हितोपदेश १:१-३३

  • हितोपदेशको उद्देश्‍य (१-७)

  • खराब सङ्‌गतको खतरा (८-१९)

  • बुद्धिले ठूलो स्वरले बोलाउँछ (२०-३३)

 दाउदका छोरा,+ इस्राएलका राजा+ सुलेमानले दिएको हितोपदेश:*+  २  यसले बुद्धि बढाउन+ र अनुशासन स्विकार्न,ज्ञानगुनका कुराहरू बुझ्न;  ३  अन्तर्दृष्टि* दिनेअनि धर्मी,*+ निष्पक्ष+ र इमानदार बनाउने अनुशासन+ स्विकार्न;  ४  अनुभवहीनहरूलाई बाठो+ बनाउन;युवाहरूलाई सोच्ने क्षमता+ र ज्ञान हासिल गर्न मदत गर्छ।  ५  बुद्धिमान्‌ मानिसले सल्लाह सुन्छ र अझ धेरै कुरा सिक्छ;+समझदार मानिसले भरपर्दो डोऱ्‍याइ खोज्छ।+  ६  यस्तो मानिसले ज्ञानगुनका कुरा र गहिरा कुराअर्थात्‌ बुद्धिमान्‌का वचन र उखान-टुक्का* बुझ्ने प्रयास गर्छ।+  ७  यहोवाको डर मान्‍नु ज्ञानको सुरुवात हो।+ मूर्खले मात्र बुद्धि र अर्तीलाई तुच्छ ठान्छ।+  ८  हे मेरो छोरा, आफ्नो बुबाको अर्ती सुन+र आफ्नी आमाले सिकाएको कुरालाई बेवास्ता नगर।+  ९  ती तिम्रो शिरको लागि सुन्दर मुकुट,*+गलाको लागि अनमोल हार हुन्‌।+ १०  हे मेरो छोरा, दुष्टहरूले फकाउन खोज्दा तिनीहरूको पछि नलाग।+ ११  तिनीहरूले भन्लान्‌: “हामीसित आऊ, निर्दोषहरूलाई मार्न पासो थापौँ। तिनीहरूलाई मार्न ढुकिबसौँ। १२  हामी तिनीहरूलाई चिहानले* झैँ जिउँदै निल्नेछौँ,गहिरो खाडलमा पर्नेहरूलाई जस्तै पूरै निल्नेछौँ। १३  तिनीहरूको बहुमूल्य धनमाल सबै लुटौँ;लुटका मालले हामी आफ्नो घर भरौँ। १४  आऊ, हामीसँगै आऊअनि लुटका माल बराबर बाडौँला।” १५  हे मेरो छोरा, तिनीहरूको पछि नलाग। तिनीहरूको बाटोमा नहिँड,+ १६  किनकि तिनीहरू* खराब काम गर्न हतारिन्छन्‌;मानिसको ज्यान लिन आतुरी गर्छन्‌।+ १७  चराको आँखाअगाडि जाल थाप्नु बेकार हो। १८  त्यसैले तिनीहरू मान्छे मार्न ढुकिबस्छन्‌;अरूको ज्यान लिन तिनीहरू लुकिबस्छन्‌। १९  तिनीहरू बेइमानी गरेर धन कमाउन खोज्छन्‌तर त्यस्तो कामले उल्टै तिनीहरूको ज्यान लिन्छ।+ २०  बाटोमा बसेर बुद्धिले*+ ठूलो स्वरले बोलाउँछ।+ चोकहरूमा उसले आफ्नो आवाज अझै उचाल्छ।+ २१  व्यस्त सडकको कुनामा* बसेर ऊ कराउँछ। सहरको मूलढोकामा बसेर उसले यसो भन्छ:+ २२  “हे अनुभवहीन हो, कतिन्जेल त्यस्तै रहिरहन चाहन्छौ? हे गिल्ला गर्ने हो, कतिन्जेल गिल्ला गर्दै बस्छौ? अनि हे मूर्ख हो, कतिन्जेल मूर्खै रहन चाहन्छौ?+ २३  मैले तिमीलाई सुधार्दा त्यसलाई स्विकार,+ तब तिमीलाई म बुद्धिमान्‌ बनाउनेछुअनि तिमीलाई ज्ञान दिनेछु।+ २४  मैले बोलाएँ तर तिमीले सुन्‍न चाहेनौ;मैले हात बढाएँ तर कसैले वास्ता गरेन;+ २५  तिमीले मेरो एउटै सल्लाह सुनेनौ;मैले सुधार्दा इन्कार गरिरह्‍यौ; २६  तिमीमाथि दु:ख आइपर्दा म हाँस्नेछु;तिमीलाई जुन कुराको डर थियो, तिमीले त्यही भोग्दा म खिसी गर्नेछु;+ २७  तिमीलाई जुन कुराको डर थियो, त्यो आँधीबेहरीझैँ आइपर्दा,तिमीमाथि हुरीबतास आएझैँ सङ्‌कट आइपर्दा,तिमीमाथि दुःख र समस्या आइपर्दा म खिसी गर्नेछु। २८  त्यतिखेर तिनीहरूले मलाई गुहार्नेछन्‌ तर म जवाफ दिनेछैनँ;तिनीहरूले मलाई धुइँधुइँती खोज्नेछन्‌ तर भेट्टाउनेछैनन्‌+ २९  किनकि तिनीहरूले ज्ञानलाई घृणा गरे+अनि यहोवाको डर मान्‍न चाहेनन्‌।+ ३०  तिनीहरूले मेरो सल्लाह सुनेनन्‌;मैले सुधार्दा तिनीहरूले वास्तै गरेनन्‌। ३१  तिनीहरूले आफ्नो कामको फल पाउनेछन्‌;+आफूले खनेको खाल्टोमा आफै पर्नेछन्‌। ३२  गलत बाटोमा हिँड्‌ने अनुभवहीनहरूको पतन हुनेछ;आफ्नो लापर्बाहीले गर्दा मूर्खहरूको विनाश हुनेछ। ३३  मेरो कुरा ध्यान दिएर सुन्‍ने सुरक्षित रहनेछ+अनि विपत्तिको डरले उसलाई पिरोल्नेछैन।”+

फुटनोटहरू

वा “ज्ञानगुनका कुरा।”
वा “आन्तरिक चेतना।”
शब्दावलीमा “धार्मिकता” हेर्नुहोस्‌।
वा “गाउँखाने कथा।”
वा “ताज।”
हिब्रू भाषामा शिओल। शब्दावली हेर्नुहोस्‌।
शा., “तिनीहरूको खुट्टा।”
वा “साँचो बुद्धिले।”
शा., “शिरमा।”