भजनसङ्‌ग्रह ३९:१-१३

  • छोटो जीवन

    • मानिस केवल सास हो (, ११)

    • “मेरो आँसुलाई बेवास्ता नगर्नुहोस्‌” (१२)

निर्देशकलाई; यदुथुनको।*+ दाउदले रचेको भजन। ३९  मैले भनेँ: “आफ्नो जिब्रोले पाप नगरूँ भनेर+म होसियार भई आफ्नो पाइला चाल्छु।जबसम्म दुष्ट मेरो अगाडि रहन्छ,म आफ्नो मुखमा मोहोलो लगाउँछु।”+  २  म गुँगो भएँ र चुपचाप रहेँ;+मैले असल कुरासमेत बोलिनँतर मलाई असह्‍य पीडा भयो।*  ३  मेरो मन भित्रभित्रै जलिरह्‍यो।मैले जति सोचेँ,* त्यति नै मभित्र आगो दन्कियो।तब मैले भनेँ:  ४  “हे यहोवा, मेरो जीवन कहिले अन्त हुन्छ, मलाई बताइदिनुहोस्‌।मेरो आयु कति छ, मलाई भन्‍नुहोस्‌+ताकि म जान्‍न सकूँ, मेरो जीवन कति छोटो छ।  ५  साँच्चै, तपाईँले मलाई थोरै* दिन मात्र दिनुभएको छ;+मेरो आयु तपाईँको अगाडि केही पनि होइन।+मानिस जति नै सुरक्षित देखिए पनि ऊ एक मुठी सास मात्र हो।+ (सेला)  ६  हुन पनि मानिसको जीवन छायाजस्तै छ।ऊ व्यर्थैमा यताउता दौडधूप* गर्छ।उसले धनसम्पत्ति थुपार्छ तर कसले त्यसको उपभोग गर्छ, त्यो उसलाई थाह हुँदैन।+  ७  त्यसोभए हे यहोवा, म केमा आशा राखूँ?तपाईँ मात्र मेरो आडभरोसा हुनुहुन्छ।  ८  मेरा सबै अपराधबाट मलाई छुटाउनुहोस्‌।+मूर्ख मानिसले मलाई हाँसोको पात्र बनाउन नपाओस्‌।  ९  म चुपचाप रहेँ;मैले आफ्नो मुख खोलिनँ+किनभने यो सब तपाईँले नै गर्नुभएको थियो।+ १०  तपाईँले ममाथि ल्याउनुभएको विपत्ति हटाइदिनुहोस्‌।तपाईँको हातको प्रहारले म नाश भएको छु। ११  मानिसलाई सच्याउन तपाईँ उसको गल्तीको सजाय दिनुहुन्छ;+किराले* कपडा सखाप पारेझैँ मानिसले थुपारेको सम्पत्ति तपाईँ सखाप पारिदिनुहुन्छ।साँच्चै, प्रत्येक मानिस एक मुठी सास मात्र हो।+ (सेला) १२  हे यहोवा, मेरो प्रार्थना सुन्‍नुहोस्‌,मदतको लागि मैले गरेको पुकारा सुन्‍नुहोस्‌।+मेरो आँसुलाई बेवास्ता नगर्नुहोस्‌।किनकि म त तपाईँको लागि एक परदेशी मात्र हुँ।+मेरा पुर्खाहरूजस्तै प्रवासी मात्र हुँ।+ १३  मर्नुअघि, नामेट हुनुअघिम हर्षित हुन सकूँ भनेरक्रोधले भरिएको तपाईँको नजर मबाट फर्काउनुहोस्‌।”

फुटनोटहरू

शब्दावली हेर्नुहोस्‌।
वा “मेरो पीडा झनै बढ्‌यो।”
वा “सुस्केरा हालेँ।”
शा., “बित्ताबराबर।”
शा., “हल्ला।”
कपडा खाने एक किसिमको पुतली।