भजनसङ्ग्रह ११४:१-८
११४ जब इस्राएल मिश्रबाट निस्कियो,+जब याकुबको घराना विदेशी भाषा बोल्ने मानिसहरूको बीचबाट निस्कियो,
२ तब यहुदा परमेश्वरको पवित्र स्थान* बन्योअनि इस्राएल उहाँको राज्य।+
३ समुद्रले त्यो देख्यो र भाग्यो;+यर्दन नदी उल्टो बग्न थाल्यो।+
४ पहाडहरू थुमाजस्तै+अनि डाँडाहरू पाठाजस्तै उफ्रिन थाले।
५ ए समुद्र, तँ किन भागिस्?+ए यर्दन, तँ किन उल्टो बग्न थालिस्?+
६ ए पहाडहरू, तिमीहरू किन थुमाजस्तै उफ्रन थाल्यौ?ए डाँडाहरू, तिमीहरू किन पाठाजस्तै उफ्रन थाल्यौ?
७ ए धर्ती, प्रभुको कारण थरथर काँप्,याकुबका परमेश्वरको कारण काँप्,+
८ जसले चट्टानलाई नर्कटको पोखरीमा परिणत गर्नुहुन्छर चट्टानबाट पानीको मूल फुटाउनुहुन्छ।+
फुटनोटहरू
^ वा “पवित्र ठाउँ।”
