भजनसङ्ग्रह ३०:१-१२
-
शोक हर्षमा परिणत हुन्छ
-
परमेश्वरको अनुग्रह जीवनभर रहन्छ (५)
-
घरको उद्घाटनको गीत। दाउदले रचेको भजन।
३० हे यहोवा, म तपाईँको महिमा गर्नेछु किनकि तपाईँले मलाई माथि उठाउनुभएको* छ;तपाईँले मेरा शत्रुहरूलाई मेरो उपहास गर्ने मौका दिनुभएन।+
२ हे यहोवा मेरा परमेश्वर, मैले तपाईँलाई गुहारेँ र तपाईँले मलाई निको पार्नुभयो।+
३ हे यहोवा, तपाईँले मलाई चिहानबाट* निकाल्नुभएको छ।+तपाईँले मलाई जीवित राख्नुभएको छ; मृत्युको खाडलमा पर्नदेखि जोगाउनुभएको छ।+
४ हे यहोवाका वफादार जन हो, उहाँको स्तुति गाओ,*+उहाँको पवित्र नामको प्रशंसा गर।+
५ किनकि उहाँको रिस क्षणभर मात्र रहन्छ+तर उहाँको अनुग्रह जीवनभर रहन्छ।+राती रुवाबासी गर्नुपरे पनि बिहान खुसीको आँसु झर्छ।+
६ जब म निष्फिक्री थिएँ, तब मैले भनेँ:“म कहिल्यै डग्नेछैनँ।”*
७ हे यहोवा, मैले तपाईँको अनुग्रह पाउँदा तपाईँले मलाई पहाडजत्तिकै अटल बनाउनुभयो।+तर जब तपाईँले आफ्नो मुहार लुकाउनुभयो, म त्रसित भएँ।+
८ हे यहोवा, मैले तपाईँलाई पुकारिरहेँ +अनि मलाई अनुग्रह देखाउन मैले यहोवालाई बिन्ती गरिरहेँ।
९ मेरो मृत्यु हुँदा,* म खाडलमा जाँदा के फाइदा हुन्छ र?+माटोले तपाईँको प्रशंसा गर्छ र?+ तपाईँको वफादारीको बखान गर्छ र?+
१० हे यहोवा, मेरो बिन्ती सुन्नुहोस् र मलाई अनुग्रह देखाउनुहोस्।+हे यहोवा, मेरो मदतगार बन्नुहोस्।+
११ तपाईँले मेरो शोकलाई हर्षमा* परिणत गरिदिनुभयो;तपाईँले मेरो भाङ्ग्रा फुकालिदिनुभयो र मलाई रमाहटको लुगा पहिऱ्याइदिनुभयो
१२ ताकि म तपाईँको स्तुति गाउन सकूँ र चुप नबसूँ।हे यहोवा मेरा परमेश्वर, म सदासर्वदा तपाईँको प्रशंसा गर्नेछु।
फुटनोटहरू
^ वा “खिच्नुभएको।”
^ वा “धुन बजाओ।”
^ वा “म कहिल्यै लरखराउनेछैनँ (धरमराउनेछैनँ)।”
^ शा., “मेरो रगतमा।”
^ शा., “नाचमा।”
