फिलेमोन १:१-२५

  • अभिवादन (१-३)

  • फिलेमोनको प्रेम र विश्‍वास (४-७)

  • ओनेसिमसको निम्ति पावलको बिन्ती (८-२२)

  • समापनका शब्दहरू (२३-२५)

१  ख्रिष्ट येसुको खातिर कैदी भएको म पावलका+ साथै हाम्रा भाइ तिमोथिको+ तर्फबाट हाम्रा प्रिय सहकर्मी फिलेमोन २  अनि हाम्री बहिनी अफिया, हाम्रा सङ्‌गी सिपाही अर्खिप्पस+ र तिम्रो घरमा भेला हुने मण्डलीलाई:+ ३  परमेश्‍वर, हाम्रा बुबाबाट र प्रभु येसु ख्रिष्टबाट तिमीहरूलाई असीम अनुग्रह र शान्ति मिलोस्‌। ४  मेरा प्रार्थनाहरूमा तिमीलाई सम्झँदा मेरा परमेश्‍वरलाई म सधैँ धन्यवाद चढाउँछु+ ५  किनकि तिमीमा भएको विश्‍वास अनि प्रभु येसु र सबै पवित्र जनप्रतिको तिम्रो प्रेमबारे म सुनिरहन्छु। ६  म प्रार्थना गर्छु कि जुन विश्‍वासको तिमी साझेदार हौ, त्यसले तिमीलाई हामीले हरेक असल कुरा ख्रिष्टद्वारा नै पाएका हौँ भनेर बुझ्न मदत गरोस्‌। ७  हे मेरो भाइ, तिम्रो प्रेमबारे सुनेर मैले निकै आनन्द र सान्त्वना पाएको छु किनभने तिमीले गर्दा पवित्र जनहरूको हृदयले स्फूर्ति पाएको छ। ८  यसैकारण हुनत म ख्रिष्टको प्रेषित* भएकोले जे ठीक छ, त्यही गर्ने आदेश तिमीलाई नहिचकिचाई दिन सक्छु ९  तैपनि तिमीले देखाएको प्रेमको आधारमा म तिमीलाई बिन्ती गर्न चाहन्छु किनकि म पावल एक वृद्ध मानिस हुँ र अहिले ख्रिष्टको खातिर कैदी पनि हुँ। १०  हो, म मेरो छोरा ओनेसिमसको+ लागि बिन्ती गर्दै छु, झ्यालखानामा छँदा* म उसको बुबाजस्तै बनेको थिएँ।+ ११  ऊ पहिले तिम्रो लागि बेकामको थियो तर अहिले तिम्रो र मेरो लागि काम लाग्ने भएको छ। १२  मेरो मुटुको टुक्रा, उही ओनेसिमसलाई म तिमीकहाँ पठाउँदै छु। १३  म उसलाई आफूसितै राख्न चाहन्छु ताकि जबसम्म म सुसमाचारको खातिर कैदमा रहन्छु, तबसम्म उसले तिम्रो सट्टामा मेरो सेवासुसार गरोस्‌।+ १४  तर तिम्रो अनुमतिविना म केही गर्न चाहन्‍नँ किनभने तिमीले करकापमा परेर होइन तर स्वेच्छाले यो असल काम गरेको म चाहन्छु।+ १५  सायद यसैको निम्ति ऊ केही समयको लागि* तिमीसित अलग भएको रहेछ ताकि तिमीले उसलाई सधैँभरिका लागि फिर्ता पाउन सक। १६  अबदेखि तिमीले उसलाई दासको रूपमा होइन+ तर दासभन्दा ठूलो, प्रिय भाइको रूपमा+ स्विकार। खासगरि मेरो लागि ऊ प्रिय भाइ हो भने तिम्रो लागि झन्‌ कति प्रिय हुनुपर्छ किनभने ऊ तिम्रो दास मात्र होइन, प्रभुमा तिम्रो भाइ पनि हो। १७  त्यसैले यदि तिमी मलाई आफ्नो साथी* ठान्छौ भने उसलाई त्यसरी नै मायालुपूर्वक स्वागत गर, जसरी तिमीले मलाई स्वागत गर्ने थियौ। १८  उसले तिम्रो केही नोक्सानी गरेको छ वा तिमीलाई केही तिर्नुपर्ने छ भने मेरो खातामा चढाइदिनू। १९  म पावल आफ्नै हातले यो लेख्दै छु: म तिरिदिन्छु तर भनिरहनु नपर्ला, तिमी पनि आफ्नो जीवनको लागि मप्रति ऋणी छौ। २०  हो भाइ, हामी दुवै जना प्रभुको चेला भएकोले मैले तिमीबाट यो मदत पाउन सकूँ; ख्रिष्टको चेलाको नाताले मेरो मनलाई हलुका बनाइदेऊ। २१  तिमीले मेरो कुरा मान्‍नेछौ भन्‍ने कुरामा म विश्‍वस्त छु, त्यसैले म लेख्दै छु। अनि तिमीले मैले भनेको भन्दा पनि बढ्‌ता गर्नेछौ भनेर मलाई थाह छ। २२  साथै मेरो लागि बस्ने ठाउँको बन्दोबस्त मिलाइराख किनभने तिमीहरूको प्रार्थनाले गर्दा म तिमीहरूकहाँ आउन सक्नेछु* भनेर आशा गर्दै छु।+ २३  ख्रिष्ट येसुको खातिर मसँगै कैदमा परेका इपाफ्रासले+ तिमीलाई अभिवादन पठाएका छन्‌। २४  साथै मेरा सहकर्मीहरू मर्कुस, अरिस्तार्खस,+ डेमस+ र लुकाले+ पनि। २५  तिमीले देखाउने मनोभावमा प्रभु येसु ख्रिष्टको असीम अनुग्रह रहोस्‌।

फुटनोटहरू

शब्दावली हेर्नुहोस्‌।
शा., “बन्धनमा छँदा।”
शा., “एक घण्टाको लागि।”
शा., “साझेदार।”
वा “म तिमीहरूको लागि मुक्‍त हुनेछु।”