हितोपदेश २३:१-३५

  • निम्तो स्विकार्दा होस पुऱ्‍याऊ ()

  • धन कमाउन घोटिने नगर ()

  • धनसम्पत्ति उडेर जान सक्छ ()

  • रक्सी धेरै पिउने मानिसहरूको सङ्‌गत नगर (२०)

  • रक्सीले सर्पले झैँ डस्छ (३२)

२३  राजासँग भोजन गर्न बस्दा होस पुऱ्‍याऊ, खान हतार नगर;  २  तिम्रो धेरै खाने बानी छ भने आफूलाई काबूमा राख।*  ३  उसले दिने स्वादिष्ठ भोजनको लोभ नगर, त्यो भोजन तिम्रो लागि पासो बन्‍न सक्छ।  ४  धन कमाउन बेसरी घोटिने नगर,+ त्यसो गर्न छोड र सुझबुझ देखाऊ।*  ५  तिमीले नजर लगाउन नपाउँदै त्यो धनसम्पत्ति हराइहाल्छ।+ किनकि त्यसमा पखेटा लाग्छ र चील आकाशतिर उडेझैँ त्यो उडेर गइहाल्छ।+  ६  कन्जुस मानिसकहाँ खाना खान नजाऊ अनि उसले दिने स्वादिष्ठ भोजनको लोभ नगर  ७  किनकि उसले एक-एक कुराको हिसाब राख्छ। उसले मुखले त “खाऊ, पिऊ” भन्ला तर मनैदेखि भन्दैन।  ८  तिमीले उसको जे खायौ, त्यो सबै ओकल्नेछौ अनि तिमीले गरेको सबै तारिफ बेकार हुनेछ।  ९  मूर्खसित ज्ञानगुनको कुरा नगर+ किनकि उसले त्यसलाई बेकार ठान्‍नेछ।+ १०  पुरानो साँध-सिमाना नसार+ अनि अनाथको* जग्गा नमिच ११  किनकि तिनीहरूका रक्षक* शक्‍तिशाली हुनुहुन्छ; उहाँ तिनीहरूको पक्षमा लड्‌नुहुनेछ।+ १२  मन लगाएर अर्ती* ग्रहण गर अनि ज्ञानगुनका कुरामा कान थाप। १३  बालकलाई अनुशासन दिन पछि नहट।+ तिमीले उसलाई छडीले पिट्‌यौ भने पनि ऊ मर्नेछैन। १४  तिमीले उसलाई छडीले पिट्‌यौ भने उसको जीवन जोगाउनेछौ।* १५  हे मेरो छोरा, तिमी बुद्धिमान्‌ भयौ भने मेरो हृदय रमाउनेछ।+ १६  जब तिमी साँचो कुरा बोल्छौ, तब म मनैदेखि रमाउँछु।* १७  तिम्रो हृदयले पापीहरूको डाह नगरोस्‌+ बरु सधैँ यहोवाको डर मानोस्‌।+ १८  तब तिम्रो भविष्य उज्ज्वल हुनेछ+ अनि तिम्रो आशा टुट्‌नेछैन। १९  हे मेरो छोरा, सुन र बुद्धिमान्‌ होऊ अनि तिम्रो हृदयलाई सही बाटोमा लगाऊ। २०  रक्सी धेरै पिउने मानिसहरूको सङ्‌गत नगर+ अनि मासु हसुर्ने मानिसहरूसित नबस।+ २१  किनकि जँड्‌याहा र घिचुवा कङ्‌गाल हुनेछ+ अनि निद्राले थाङ्‌ने बनाइदिन्छ। २२  तिमीलाई जन्म दिने बुबाको कुरा सुन अनि आफ्नी आमालाई बूढी भइसकिन्‌ भनेर हेला नगर।+ २३  सत्य किन* र त्यसलाई कहिल्यै नबेच+ बरु बुद्धि, अनुशासन र समझ पनि किन।+ २४  धर्मी छोराको बुबा साँच्चै रमाउनेछ अनि बुद्धिमान्‌ छोराको बुबा आनन्दित हुनेछ। २५  तिम्रा बुबा र आमा खुसी हुनेछन्‌ अनि जसले तिमीलाई जन्माइन्‌, उनी रमाउनेछिन्‌। २६  हे मेरो छोरा, मेरो कुरामा मन लगाऊ अनि मैले देखाएको बाटोमा खुसीसाथ हिँड।+ २७  वेश्‍या गहिरो खाडल हो अनि चरित्रहीन* आइमाई गहिरो इनार हो।+ २८  ऊ डाँकुजस्तै ढुकेर बस्छे;+ उसले गर्दा थुप्रै पुरुषले धोका दिन्छन्‌। २९  कष्ट कसलाई हुन्छ? छटपटी कसलाई हुन्छ? झगडा कसले गर्छ? गनगन कसले गर्छ? बिनसित्ति चोटपटक कसलाई लाग्छ? कसका आँखा राताराता* हुन्छन्‌? ३०  जसले अबेरसम्म रक्सी पिइरहन्छ+ अनि जो कडा रक्सी खोज्दै हिँड्‌छ।* ३१  प्यालामा चमचम चम्किने र घाँटीमा सरर्र बग्ने रक्सीको रातो रङ्‌गलाई नहेर ३२  किनकि अन्तमा त्यसले सर्पले झैँ डस्छ अनि विषालु सर्पले झैँ विष ओकल्छ। ३३  तिम्रा आँखाले अनौठा दृश्‍यहरू देख्नेछन्‌ अनि तिम्रो मनले अर्थ न बर्थका कुराहरू गर्नेछ।+ ३४  अनि तिमीलाई आफू समुद्रको बीचमा तैरिरहेको छु जस्तो लाग्नेछ, जहाजको मस्तुलको टुप्पामा सुतिरहेको छु जस्तो लाग्नेछ। ३५  तिमीले भन्‍नेछौ: “तिनीहरूले मलाई हिर्काए, तर मैले थाहै पाइनँ।* तिनीहरूले मलाई कुटे तर मैले चालै पाइनँ। म कहिले ब्युँझिऊँ+ अर्को एक घुट्‌को रक्सी पिऊँ?”*

फुटनोटहरू

शा., “तिम्रो गर्दनमा चक्कु तेर्स्याऊ।”
वा सम्भवत: “आफ्नै समझशक्‍तिमा भर पर्न छोड।”
वा “बुबा गुमाएको बच्चाको।”
शा., “उद्धारक।”
वा “अनुशासन।”
वा “उसलाई चिहानबाट जोगाउनेछौ।” हिब्रू भाषामा शिओल। शब्दावली हेर्नुहोस्‌।
शा., “मेरा मिर्गौलाहरू रमाउँछन्‌।”
वा “हासिल गर।”
शा., “विदेशी।” हितो २:१६ हेर्नुहोस्‌।
वा “लट्ठ।”
वा “कडा रक्सी पिउन भेला हुन्छ।”
वा “मलाई दुखेन।”
वा “फेरि रक्सी खोज्न जाऊँ?”