भजनसङ्ग्रह ७६:१-१२
निर्देशकलाई; तारे बाजाहरूसहित बजाउने। आसापले रचेको भजन।+ एउटा गीत।
७६ सारा यहुदाले परमेश्वरलाई चिन्छ;+इस्राएलमा उहाँको नाम महान् छ।+
२ उहाँको निवास सालेममा छ;+उहाँ सियोनमा बास गर्नुहुन्छ।+
३ उहाँले त्यहाँ अग्निबाणहरू भाँचिदिनुभयो,ढाल, तरबार र युद्धका हातहतियारलाई टुक्राटुक्रा पारिदिनुभयो।+ (सेला)
४ तपाईँ चमचम चम्कनुहुन्छ;*तपाईँ सिकारले भरिएको पहाडभन्दा पनि महिमित हुनुहुन्छ।
५ निडर मानिसहरू लुटिए।+तिनीहरू मृत्युको चिर निद्रामा परे;योद्धाहरू सबै असहाय भए।+
६ हे याकुबका परमेश्वर, तपाईँको हप्कीले गर्दारथ हाँक्ने सिपाही र घोडा दुवै मृत्युको चिर निद्रामा परे।+
७ तपाईँ मात्र श्रद्धा र भय जगाउने परमेश्वर हुनुहुन्छ।+तपाईँको बल्दो रिसको अगाडि को खडा रहन सक्छ र?+
८ तपाईँले स्वर्गबाट न्यायदण्ड घोषणा गर्नुभयो।+पृथ्वी त्यसबेला डरले चुपचाप रह्यो,+
९ जब परमेश्वर सजाय दिनर पृथ्वीका नम्र जनहरूलाई बचाउन उठ्नुभयो।+ (सेला)
१० मानिसको क्रोधलाई तपाईँ आफ्नो प्रशंसामा बदल्नुहुन्छ;+तिनीहरूको बाँकी रहेको क्रोधले तपाईँ आफूलाई महिमित तुल्याउनुहुन्छ।
११ तिमीहरूका परमेश्वर यहोवालाई भाकल गर र ती पूरा गर,+उहाँको वरपर भएका सबैले उहाँको भय मान्दै भेटी लिएर आऊन्।+
१२ शासकहरूको घमन्डलाई उहाँले चूरचूर पार्नुहुनेछ;पृथ्वीका राजाहरू उहाँको डरले काँप्छन्।
फुटनोटहरू
^ वा “तपाईँ ज्योतिले ढाकिनुभएको छ।”
