भजनसङ्ग्रह ५६:१-१३
निर्देशकलाई; “टाढा रहेको मौन ढुकुर”-अनुसार। मिक्ताम।* पलिस्तियालीहरूले दाउदलाई गाथमा पक्रदाँ दाउदले रचेको भजन।+
५६ हे परमेश्वर, मलाई अनुग्रह देखाउनुहोस् किनकि मानिसहरू मलाई हमला गरिरहन्छन्।दिनभरि तिनीहरू मसँग लड्छन् र मलाई यातना दिन्छन्।
२ मेरा शत्रुहरू दिनभरि मलाई आक्रमण गर्छन्;अहङ्कारले भरिएर थुप्रैले मसित लडाइँ गर्छन्।
३ मलाई डर लाग्दा+ म तपाईँमाथि भरोसा राख्छु।+
४ परमेश्वरमा म भरोसा राख्छु, म उहाँको वचनको प्रशंसा गर्छु।परमेश्वरमा म भरोसा राख्छु; म डराउँदिनँ।मानिसले मलाई के गर्न सक्छ र?+
५ हरदिन तिनीहरू मलाई आपत्मा पार्न खोज्छन्;तिनीहरू मलाई केवल हानि पुऱ्याउन चाहन्छन्।+
६ मलाई मार्ने दाउ खोज्दैतिनीहरू मलाई आक्रमण गर्न लुकेर बस्छन्,+तिनीहरू मेरो हरेक पाइलामा नजर राख्छन्।+
७ हे परमेश्वर, तिनीहरूको दुष्टताको कारण तिनीहरूलाई तिरस्कार गर्नुहोस्,तपाईँको क्रोधमा राष्ट्रहरूलाई ढालिदिनुहोस्।+
८ म भागीभागी हिँड्नुपरेको बेला तपाईँले मेरो एक-एक पाइला याद गर्नुहुन्छ।+बिन्ती छ, मेरो आँसु तपाईँको मशकमा* जम्मा गरिदिनुहोस्।+ती तपाईँको पुस्तकमा लेखिएका छैनन् र?+
९ म जुन दिन तपाईँलाई गुहार्छु, त्यस दिन मेरा शत्रुहरू भाग्नेछन्।+यो कुरामा म ढुक्क छु: परमेश्वर मेरो साथमा हुनुहुन्छ।+
१० परमेश्वरमा म भरोसा राख्छु, म उहाँको वचनको प्रशंसा गर्छु।यहोवामा म भरोसा राख्छु, म उहाँको वचनको प्रशंसा गर्छु।
११ परमेश्वरमा म भरोसा राख्छु; म डराउँदिनँ।+मानिसले मलाई के गर्न सक्छ र?+
१२ हे परमेश्वर, मेरा भाकलहरू म पूरा गरेरै छोड्नेछु।+म मेरो धन्यवाद तपाईँलाई अर्पण गर्नेछु।+
१३ म बाँचिरहन सकूँ र परमेश्वरसामु हिँड्न सकूँ भनेर+तपाईँले मलाई मृत्युको मुखबाट जोगाउनुभएको छ+अनि मेरा खुट्टाहरूलाई ठेस लाग्न दिनुभएको छैन।+
