भजनसङ्ग्रह ४५:१-१७
निर्देशकलाई; “लिली”-अनुसार। कोरहवंशीको भजन।+ मास्किल।* प्रेम गीत।
४५ मेरो हृदय असल कुराले ओतप्रोत भएको छ।म भन्छु: “मेरो गीत* एक जना राजाबारे हो।”+मेरो जिब्रो सिपालु लेखकको*+ कलमजस्तै+ बनोस्।
२ तिमी पुरुषहरूमध्ये सबैभन्दा सुन्दर छौ।तिम्रो ओठबाट अनुग्रहले भरिएको बोली निस्कन्छ।+त्यसैले परमेश्वरले तिमीलाई आशिष् दिनुभएको छ, जुन कहिल्यै हराएर जानेछैन।+
३ हे वीर योद्धा,+ आफ्नो कम्मरमा तरबार भिर+अनि आफ्नो वैभव र गौरव धारण गर।+
४ पूरै वैभवमा सवार भएर विजयतर्फ* अघि बढ;+सत्य, नम्रता र धार्मिकताको लागि सवार होऊ+अनि तिम्रो दाहिने हातले अचम्म-अचम्मका कामहरू गर्नेछ।*
५ तिम्रा तीखातीखा काँडहरूले राजाका शत्रुहरूको मुटु नै छेड्छ+अनि तिनीहरू तिम्रो चरणमा आएर ढल्छन्।+
६ परमेश्वर सदासर्वदा तिम्रो सिंहासन हुनुहुन्छ;+तिम्रो राज्यको राजदण्ड न्यायको राजदण्ड हो।+
७ तिमी धार्मिकतालाई प्रेम गर्छौ+ र दुष्टतालाई घृणा गर्छौ।+त्यसैले परमेश्वरले, तिम्रै परमेश्वरले तिमीलाई तिम्रा साथीहरूलाई भन्दा बढ्ता गरेर हर्षको तेलले+ अभिषेक गर्नुभएको छ।+
८ तिम्रो पोसाकबाट मर्र,* अगरु* र क्यासियाको* बास्ना आउँछ;हस्तिदन्तले सजिएको राजमहलमा बजिरहेको सुरिलो धुनले तिमीलाई हर्षित तुल्याउँछ।
९ तिम्रा माननीय स्त्रीहरूमा राजकुमारीहरू पनि छन्।तिम्रो दाहिने हातपट्टि ओपिरको सुनले झकिझकाउ रानी छिन्।+
१० सुन, हे छोरी, कान थापेर सुन;आफ्ना मानिसहरू र आफ्नो बुबाको घरलाई बिर्स।
११ अनि तिम्रो सुन्दरताले राजालाई मोहित पार्नेछकिनकि उनी तिम्रा स्वामी हुन्,त्यसैले उनलाई दण्डवत् गर।
१२ टायरकी राजकुमारी उपहार लिएर आउनेछिन्;धनी मानिसहरूले तिम्रो निगाह खोज्नेछन्।
१३ राजमहलभित्र राजकुमारी अति शोभायमान देखिन्छिन्;सुन जडिएको पोसाकमा तिनी सजिएकी छिन्।
१४ बुनिएको सानदार पोसाकमा* तिनी राजासामु पुऱ्याइनेछिन्।तिनका कुमारी सहेलीहरूले तिनलाई पछ्याउनेछन्।
१५ तिनीहरू हर्ष र रमाहटका साथ आउनेछन्;तिनीहरू राजमहलभित्र प्रवेश गर्नेछन्।
१६ तिम्रा पुर्खाहरूको स्थान तिम्रा छोराहरूले लिनेछन्।तिमीले तिनीहरूलाई सारा पृथ्वीका शासक ठहराउनेछौ।+
१७ म तिम्रो नामबारे पुस्तौँपुस्तासम्म घोषणा गर्नेछु।+त्यसैले मानिसहरूले सदासर्वदा तिम्रो प्रशंसा गर्नेछन्।
फुटनोटहरू
^ शा., “मेरो रचना।”
^ यसले प्रतिलिपि उतार्न सिपालु व्यक्तिलाई जनाउँछ।
^ वा “सफलतातर्फ।”
^ शा., “तिमीलाई अचम्म-अचम्मका कामहरू सिकाउनेछन्।”
^ यसले बाइबलकालीन समयमा अत्तर बनाउन प्रयोग गरिने बास्नादार तत्त्व भएको रूखलाई जनाउँछ।
^ दालचिनीजस्तै एक प्रकारको रूख वा त्यसको उत्पादन।
^ वा सम्भवतः “बुट्टा भरिएको पोसाकमा।”
