हितोपदेश ५:१-२३

  • चरित्रहीन आइमाईविरुद्ध चेतावनी (१-१४)

  • आफ्नी पत्नीसित रमाऊ (१५-२३)

 हे मेरो छोरा, बुद्धिले भरिएका मेरा कुराहरूमा ध्यान देऊ।समझशक्‍तिबारे मैले सिकाएका कुराहरू राम्ररी सुन;*+  २  तब तिमीले आफ्नो सोच्ने क्षमतालाई जोगाउनेछौर आफ्नो बोलीले ज्ञानको रक्षा गर्नेछौ।+  ३  छाडा* आइमाईको बोली महजस्तै मीठो हुन्छ,+त्यसको बोली तेलभन्दा चिप्लो हुन्छ।+  ४  तर आखिरमा त्यो आइमाई तीतेपातीझैँ तीतो+र दुईधारे तरबारझैँ धारिलो हुन्छे।+  ५  त्यसको खुट्टा मृत्युको बाटोतिर लाग्छ, त्यसका पाइलाहरूले सोझै चिहानमा* पुऱ्‍याउँछ।  ६  त्यसले जीवनको बाटोलाई वास्तै गर्दिन। त्यो यताउता डुलिहिँड्‌छे तर कहाँ पुग्ने हो, जान्दिन।  ७  हे मेरा छोरा हो, मेरो कुरा सुन,मैले भनेका कुराहरूलाई बेवास्ता नगर।  ८  त्यस आइमाईबाट टाढै बस;त्यसको घरको छेउमा समेत नजाऊ+  ९  नत्र त तिमी अरूको नजरमा गिर्नेछौ+र जिन्दगीभर दुःख भोग्नेछौ+ १०  अनि परदेशीहरूले तिम्रो सम्पत्ति लुट्‌नेछन्‌+र तिम्रो पसिनाको कमाइले अरूको घर भरिनेछ। ११  जब तिम्रो शरीर गलिसकेको हुनेछ,तब जीवनको अन्तिम घडीमा तिमीले सुस्केरा हाल्नेछौ+ १२  र भन्‍नेछौ: “मैले अर्तीलाई बेकारमा घृणा गरेछु!मलाई सुधारिँदा बेकारमा त्यसलाई लत्याएछु! १३  मैले मेरा गुरुहरूको कुरा मानिनँअनि मलाई सिकाउनेहरूको कुरामा ध्यान दिइनँ। १४  सारा समुदायको अगाडि*मेरो सर्वनाश हुनै लागेको छ।”+ १५  आफ्नै कुवाको पानी पिऊर आफ्नै मुहानको पानी पिउने गर।+ १६  तिम्रो कुवाको पानी बाहिरतिर किन पोखिन दिन्छौ?तिम्रो मुहानको पानी सहरका चोकहरूमा किन बग्न दिन्छौ?+ १७  त्यो तिम्रै लागि मात्र होस्‌,अरू कसैको लागि नहोस्‌।+ १८  तिम्रो मुहान कहिल्यै नसुकोस्‌,तिमीले बैँसमा बिहे गरेको तिम्री पत्नीसित रमाऊ।+ १९  उनी तिम्री मायालु हरिणी, मनै लोभ्याउने घोरल* हुन्‌,+ उनकै स्तनहरूमा सधैँ सन्तुष्ट होऊ; उनकै मायामा हरपल डुबिरह।+ २०  हे मेरो छोरा, तिमी किन छाडा* आइमाईको मायाजालमा फस्छौ?चरित्रहीन* आइमाईको अङ्‌गालोमा किन बाँधिन्छौ?+ २१  मानिसको कुनै पनि चाल यहोवाको नजरबाट लुक्न सक्दैन,उहाँले मानिसको हरेक पाइला नियाल्नुहुन्छ।+ २२  दुष्ट मानिस आफ्नै गलत चालको पासोमा पर्छ;त्यसको पापले त्यसलाई डोरीले झैँ बाँधिराख्छ।+ २३  आफ्नो घोर मूर्खताले गर्दा ऊ बरालिनेछ;अर्ती नसुनेकोले ऊ मर्नेछ।

फुटनोटहरू

शा., “कुराहरूमा कान थाप।”
शा., “पराई।” हितो २:१६ हेर्नुहोस्‌।
हिब्रू भाषामा शिओल। शब्दावली हेर्नुहोस्‌।
शा., “सभा अनि मण्डलीको माझ।”
ठूलो खालको बाख्रोजस्तो एक जातको मृग।
शा., “पराई।” हितो २:१६ हेर्नुहोस्‌।
शा., “विदेशी।” हितो २:१६ हेर्नुहोस्‌।