भजनसङ्‌ग्रह ८८:१-१८

  • मृत्युबाट जोगाउन प्रार्थना

    • “म मृत्युको मुखमा पर्नै लागेको छु” ()

    • ‘हरेक बिहानी म तपाईँलाई प्रार्थना गर्छु’ (१३)

एउटा गीत। कोरहवंशीको एउटा भजन।+ निर्देशकलाई; महालथ* शैलीमा। पालैपालो गाउने। एज्रहवंशी हेमानको+ मास्किल।* ८८  हे यहोवा, मेरो उद्धार गर्नुहुने परमेश्‍वर,+दिनभरि म रोइकराइ गर्छुअनि रातभरि तपाईँसामु आफ्नो मनको बह पोखाउँछु।+  २  मेरो प्रार्थना तपाईँसामु पुगोस्‌+अनि सहायताको निम्ति मैले गरेको पुकारामा आफ्नो कान थाप्नुहोस्‌।*+  ३  किनकि म दुःखैदुःखले भरिएको छु+अनि म मृत्युको+ मुखमा* पर्नै लागेको छु।  ४  मेरो गन्ती चिहानमा जाने मानिसहरूसँगै भएको छ।+म लाचार* मानिसजस्तै भएको छु।+  ५  मुर्दाहरूको बीचमा मिल्काइएकोअनि चिहानमा पस्रिरहेको लासझैँ भएको छु,जसलाई तपाईँले आफ्नो सम्झनाबाट मेटाइसक्नुभएको छ,जसको हात तपाईँले छोडिसक्नुभएको छ।  ६  तपाईँले मलाई गहिरो खाडलमा फ्याँकिदिनुभएको छ;त्यो अगाध खाडलमा, जहाँ निस्पट्ट अन्धकार छाएको छ।  ७  तपाईँको क्रोधले मलाई थिचेको छ+अनि तपाईँको भयानक छालले मलाई घेरेको छ। (सेला)  ८  मैले चिनेजानेका मानिसहरूलाई तपाईँले मबाट टाढा पठाउनुभएको छ;+तिनीहरूको अघि मलाई घृणाको पात्र बनाउनुभएको छ।म थुनिएको छु र उम्कन सक्दिनँ।  ९  रुँदा-रुँदा मेरा आँखाहरू थाकिसकेका छन्‌।+हे यहोवा, दिनभरि म तपाईँलाई पुकार्छु;+तपाईँतिरै आफ्नो हात फैलाउँछु। १०  जो मरिसकेका छन्‌, के तपाईँ तिनीहरूका लागि अचम्मका कामहरू गर्नुहुन्छ?मुर्दाहरूले फेरि उठेर तपाईँको जयजयकार गर्न सक्छन्‌ र?+ (सेला) ११  के तपाईँको अटल प्रेम चिहानमाअनि तपाईँको वफादारीको घोषणा विनाशको ठाउँमा* हुन्छ र? १२  के अन्धकारमा तपाईँले गर्नुभएका अचम्मका कामहरू प्रकट हुन्छन्‌ र?अनि नामोनिसान मेटिएकाहरूको देशमा तपाईँको न्याय प्रकट हुन्छ र?+ १३  तर हे यहोवा, म अझै पनि तपाईँलाई पुकार्छु,+हरेक बिहानी म तपाईँसामु प्रार्थना गर्छु।+ १४  हे यहोवा, तपाईँ मलाई किन त्याग्नुहुन्छ?+अनि आफ्नो मुहार मदेखि किन लुकाउनुहुन्छ?+ १५  जवान छँदादेखि नैम दुःखको भुमरीमा परेको छु, मृत्युसित जुझ्दै आएको छु;+तपाईँले ममाथि भयानक विपत्तिहरू आइपर्न दिनुभएको छ, ती सहँदा-सहँदा म शिथिल भएको छु। १६  तपाईँको बल्दो रिस ममाथि दन्केको छ;+तपाईँको भयले मलाई स्वाहा पारेको छ। १७  त्यसले मलाई समुद्रको छालले झैँ दिनभरि घेर्छअनि मलाई चारैतिरबाट* छोप्छ। १८  मेरा साथीहरू र मलाई साथ दिनेहरूलाई तपाईँले मदेखि टाढा लैजानुभएको छ;+अन्धकार नै मेरो मित्र बनेको छ।

फुटनोटहरू

शब्दावली हेर्नुहोस्‌।
शब्दावली हेर्नुहोस्‌।
वा “मतिर झुक्नुहोस्‌ र सुन्‍नुहोस्‌।”
वा “चिहानमा।” हिब्रू भाषामा शिओल। शब्दावली हेर्नुहोस्‌।
वा “बल नभएको।”
हिब्रू भाषामा एबाड्डोन। शब्दावलीमा “एबाड्डोन” हेर्नुहोस्‌।
वा सम्भवतः “अचानक।”