भजनसङ्ग्रह १३५:१-२१
१३५ याहको प्रशंसा गर!*यहोवाको नामको प्रशंसा गर;हे यहोवाका सेवकहरू हो, उहाँको प्रशंसा गर,+
२ तिमीहरू, जो यहोवाको भवनमा खडा छौ,जो हाम्रा परमेश्वरको भवनको चोकमा उभिरहेका छौ।+
३ याहको प्रशंसा गर किनकि यहोवा भला हुनुहुन्छ।+उहाँको नामको स्तुति गाओ* किनकि यो मनोहर छ।
४ याहले याकुबलाई आफ्नो निम्ति रोज्नुभएको छ,इस्राएललाई विशेष* सम्पत्ति बनाउनुभएको छ।+
५ म राम्ररी जान्दछु, यहोवा महान् हुनुहुन्छ;हाम्रा प्रभु अरू सबै देवताभन्दा महान् हुनुहुन्छ।+
६ आकाशमा, पृथ्वीमा, सागरमा र त्यसका सबै गहिराइमायहोवा आफूलाई जे उचित लाग्छ, त्यही गर्नुहुन्छ।+
७ पृथ्वीको पल्लो छेउदेखि उहाँ कुहिरो उठाउनुहुन्छ;उहाँ वर्षा गराउन बिजुली चम्काउनुहुन्छ;*आफ्नो भण्डारबाट बतास चलाउनुहुन्छ।+
८ उहाँले मिश्रका सबै पहिलो सन्तानलाई मार्नुभयो,मानिस र पशु दुवैको।+
९ ए मिश्र, उहाँले तिमीहरूमाझ चिन्हहरू पठाउनुभयो र चमत्कारहरू गर्नुभयो;+उहाँले फारो* र तिनका सेवकहरूविरुद्ध त्यसो गर्नुभयो।+
१० उहाँले थुप्रै राष्ट्रलाई प्रहार गर्नुभयो+र शक्तिशाली राजाहरूलाई+
११ —एमोरीहरूका राजा सिहोनलाई,+बासानका राजा ओगलाई मार्नुभयो+र कनानका सबै राज्यलाई पराजित गर्नुभयो।
१२ उहाँले तिनीहरूको भूमि पैतृक सम्पत्तिको रूपमा दिनुभयो,आफ्नो प्रजा इस्राएललाई पैतृक सम्पत्तिको रूपमा दिनुभयो।+
१३ हे यहोवा, तपाईँको नाम सदासर्वदा रहिरहनेछ।हे यहोवा, तपाईँको ख्याति* पुस्तौँपुस्तासम्म रहनेछ।+
१४ किनकि यहोवाले आफ्ना मानिसहरूको रक्षा गर्नुहुनेछ,*+आफ्ना सेवकहरू देखेर उहाँमा दया जाग्नेछ।*+
१५ जातिजातिले पुज्ने मूर्तिहरू सुन र चाँदीका हुन्,ती त मानिसका हातको काम हुन्।+
१६ तिनीहरूको मुख छ तर बोल्न सक्दैनन्;+आँखा छन् तर देख्न सक्दैनन्;
१७ तिनीहरूका कान छन् तर सुन्न सक्दैनन्।तिनीहरूको मुखमा सास नै छैन।+
१८ तिनीहरूलाई बनाउनेहरू तिनीहरूजस्तै हुनेछन्;+तिनीहरूमाथि भरोसा राख्नेहरू पनि सबै त्यस्तै हुनेछन्।+
१९ हे इस्राएलको घराना, यहोवाको प्रशंसा गर।हे हारुनको घराना, यहोवाको प्रशंसा गर।
२० हे लेविको घराना, यहोवाको प्रशंसा गर।+हे यहोवाको डर मान्नेहरू हो, यहोवाको प्रशंसा गर।
२१ यहोवा, जो यरुसलेममा बास गर्नुहुन्छ,+सियोनबाट उहाँको प्रशंसा होस्।+याहको प्रशंसा गर!+
फुटनोटहरू
^ वा “हल्लेलूयाह।” “याह,” यहोवा नामको छोटो रूप हो।
^ वा “धुन बजाओ।”
^ वा “अनमोल।”
^ वा सम्भवतः “आकाशका बाँधहरू बनाउनुहुन्छ।”
^ मिश्रका राजाहरूको एउटा उपाधि।
^ वा “नाम।” शा., “सम्झना।”
^ वा “मुद्दा लड्नुहुनेछ।”
^ वा “उहाँ पछुताउनुहुनेछ।”
