भजनसङ्‌ग्रह ५५:१-२३

  • मित्रले धोका दिँदा गरिएको प्रार्थना

    • घनिष्ठ मित्रले खिसी गरेको (१२-१४)

    • “आफ्नो भारी यहोवामा बिसाऊ” (२२)

निर्देशकलाई; तारे बाजाहरूसित बजाउने। मास्किल।* दाउदको रचना। ५५  हे परमेश्‍वर! मेरो प्रार्थना सुन्‍नुहोस्‌।+तपाईँको कृपा पाउन मैले गरेको बिन्तीलाई बेवास्ता नगर्नुहोस्‌।*+  २  मतर्फ ध्यान दिनुहोस्‌ र मलाई जवाफ दिनुहोस्‌।+मेरा फिक्रीहरूले गर्दा म बेचैन भएको छु,+म व्याकुल भएको छु।  ३  मेरा शत्रुहरूले मेरो विरुद्धमा बोलेको कुराले गर्दार दुष्टको दबाबले गर्दा म व्याकुल भएको छु।किनकि तिनीहरू ममाथि एकपछि अर्को गर्दै दुःख ल्याउँछन्‌अनि रिसले चूर हुँदै तिनीहरू मसित दुस्मनी राख्छन्‌।+  ४  मेरो मन पीडाले गर्दा छटपटाइरहेको छ,+मृत्युको डरले मलाई छोपेको छ।+  ५  डर र त्रास ममाथि उर्लेर आएको छ,म थरथर काँपिरहेको छु।  ६  म यसो भनिरहन्छु: “ढुकुरको जस्तै मेरो पनि पखेटा भइदिए तम उडेर अन्तै जाने थिएँ र ढुक्कले बस्ने थिएँ।  ७  म भागेर टाढा जाने थिएँ+र एकलास ठाउँमा गएर बस्ने थिएँ।+ (सेला)  ८  हुरीबतास र आँधीबाट बच्नम हत्त न पत्त ओत लाग्ने ठाउँतिर जाने थिएँ।”  ९  हे यहोवा, तिनीहरूलाई अलमलमा पारिदिनुहोस्‌ र तिनीहरूको योजना विफल तुल्याइदिनुहोस्‌*+किनकि सहरमा झैझगडा र हिंसा मच्चिएको मैले देखेको छु। १०  ती रातदिन सहरका पर्खालहरूमा हिँड्‌छन्‌;सहरचाहिँ घृणा र सङ्‌कष्टले भरिएको छ।+ ११  विनाश त्यसको माझमा छ;अत्याचार र छलले त्यसका चोकहरूलाई कहिल्यै छोड्‌दैन।+ १२  मलाई धम्की दिने मानिस मेरो शत्रु होइन,+ऊ मेरो शत्रु भए त म उसको सामना गर्ने थिएँ।मेरो विरुद्धमा उठ्‌ने मानिस मेरो दुस्मन होइन,ऊ मेरो दुस्मन भए त म ऊदेखि लुक्ने थिएँ। १३  तर मलाई त्यसो गर्ने तिमी, मजस्तै मानिस हौ,*+मेरो आफ्नै मित्र, जसलाई म राम्ररी चिन्छु।+ १४  हामीबीच कति न्यानो मित्रता थियो!हामी भीडसँगसँगै परमेश्‍वरको भवनमा जाने गर्थ्यौँ। १५  मेरा शत्रुहरूमाथि विनाश आइपरोस्‌!+तिनीहरू जिउँदै चिहानमा* जाऊन्‌!किनकि तिनीहरूको निवासस्थानमा र तिनीहरूको हृदयमा दुष्टताले बास गर्छ। १६  तर म त यहोवालाई पुकार्नेछुर उहाँले मलाई बचाउनुहुनेछ।+ १७  साँझ, बिहान, दिउँसो म पीडाले छटपटाएर सुस्केरा हाल्छु*+अनि उहाँले मेरो स्वर सुन्‍नुहुन्छ।+ १८  मसित लडाइँ गर्नेहरू अनगिन्ती छन्‌+तर उहाँले मलाई तिनीहरूबाट जोगाउनुहुनेछ र मेरो मनलाई शान्ति दिनुहुनेछ। १९  युगौँयुगदेखि सिंहासनमा विराजमान+ हुनुभएको परमेश्‍वरले सुन्‍नुहुनेछर तिनीहरूविरुद्ध कदम चाल्नुहुनेछ।+ (सेला)तिनीहरू सुध्रिन मान्दैनन्‌,तिनीहरूलाई परमेश्‍वरको कुनै डर छैन।+ २०  उसले* आफ्नै मित्रलाई आक्रमण गऱ्‍यो;+उसले आफ्नो वाचा तोड्‌यो।+ २१  उसको बोली नौनीभन्दा नरम छ+तर उसको मनमा द्वेष छ।उसका कुराहरू तेलभन्दा चिप्ला छन्‌तर ती तरबारजस्तै धारिला छन्‌।+ २२  आफ्नो भारी यहोवामा बिसाऊ+र उहाँले तिमीलाई सम्हाल्नुहुनेछ।+धर्मी मानिस कहिल्यै डग्नेछैन* किनभने उहाँले उसलाई थाम्नुहुनेछ।+ २३  तर हे परमेश्‍वर, तपाईँले ती दुष्टहरूलाई गहिरो खाल्टोमा जाक्नुहुनेछ।+हत्या र छल गर्न मन पराउने ती मानिसहरूले आफ्नो आधा जीवनसमेत काट्‌न पाउनेछैनन्‌।+तर म भने तपाईँमै भरोसा गर्नेछु।

फुटनोटहरू

शब्दावली हेर्नुहोस्‌।
वा “मैले मदतको लागि पुकार्दा नलुक्नुहोस्‌।”
वा “तिनीहरूको भाषा गोलमाल गरिदिनुहोस्‌।”
वा “मेरै बराबरीको मानिस हौ।”
हिब्रू भाषामा शिओल। शब्दावली हेर्नुहोस्‌।
वा “छटपटाउँदै कराउँछु।”
यसले पद १३ र १४ मा उल्लेख गरिएको पहिलाको मित्रलाई जनाउँछ।
वा “लरखराउनेछैन; धरमराउनेछैन।”