भजनसङ्‌ग्रह १०५:१-४५

  • आफ्ना मानिसहरूका खातिर यहोवाका विश्‍वासयोग्य कामहरू

    • परमेश्‍वर आफ्नो करार बिर्सनुहुन्‍न (८-१०)

    • “मेरा अभिषिक्‍त जनहरूलाई नछोओ” (१५)

    • दास बनाइएका युसुफलाई परमेश्‍वर चलाउनुहुन्छ (१७-२२)

    • मिश्रमा परमेश्‍वरले गर्नुभएका चमत्कारहरू (२३-३६)

    • मिश्रबाट इस्राएलीहरूको प्रस्थान (३७-३९)

    • आफूले अब्राहामसित बाँधेको करार परमेश्‍वरले बिर्सनुभएन (४२)

१०५  यहोवालाई धन्यवाद चढाओ,+ उहाँको नाम पुकार,जातिजातिका मानिसहरूमाझ उहाँका कार्यहरूको बयान गर!+  २  उहाँको निम्ति गीत गाओ, उहाँको प्रशंसामा गीत गाओ,*उहाँका अचम्मलाग्दा कामहरूमा मग्न होओ।*+  ३  उहाँको पवित्र नाममा गर्व गर।+यहोवाको खोजी गर्नेहरूको हृदय आनन्दित होस्‌।+  ४  यहोवा र उहाँले दिनुहुने बल खोज।+उहाँको अनुमोदन पाउने कोसिस गरिरहो।  ५  उहाँले गर्नुभएका अचम्मलाग्दा कामहरू,उहाँका चमत्कारहरू र उहाँले सुनाउनुभएका फैसलाहरू सम्झ;+  ६  हे परमेश्‍वरका सेवक अब्राहामका सन्तान हो,+हे याकुबका छोराहरू, उहाँले रोज्नुभएका जन हो,+ ती सबै सम्झ।  ७  उहाँ हाम्रा परमेश्‍वर यहोवा हुनुहुन्छ।+उहाँले गर्नुभएको फैसला सारा पृथ्वीमा लागू हुन्छ।+  ८  उहाँले आफ्नो करार कहिल्यै बिर्सनुहुन्‍न,+उहाँले आफ्नो प्रतिज्ञा हजारौँ पुस्तासम्म याद गर्नुहुन्छ,+  ९  उहाँले अब्राहामसित गर्नुभएको करार+र इसहाकसित खानुभएको शपथ सम्झनुहुन्छ,+ १०  जुन उहाँले याकुबको लागि आदेशर इस्राएलको लागि सदाको करारको रूपमा स्थापित गर्नुभयो ११  अनि भन्‍नुभयो, “तिमीहरूको पैतृक सम्पत्तिको रूपमा+म तिमीहरूलाई कनान देश दिनेछु।”+ १२  यो उहाँले तब भन्‍नुभएको थियो, जब तिनीहरू थोरै थिए,+हो, असाध्यै थोरै अनि त्यहाँ तिनीहरू परदेशी थिए।+ १३  तिनीहरू एउटा राष्ट्रबाट अर्को राष्ट्रमा;एउटा राज्यबाट अर्को राज्यमा गए।+ १४  तर उहाँले कसैलाई तिनीहरूमाथि दमन गर्न दिनुभएन;+तिनीहरूको खातिर उहाँले राजाहरूलाई समेत हप्काउनुभयो,+ १५  उहाँले भन्‍नुभयो, “मेरा अभिषिक्‍त जनहरूलाई नछोओ,मेरा भविष्यवक्‍ताहरूलाई कुनै हानि नगर।”+ १६  उहाँले त्यस देशमा अनिकाल पठाउनुभयो;+उहाँले तिनीहरूको अन्‍न बन्द गरिदिनुभयो।* १७  उहाँले तिनीहरूभन्दा अघि एक जना मानिस पठाउनुभयो,युसुफलाई पठाउनुभयो, जसलाई दास हुनको लागि बेचिएको थियो।+ १८  तिनीहरूले उसको खुट्टा नेलले बाँधे,+उसको घाँटीमा फलामको साङ्‌ला लगाइदिए; १९  जबसम्म यहोवाको कुरा साँचो साबित भएन,+उहाँको वचनले नै उसलाई खाऱ्‍यो। २०  राजाले उसलाई कैदमुक्‍त गर्ने हुकुम दिए,+हो, जातिजातिका तिनै शासकले उसलाई स्वतन्त्र गरिदिए। २१  तिनले उसलाई आफ्नो घरानाको मालिक बनाए,आफ्नो सारा सम्पत्तिमाथि अधिकार दिए+ २२  ताकि उसले आफ्नो इच्छाअनुसार तिनका भारदारहरूमाथि अधिकार गर्न सकोस्‌र तिनका बुज्रुकहरूलाई बुद्धिका कुरा सिकाउन सकोस्‌।+ २३  तब इस्राएल मिश्रमा आए+र याकुब विदेशी भएर हामको देशमा रहे। २४  परमेश्‍वरले आफ्ना मानिसहरूलाई सङ्‌ख्यामा धेरै बनाउनुभयो+उहाँले तिनीहरूलाई दुस्मनहरूभन्दा पराक्रमी तुल्याउनुभयो।+ २५  उहाँले ती दुस्मनहरूको मन बद्‌लिन दिनुभयोताकि उनीहरूले उहाँका मानिसहरूलाई घृणा गरून्‌र उहाँका सेवकहरूको विरुद्धमा षड्‌यन्त्र रचून्‌।+ २६  उहाँले आफ्नो सेवक मोसालाई+र आफूले रोज्नुभएको हारुनलाई+ पठाउनुभयो। २७  तिनीहरूले उनीहरूमाझ उहाँका चिन्हहरू देखाए,हामको देशमा उहाँका चमत्कारहरू देखाए।+ २८  उहाँले अन्धकार पठाउनुभयो र देशमा अन्धकार छायो;+तिनीहरू उहाँको वचनको विरुद्धमा गएनन्‌। २९  उहाँले उनीहरूको पानी रगतमा परिणत गर्नुभयोर उनीहरूका सबै माछा मरे।+ ३०  उनीहरूको देश भ्यागुतै भ्यागुताले भरियो,+राजाका कोठाहरू पनि भ्यागुताले भरिए। ३१  उहाँले उनीहरूलाई आक्रमण गर्न झिँगाहरूलाई* हुकुम गर्नुभयोर उनीहरूको सबै इलाकामा भुसुना पठाउनुभयो।+ ३२  उहाँले उनीहरूमाथि पानीको सट्टा असिना बर्साउनुभयोर उनीहरूको देशमा बिजुली* चम्काउनुभयो।+ ३३  उहाँले उनीहरूका अङ्‌गुरका बोट र अन्जिरका रूखहरूलाई प्रहार गर्नुभयोर उनीहरूको देशमा भएका सबै रूखलाई तहसनहस पारिदिनुभयो। ३४  उहाँले उनीहरूलाई आक्रमण गर्न सलहलाई हुकुम दिनुभयो,उनीहरूलाई हमला गर्न अनगिन्ती सलहका बच्चाहरू पठाउनुभयो।+ ३५  तिनीहरूले देशका सबै बालीनाली खाइदिए,तिनीहरूले जमिनको उब्जनी सखाप पारिदिए। ३६  तब उहाँले उनीहरूको देशका सबै पहिलो सन्तानको ज्यान लिनुभयो,+उनीहरूको प्रजनन शक्‍तिको पहिलो फललाई मास्नुभयो। ३७  उहाँले आफ्ना मानिसहरूलाई सुन र चाँदीसहित छुटाएर ल्याउनुभयो+अनि उहाँका कुलहरूमध्ये कसैले पनि ठेस खाएन। ३८  तिनीहरू निस्केर जाँदा मिश्र रमायोकिनकि इस्राएलको* डरले उनीहरूलाई छोपेको थियो।+ ३९  उहाँले तिनीहरूलाई बादलले छेक्नुभयो+र राती उज्यालोको निम्ति आगो दिनुभयो।+ ४०  तिनीहरूले मागेकाले उहाँले तिनीहरूलाई बट्टाई चरा दिनुभयो;+उहाँले स्वर्गबाट खानेकुरा दिएर तिनीहरूलाई तृप्त पार्नुभयो।+ ४१  उहाँले चट्टान फोर्नुभयो र पानीका मूलहरू फुटे+अनि ती मरुभूमिमा नदीजस्तै बगे।+ ४२  किनकि उहाँले आफ्नो सेवक अब्राहामसित गर्नुभएको पवित्र करार बिर्सिनुभएन।+ ४३  त्यसैले उहाँले आफ्ना मानिसहरूलाई रमाहटका साथ+र आफ्ना चुनिएका जनहरूलाई हर्षोल्लासका साथ निकालेर ल्याउनुभयो। ४४  उहाँले तिनीहरूलाई जातिजातिको भूमि दिनुभयो;+अरू मानिसको मेहनतको फलमाथि तिनीहरूले अधिकार गरे।+ ४५  तिनीहरूले उहाँको आदेश पालन गरून्‌+र उहाँको व्यवस्थाअनुसार चलून्‌ भनेर उहाँले त्यसो गर्नुभयो। याहको प्रशंसा गर!*

फुटनोटहरू

वा “धुन बजाओ।”
वा सम्भवतः “कामहरूबारे बताओ।”
शा., “रोटी झुन्ड्‌याउने लट्ठी भाँचिदिनुभयो।” यसले रोटी भण्डार गर्न प्रयोग गरिने लट्ठीलाई जनाएको हुन सक्छ।
वा “रगत चुस्ने झिँगाहरूलाई।”
वा “आगोको ज्वाला।”
शा., “तिनीहरूको।”
वा “हल्लेलूयाह।” “याह,” यहोवा नामको छोटो रूप हो।