भजनसङ्ग्रह १४७:१-२०
१४७ याहको प्रशंसा गर!*हाम्रा परमेश्वरको स्तुति गाउनु* असल छ;उहाँको प्रशंसा गर्नु कत्ति मनोहर र सुहाउँदो छ!+
२ यहोवाले यरुसलेम बनाउनुहुन्छ;+उहाँ तितरबितर भएका इस्राएलका मानिसहरूलाई भेला गर्नुहुन्छ।+
३ मन भाँचिएकाहरूलाई उहाँले निको पार्नुहुन्छ;तिनीहरूको घाउमा उहाँले मलहमपट्टी गरिदिनुहुन्छ।
४ उहाँले ताराहरूको गन्ती गर्नुहुन्छ;तिनीहरू सबैको नाम लिएर उहाँ तिनीहरूलाई बोलाउनुहुन्छ।+
५ हाम्रा प्रभु महान् र शक्तिशाली हुनुहुन्छ;+उहाँको समझशक्ति अपार छ।+
६ यहोवा नम्रहरूलाई उठाउनुहुन्छ+तर दुष्टहरूलाई जमिनतिर हुर्ऱ्याउनुहुन्छ।
७ यहोवालाई धन्यवाद चढाउँदै गीत गाओ;वीणा बजाएर हाम्रा परमेश्वरको स्तुति गाओ,
८ जसले आकाशलाई बादलले ढाक्नुहुन्छ,जसले पृथ्वीमा पानी बर्साउनुहुन्छ,+जसले पहाडहरूमा घाँस उमार्नुहुन्छ।+
९ उहाँ जनावरहरूलाई आहारा दिनुहुन्छ,+आहारा माग्ने कागका बचेराहरूलाई पनि खुवाउनुहुन्छ।+
१० उहाँ घोडाको बलमा खुसी हुनुहुन्न;+मानिसको बलियो खुट्टा पनि उहाँको नजरमा केही होइन।+
११ यहोवाको डर मान्नेहरू र उहाँको अटल प्रेमको बाटो हेर्नेहरूदेखिउहाँ खुसी हुनुहुन्छ।+
१२ हे यरुसलेम, यहोवाको महिमा गर।हे सियोन, आफ्ना परमेश्वरको प्रशंसा गर।
१३ उहाँले तिम्रो सहरका ढोकाहरूका गजबारहरू बलियो पार्नुहुन्छ;उहाँले तिम्रा छोराहरूलाई आशिष् दिनुहुन्छ।
१४ उहाँले तिम्रो इलाकामा शान्ति ल्याउनुहुन्छ;+उहाँले तिमीलाई असल गहुँले सन्तुष्ट पार्नुहुन्छ।+
१५ उहाँले पृथ्वीमा आफ्नो आज्ञा पठाउनुहुन्छ;उहाँको वचन द्रुत गतिमा अघि बढ्छ।
१६ उहाँ हिउँलाई ऊनजस्तै पठाउनुहुन्छ;+उहाँ तुसारोलाई खरानीजस्तै छरिदिनुहुन्छ।+
१७ उहाँ असिनालाई* रोटीको टुक्राजस्तै बर्साउनुहुन्छ।+उहाँले पठाउनुभएको कठाङ्ग्रिने जाडो कसले सहन सक्छ र?+
१८ उहाँ आफ्नो वचन पठाउनुहुन्छ र ती पग्लन्छन्।उहाँ आफ्नो बतास चलाउनुहुन्छ+ र पानी बग्न थाल्छ।
१९ उहाँ आफ्नो वचन याकुबलाई सुनाउनुहुन्छ,आफ्ना नीतिनियम र फैसलाहरू इस्राएललाई बताउनुहुन्छ।+
२० उहाँले अरू कुनै राष्ट्रसित त्यसो गर्नुभएको छैन;+तिनीहरू उहाँका आज्ञाहरूबारे केही जान्दैनन्।याहको प्रशंसा गर!*+
फुटनोटहरू
^ वा “हल्लेलूयाह।” “याह,” यहोवा नामको छोटो रूप हो।
^ वा “धुन बजाउनु।”
^ वा “बरफलाई।”
^ वा “हल्लेलूयाह।” “याह,” यहोवा नामको छोटो रूप हो।
