌। २०  उनले झोलाभरि पैसा लगेका छन्‌; उनी पूर्णिमाको दिनसम्म घर फर्कँदैनन्‌।” २१  फकाइफुस्लाइ गरेर उसले त्यस केटालाई पासोमा पारी।+ चिप्लो कुरा गरेर त्यसलाई मोहित बनाई। २२  अनि मार्न लगिएको बहरझैँ त्यो केटा लुरुलुरु गयो; ठिँगुरोमा जाक्न लगिएको मूर्खझैँ त्यो उसको पछिपछि लाग्यो।+ २३  काँडले घोपेझैँ त्यसको कलेजो छियाछिया हुनेछ; वेगसित पासोभित्र छिर्ने चराझैँ त्यो पनि पासोमा पर्नेछ; आफ्नो ज्यान गुमाउनुपर्नेछ भनेर उसलाई थाहै हुँदैन।+ २४  हे मेरा छोरा हो, मेरो कुरा सुन, मैले भनेका कुराहरू मान। २५  त्यसको पछि नलाग, तिम्रो हृदय बहकिन नदेऊ; बरालिएर त्यसको बाटोमा नजाऊ।+ २६  किनकि त्यसले धेरैको पतन गराइसकी,+ त्यसले थुप्रैलाई आफ्नो सिकार बनाइसकी।+ २७  त्यसको घर चिहानमा* पुऱ्‍याउने बाटो हो, जसले मृत्युको गहिरो खाडलमा पुऱ्‍याउँछ।

फुटनोटहरू

शा., “पराई।” हितो २:१६ हेर्नुहोस्‌।
शा., “विदेशी।” हितो २:१६ हेर्नुहोस्‌।
वा “लट्ठ पार्ने।”
वा “अनुभव नभएका।”
वा “सुझबुझ नभएको।”
शा., “घरमा उसको खुट्टै हुँदैन।”
शब्दावली हेर्नुहोस्‌।
वा “इजिप्टबाट।”
शब्दावली हेर्नुहोस्‌।
यसले बाइबलकालीन समयमा अत्तर बनाउन प्रयोग गरिने बास्नादार तत्त्व भएको रूखलाई जनाउँछ।
हिब्रू भाषामा शिओल। शब्दावली हेर्नुहोस्‌।