भजनसङ्ग्रह १०:१-१८
ל [लामेद]
१० हे यहोवा, तपाईँ किन टाढै उभिनुहुन्छ?म विपत्मा परेको बेला तपाईँ किन लुक्नुहुन्छ?+
२ दुष्टले घमन्ड गर्दै असहायको खेदो गरिरहन्छ+तर आफ्नो फन्दामा ऊ आफै पर्छ।+
३ दुष्टले आफ्ना स्वार्थी इच्छाहरूमा फुर्ती गर्छ+अनि लोभीलाई आशिष् दिन्छ;*
נ [नुन]उसले यहोवाको आदर गर्दैन।
४ आफ्नो घमन्डको कारण दुष्टले परमेश्वरको खोजी गर्दैन;उसले मनमनै भन्छ: “परमेश्वर हुनुहुन्न।”+
५ उसको फलिफाप हुन्छ,+तपाईँले गर्ने इन्साफ उसले बुझ्न सक्दैन;+उसले आफ्ना सबै शत्रुको खिल्ली उडाउँछ।
६ उसले मनमनै भन्छ: “म कहिल्यै डग्नेछैनँ;*पुस्तौँसम्म पनिमैले कहिल्यै विपत्ति भोग्नुपर्नेछैन।”+
פ [पे]
७ उसको मुख सराप, झूट र धम्कीले भरिएको छ;+उसको जिब्रोले समस्या र दुःख निम्त्याउँछ।+
८ ऊ बस्तीनजिकै ढुकेर बस्छ;लुकेको ठाउँबाट उसले निर्दोषको हत्या गर्छ।+ע [अयिन]
कसलाई सिकार बनाऊँ भनेर ऊ पर्खिबस्छ।+
९ झाडीमा लुकेर दाउ हेर्ने सिंहझैँ ऊ ढुकेर बस्छ।+असहायलाई पासोमा पार्न ऊ पर्खेर बस्छअनि जालमा पर्नेबित्तिकै डोरी तानेर उसले त्यसलाई फसाउँछ।+
१० उसले आफ्नो सिकारलाई पेल्छ र जमिनमा पछार्छ;निर्दोषहरू उसको बलियो पन्जामा पर्छन्।
११ दुष्टले मनमनै भन्छ: “परमेश्वरले बिर्सनुभयो।+उहाँले आफ्नो अनुहार फर्काउनुभएको छ।उहाँले कहिल्यै देख्नुहुन्न।”+
ק [कोफ]
१२ हे यहोवा, उठ्नुहोस्!+ हे परमेश्वर, कदम चाल्नुहोस्!*+असहायहरूलाई नबिर्सनुहोस्।+
१३ दुष्टले किन परमेश्वरको अनादर गर्छ?उसले मनमनै भन्छ: “परमेश्वर मेरो लेखा लिनुहुन्न।”
ר [रेश]
१४ तर तपाईँ दुःख र वेदना देख्नुहुन्छ।तपाईँ त्यो हेर्नुहुन्छ र मामिला आफ्नै हातमा लिनुहुन्छ।+जालमा परेको त्यो मानिसले तपाईँकै बाटो हेर्छ;+तपाईँ अनाथको* मदतगार हुनुहुन्छ।+
ש [शिन]
१५ दुष्ट र कुकर्मीको हात भाँचिदिनुहोस्,+उसले खराब काम गर्न नसकोस्,उसको दुष्कर्म खोज्दा पनि भेट्टाउन नसकियोस्
१६ यहोवा सदासर्वदा राजा हुनुहुन्छ।+
जातिजातिका मानिस पृथ्वीबाट नाश भए।+
ת [ताव]
१७ तर हे यहोवा, तपाईँ भने दुःखीहरूको पुकारा सुन्नुहुन्छ।+तपाईँ तिनीहरूलाई आँटिलो बनाउनुहुन्छ+ र तिनीहरूको बिन्तीमा ध्यान दिनुहुन्छ।+
१८ तपाईँ अनाथ र थिचोमिचोमा परेकाहरूको पक्षमा न्याय गर्नुहुन्छ+ताकि पृथ्वीका मानिसहरूले तिनीहरूलाई डर देखाउन नसकून्।+
फुटनोटहरू
^ वा सम्भवतः “लोभीले आफैलाई आशिष् दिन्छ।”
^ वा “म कहिल्यै लरखराउनेछैनँ (धरमराउनेछैनँ)।”
^ शा., “हात उचाल्नुहोस्।”
^ वा “बुबा गुमाएको बच्चाको।”
