न्यायकर्ता ५:१-३१
५ त्यो दिन दबोराले+ अबिनोमका छोरा बाराकसित+ मिलेर यो गीत गाइन्:+
२ “यहोवाको जयजयकार गर!किनभने इस्राएलीहरू राजीखुसी युद्ध गर्न गए,+तिनीहरूले आफ्नो भाकल पूरा गरे।*
३ हे राजाहरू हो, सुन! हे शासकहरू हो, कान थाप!
यहोवाको लागि म गाउनेछु।
इस्राएलका परमेश्वर+ यहोवाको म स्तुति गर्नेछु।*+
४ हे यहोवा, जब तपाईँ सेइरबाट+ निस्कनुभयो,जब तपाईँ एदोमको इलाकाबाट बाहिर जानुभयो,तब धर्ती काँप्यो, आकाशको मूल फुट्योअनि बादलले पानी बर्सायो।
५ यहोवासामु पहाडहरू पग्लिए,*+इस्राएलका परमेश्वर+ यहोवासामु सिनै डाँडा पनि टिक्न सकेन।+
६ अनातका छोरा साम्गरको+ पालामाअनि याएलको+ पालामा बाटोहरू सुनसान भए;बटुवाहरू मूलबाटो नभई गोरेटो बाटो भएर हिँडे।
७ इस्राएलीहरूलाई बचाउन म दबोरा+ खडा नहोउन्जेल,तिनीहरूलाई एउटी आमाले झैँ नसम्हालुन्जेल,+तिनीहरूका गाउँहरू सुनसान थिए।
८ तिनीहरूले नयाँ-नयाँ देवताहरू रोजे;+तिनीहरूले सहरहरूका मूलढोकाहरूमा युद्ध गरे।+
तर ती ४० हजार इस्राएली योद्धासितन ढाल न त भाला नै थियो।
९ म इस्राएलका सेनापतिहरूलाई साथ दिन्छु,+जो मानिसहरूसँगै राजीखुसी लडाइँ गर्न गए।+
यहोवाको जयजयकार गर!
१० हे खैराखैरा गधाहरूमा सवार हुनेहरू हो,हे महँगा-महँगा गलैँचामा बस्नेहरू हो,हे सडकमा हिँड्नेहरू हो,परमेश्वरका कार्यहरूमा ध्यान देओ!
११ बगाललाई पानी खुवाउन इनारमा आएकाहरूले कुराकानी गरे;यहोवाले गर्नुभएका असल-असल कामहरूबारे तिनीहरूले बताए,उहाँका जनहरू, हो इस्राएलका गाउँलेहरूले गरेका असल-असल कामहरू तिनीहरूले सम्झिए।
तब यहोवाका मानिसहरू सहरका मूलढोकाहरूमा आए।
१२ जाग, हे दबोरा,+ जाग!
जाग र गीत गाऊ!+
हे अबिनोमका छोरा बाराक,+ उठ! तिम्रा शत्रुहरूलाई बन्दी बनाएर लैजाऊ!
१३ तब बाँकी रहेकाहरू अगुवाहरूलाई साथ दिन आए;शूरवीरहरूसित लड्न यहोवाका मानिसहरू मकहाँ आए।
१४ एप्रैमीहरू तल बेँसीमा झरे;हे बिन्यामिनीहरू हो, तिनीहरू तिमीहरूको पछिपछि आइरहेका छन्।
माकिरबाट+ सेनापतिहरू आएअनि जबुलुनबाट चाहिँ सेनामा भर्ती गराउनेहरू* आए।
१५ इस्साकारबाट आएका अगुवाहरू दबोरासित थिएअनि इस्साकार र बाराकले+ पनि उनलाई साथ दिए।
बाराक तल बेँसीमा हिँडेरै आए।+
रुबेनको कुल भने दोधारमा थियो।
१६ तिमी दुई वटा बोराको* बीचमै बसिरह्यौ;गोठालोले बजाएको बाँसुरीको धुन सुनेर मक्ख परिरह्यौ।+
रुबेनको कुल दोधारमै बसिरह्यो।
१७ हे गिलाद, तिमी यर्दनपारि नै बसिरह्यौ;+हे दान, तिमी किन जहाजहरूमै बसिरह्यौ?+
असेर समुद्री किनारामा हात बाँधेर बसिरह्योअनि उसले आफ्नो बन्दरगाह छोडेन।+
१८ जबुलुनका मानिसहरूले ज्यानको खतरा मोले;नप्तालिका मानिसहरूले पनि+ डाँडाहरूमा ज्यानको बाजी लगाए।+
१९ राजाहरूले आएर लडाइँ गरे;मगिद्दोको मुहाननजिकै तानकमा+कनानका राजाहरूले लडाइँ गरे।+
तर तिनीहरूले लडाइँमा चाँदी लुट्न सकेनन्।+
२० आकाशबाट ताराहरूले लडाइँ गरे;तिनीहरू आ-आफ्नै ठाउँबाट सिसराविरुद्ध लडे।
२१ किसोन खोलाले शत्रुहरूलाई बगायो,+त्यो पुरानो खोला, किसोन खोलाले स्वात्तै बगायो।
मैले वीर योद्धाहरूलाई कुल्चीमिल्ची गरेँ।
२२ अनि घोडाहरू टाप बजार्दै दौडे,तिनका जङ्गी घोडाहरू तेज रफ्तारमा कुदे।+
२३ ‘मेरोजलाई सराप,’ यहोवाका दूतले भने,‘हो, त्यसका बासिन्दाहरूलाई सरापकिनकि तिनीहरू यहोवालाई मदत गर्न अघि सरेनन्,तिनीहरूका वीर योद्धाहरू यहोवालाई साथ दिन आएनन्।’
२४ स्त्रीहरूमध्ये सबैभन्दा आनन्दित हुन् याएल,+केनी हेबेरकी पत्नी;+पालमा बस्ने स्त्रीहरूमध्ये सबैभन्दा आनन्दित हुन् उनी।
२५ सिसराले पानी मागे तर याएलले दूध दिइन्।
उनले सिसरालाई ठूलो कचौरामा बाक्लो दूध* दिइन्।+
२६ याएलले हातमा पाल टाँग्ने किला लिइन्,उनले आफ्नो दायाँ हातले मुङ्ग्रो उठाइन्।
अनि मुङ्ग्रो बजारेर सिसराको टाउको फुटाइदिइन्,तिनको कन्चट वारपार छेडेर चुरचुर पारिदिइन्।+
२७ सिसरा याएलको खुट्टामा ढले;याएलको खुट्टाको बीचमा सिसरा बेहोस भएर ढले;जहाँ तिनी ढले, त्यहीँ तिनी मरे।
२८ झ्यालबाट एउटी स्त्रीले हेरिन्,हो, सिसराकी आमाले आँखीझ्यालबाट चियाइन्,‘अहिलेसम्म तिनको रथ किन फर्केर आएन?
तिनका घोडाहरूको टापको आवाज किन सुनिएन?’+
२९ तिनकी आमाका बुद्धिमती सेविकाहरूले जवाफ दिए,तिनकी आमाले पनि मनमनै भनिन्,
३० ‘तिनीहरू लडाइँमा जितेको धनमाल बाँडिरहेका होलान्;एक जना योद्धाको लागि एउटी केटी, होइन, दुइटी केटी,सिसराको लागि लुटको मालबाट रङ्गीन कपडा, हो, रङ्गीन कपडाअनि लडाइँमा गएका सिपाहीहरूको घाँटीमा बेर्नबुट्टा भरिएको दुई वटा रङ्गीन लुगा।’
३१ हे यहोवा, तपाईँका शत्रुहरू सबै नाश होऊन्+तर तपाईँलाई प्रेम गर्नेहरू सूर्यजस्तै चम्कून्।”
त्यसपछि देशमा ४० वर्षसम्म शान्ति छायो।+
फुटनोटहरू
^ शा., “आफ्नो केश खुला छोडे।” यो तिनीहरूले भाकल गरेका थिए भन्ने कुराको चिन्ह थियो।
^ वा “यहोवाको प्रशंसा गर्न म धुन बजाउनेछु।”
^ वा सम्भवतः “हल्लिए।”
^ वा सम्भवतः “शास्त्रीले प्रयोग गर्ने साधनको जिम्मा पाएकाहरू।”
^ यसले भारी बोक्ने जनावरलाई बोकाइने बोराहरूलाई जनाउँछ।
^ वा “दही।”
