हितोपदेश २१:१-३१

  • राजाको मन यहोवाको हातमा हुन्छ ()

  • न्यायोचित काम बलिदानभन्दा उत्तम हो ()

  • मेहनती मानिसको योजना सफल हुन्छ ()

  • दीनदुःखीको पुकारा नसुन्‍नेको पुकारा पनि कसैले सुन्दैन (१३)

  • यहोवाको सामने कसैको बुद्धिको केही लाग्दैन (३०)

२१  राजाको हृदय यहोवाको हातमा खोलाको पानीजस्तै हो,+ उहाँ त्यसलाई जता चाहनुहुन्छ, त्यतै मोड्‌नुहुन्छ।+  २  मानिसलाई आफ्नो सबै चाल ठीक लाग्छ+ तर हृदय* जाँच्नुहुने यहोवा नै हुनुहुन्छ।+  ३  यहोवालाई बलिदानभन्दा सही र न्यायोचित काम मन पर्छ।+  ४  अहङ्‌कारी आँखा र घमन्डी हृदय पाप हुन्‌, जसले दुष्टलाई बत्तीले झैँ बाटो देखाउँछ।+  ५  मेहनती मानिसले बनाएको योजना सफल हुन्छ+ तर हतार गर्ने मानिसहरू कङ्‌गाल हुन्छन्‌।+  ६  झूट बोलेर कमाएको सम्पत्ति बिलाएर जाने कुहिरो र ज्यानमारा पासो हो।*+  ७  दुष्टहरूको अत्याचारले तिनीहरूको आफ्नै हानि हुन्छ+ किनकि तिनीहरू अन्याय गर्न छोड्‌दैनन्‌।  ८  दोषी मानिसको चाल टेढो हुन्छ तर निर्दोष मानिसको चाल सोझो हुन्छ।+  ९  झगडालु* पत्नीसित एउटै घरमा बस्नुभन्दा कौसीको एउटा कुनामा बस्नु बेस हो।+ १०  दुष्ट मानिस खराब काम गर्न खोजिरहन्छ;+ उसले छिमेकीलाई दयामाया देखाउँदैन।+ ११  अरूको खिल्ली उडाउनेले सजाय पाएको देख्दा अनुभवहीन मानिस बुद्धिमान्‌ हुन्छ; बुद्धिमान्‌ मानिसले अन्तर्दृष्टि* हासिल गर्दा उसको ज्ञान बढ्‌छ।+ १२  न्यायी परमेश्‍वरको नजर दुष्टको घरमा पनि हुन्छ; उहाँले दुष्टलाई नाश गर्नुहुन्छ।+ १३  जसले दीनदुःखीको पुकारा सुन्दैन, उसले पुकार्दा पनि कसैले सुन्‍नेछैन।+ १४  गुप्तमा दिएको उपहारले रिसलाई शान्त पार्छ+ अनि लुकाएर दिएको दानले* क्रोधलाई कम गर्छ। १५  न्यायोचित काम गर्न धर्मी मानिसलाई खुसी लाग्छ+ तर दुष्ट काम गर्नेलाई भने असाध्यै दुःख लाग्छ। १६  बुद्धिको* मार्गबाट तर्किने मानिसले मृत्यु भोग्नुपर्ने हुन्छ।+ १७  मोजमस्तीमा डुबिरहने मानिस दरिद्र हुनेछ;+ मद्य र तेल मन पराउने मानिस धनी हुँदैन। १८  धर्मी मानिसको लागि दुष्ट मानिसको फिरौती दिइनेछ अनि सोझो मानिसको साटो छली मानिस लगिनेछ।+ १९  झगडालु* र घरीघरी रिसाइरहने पत्नीसित बस्नुभन्दा अनकन्टार ठाउँमा बस्नु बेस हो।+ २०  बुद्धिमान्‌को घरमा बहुमूल्य सम्पत्ति र तेल हुन्छ+ तर मूर्खले आफूसित भएको सबै उडाउँछ।*+ २१  जो धार्मिकता र अटल प्रेमको पछि लाग्छ, ऊ परमेश्‍वरको नजरमा धर्मी ठहरिन्छ; उसले जीवन र प्रशंसा पाउँछ।+ २२  बुद्धिमान्‌ मानिसले वीर योद्धाहरूको सहरलाई जित्छ अनि जुन शक्‍तिमा तिनीहरूको भरोसा थियो, त्यसलाई तोडिदिन्छ।+ २३  आफ्नो मुख र जिब्रोलाई काबूमा राख्ने मानिस समस्यामा फस्नदेखि जोगिन्छ।+ २४  घमन्डले फुलेर आवेगमा आउने मानिस अहङ्‌कारी र धक्कुबाज कहलाइन्छ।+ २५  अल्छी मानिसलाई उसको आफ्नै लालसाले मार्छ किनकि ऊ आफ्नो हातले काम गर्न चाहँदैन।+ २६  ऊ दिनभर केही न केही कुरा पाउने लालसा गरिरहन्छ तर धर्मी मानिसले कन्जुस्याइँ नगरी दिन्छ।+ २७  दुष्टले चढाएको बलि घृणित हुन्छ,+ त्यसले खराब मनसायले* चढाएको बलि झन्‌ कत्ति घृणित हुन्छ होला! २८  झूटो साक्षी दिने मानिस नाश हुन्छ+ तर ध्यान दिएर सुन्‍ने मानिसले सही बयान दिन्छ। २९  दुष्ट मानिसको अनुहारमा लाजसरम हुँदैन,+ सोझो मानिसले सही बाटो छोड्‌दैन।+ ३०  यहोवाको सामने कसैको बुद्धि, समझ र अर्तीको केही लाग्दैन।+ ३१  युद्धको दिनको लागि घोडा तयार पारिन्छ+ तर विजयी तुल्याउनुहुने* यहोवा नै हुनुहुन्छ।+

फुटनोटहरू

वा “मनसाय।”
वा सम्भवत: “मृत्युको बाटो खोज्नेहरूका लागि बिलाएर जाने कुहिरोजस्तै हो।”
वा “कचकचे।”
वा “आन्तरिक चेतना।”
शा., “पोल्टामा लुकाएको घुसले।”
वा “अन्तर्दृष्टिको।”
वा “कचकचे।”
शा., “निल्छ।”
वा “निर्लज्ज आचरणसहित।”
वा “उद्धार दिनुहुने।”