भजनसङ्ग्रह ६४:१-१०
-
लुकेर गरिएको हमलाबाट सुरक्षा
-
“परमेश्वरले तिनीहरूलाई प्रहार गर्नुहुनेछ” (७)
-
निर्देशकलाई। दाउदले रचेको भजन।
६४ हे परमेश्वर, मैले बिन्ती गर्दा मेरो स्वर सुन्नुहोस्।+शत्रुहरूको खतरनाक हमलाबाट मेरो जीवन बचाउनुहोस्।
२ दुष्ट मानिसहरूको षड्यन्त्रबाट मलाई जोगाउनुहोस्,+कुकर्मीहरूको भीडबाट मलाई जोगाउनुहोस्।
३ तिनीहरू आफ्नो जिब्रो तरबारजस्तै धारिलो बनाउँछन्;काँड ताकेझैँ तिनीहरू क्रूर शब्दहरूले ताक्छन्
४ र ढुकेर निर्दोषलाई हान्छन्;कुनै डरविना तिनीहरू उसलाई अचानक हान्छन्।
५ तिनीहरू आफ्ना दुष्ट विचारहरूमै अडिग रहन्छन्;*तिनीहरू आफूले बिछ्याएका पासोहरू कसरी लुकाउने भनेर सल्लाह गर्छन्।अनि तिनीहरू भन्छन्: “ती कसले देख्छ र?”+
६ खराब काम गर्न तिनीहरू नयाँ-नयाँ तरिका सोच्छन्;धूर्त चाल चल्न तिनीहरू गुप्तमा योजनाहरू बुन्छन्;+तिनीहरूको मनको विचार बुझ्नै सकिँदैन।
७ तर परमेश्वरले तिनीहरूलाई प्रहार गर्नुहुनेछ;+अचानक तिनीहरू काँडले घाइते हुनेछन्।
८ आफ्नै जिब्रोले गर्दा तिनीहरूको पतन हुनेछ;+तिनीहरूलाई हेर्नेहरू सबैले मुन्टो हल्लाउनेछन्।
९ अनि सबै मानिस डराउनेछन्;परमेश्वरले जे गर्नुभयो, तिनीहरूले त्यसको घोषणा गर्नेछन्अनि उहाँका कामहरू तिनीहरूले बुझ्नेछन्।+
१० धर्मी मानिसहरू यहोवाको साथ पाएकोमा रमाउनेछन् र उहाँमा शरण लिनेछन्+अनि सोझा मन भएकाहरू सबैले गर्व गर्नेछन्।
फुटनोटहरू
^ वा “तिनीहरू दुष्ट काम गर्न एकअर्कालाई उक्साउँछन्।”
