अय्युब २२:१-३०

  • एलिपज तेस्रो पटक बोल्छन्‌ (१-३०)

    • ‘मानिस परमेश्‍वरको लागि कुनै कामको हुन्छ?’ (२, ३)

    • अय्युबलाई लोभी र अन्यायी भएको आरोप लगाउँछन्‌ ()

    • ‘परमेश्‍वरको पाउ पर्नुभयो भने तपाईँको सुदिन फर्कनेछ’ (२३)

२२  एलिपज+ तेमानीले जवाफमा यसो भने:  २  “के मानिस परमेश्‍वरको लागि कुनै कामको हुन्छ र? कुनै मानिस जति नै समझदार भए पनि उहाँलाई के फाइदा?+  ३  तपाईँ धर्मी व्यक्‍ति भए पनि परमेश्‍वरले त्यसको वास्ता गर्नुहुन्छ र?*अथवा तपाईँ सत्यनिष्ठ भए पनि उहाँलाई केही फाइदा हुन्छ र?+  ४  तपाईँले परमेश्‍वरको डर मानेको भएउहाँले तपाईँलाई सजाय दिनुहुन्थ्यो होला र? अनि तपाईँलाई कठघरामा उभ्याउनुहुन्थ्यो होला र?  ५  तपाईँको दुष्टता चुलिएकोले र तपाईँले खराब काम गर्न नछोडेकोले नैतपाईँको हालत यस्तो भएको होइन र?+  ६  किनकि तपाईँ आफ्ना दाजुभाइले बन्धकीमा राखेको कुरा विनाकारण खोस्नुहुन्छअनि मानिसहरूको लुगा खोसेर तिनीहरूलाई नाङ्‌गै छोडिदिनुहुन्छ।+  ७  तपाईँ थाकेकाहरूलाई पानी दिनुहुन्‍नर भोकाएकाहरूलाई खानेकुरा दिनुहुन्‍न।+  ८  तपाईँजस्ता ठूलाबडाले अरूको जग्गाजमिनमा कब्जा जमाएका छन्‌+र त्यहाँ बसेका छन्‌।  ९  तर तपाईँ विधवाहरूलाई भने रित्तो हात फर्काउनुहुन्छर अनाथहरूको* हात निमोठ्‌नुहुन्छ। १०  त्यसैले तपाईँको चारैतिर पासो थापिएको छ+र त्रासले तपाईँलाई अचानक छोप्छ। ११  त्यसैले तपाईँको वरिपरि निस्पट्ट अन्धकार छाएको छर तपाईँ केही देख्न सक्नुहुन्‍न। उर्लेर आएको भेलले तपाईँलाई डुबाएको छ। १२  के परमेश्‍वर स्वर्गको सबैभन्दा उच्च ठाउँमा हुनुहुन्‍न र? ताराहरूसमेत कत्ति माथि छन्‌, हेर्नुहोस्‌। १३  तर तपाईँ भन्‍नुहुन्छ: ‘परमेश्‍वरलाई मानिसहरूबारे के नै थाह छ र? बाक्लो बादललाई छिचोलेर उहाँले कसरी पो न्याय गर्न सक्नुहुन्छ र? १४  उहाँ आकाशमा* हिँड्‌दै गर्दा बादलले उहाँलाई छेकिदिन्छताकि उहाँले हामीलाई नदेखून्‌।’ १५  जुन बाटोमा दुष्ट मानिसहरू धेरै अघिदेखि हिँड्‌दै आएका छन्‌,के तपाईँ पनि त्यही बाटोमा हिँड्‌नुहुन्छ? १६  ती दुष्टहरू, जसको अकालमै मृत्यु भएको थियोर जसको जग बाढीले* बगाएर लगेको थियो,के तपाईँ तिनीहरूलाई पछ्याउनुहुन्छ?+ १७  तिनीहरू साँचो परमेश्‍वरलाई यसो भन्‍ने गर्थे: ‘हाम्रो पछि नलाग्नुहोस्‌! सर्वशक्‍तिमान्‌ले हामीलाई के नै गर्न सक्नुहुन्छ र?’ १८  तर तिनीहरूको घरलाई असल-असल थोकले भरिदिने उहाँ नै हुनुहुन्छ। (मेरो मनमा कहिल्यै तिनीहरूको जस्तो कुविचार आएन।) १९  दुष्टहरूको विनाश देखेर धर्मी मानिसहरू रमाउनेछन्‌।अनि निर्दोषहरूले तिनीहरूको खिसी गर्दै यसो भन्‍नेछन्‌: २०  ‘हाम्रा शत्रुहरू नाश भएका छन्‌।अनि तिनीहरूका जे-जति बाँकी छन्‌, ती सबै खरानी हुनेछन्‌।’ २१  परमेश्‍वरलाई चिन्‍नुहोस्‌ र तपाईँ ढुक्क भएर बाँच्न सक्नुहुनेछ। अनि तपाईँको भलो हुनेछ। २२  उहाँको नियम पालन गर्नुहोस्‌र उहाँका वचनहरू आफ्नो हृदयमा राख्नुहोस्‌।+ २३  तपाईँ सर्वशक्‍तिमान्‌को पाउ पर्नुभयो भने तपाईँको सुदिन फर्कनेछ।+यदि तपाईँले आफ्नो पालबाट दुष्टतालाई परै राख्नुभयो २४  अनि आफ्नो सुन धुलोमा मिल्काइदिनुभयोर ओपिरको+ सुन खोँचका चट्टानहरूमा हुर्ऱ्याइदिनुभयो भने २५  सर्वशक्‍तिमान्‌ स्वयम्‌ नै तपाईँको लागि सुनबराबर हुनुहुनेछर उहाँ तपाईँको लागि सबैभन्दा असल चाँदीसरह हुनुहुनेछ। २६  अनि सर्वशक्‍तिमान्‌ नै तपाईँको हर्षको स्रोत हुनुहुनेछर उहाँसामु तपाईँको शिर ठाडो हुनेछ। २७  तपाईँले उहाँलाई पुकार्दा उहाँले सुन्‍नुहुनेछ।तपाईँले आफ्ना भाकलहरू पूरा गर्न सक्नुहुनेछ। २८  तपाईँका सबै योजना सफल हुनेछन्‌र तपाईँको बाटो उज्यालो हुनेछ। २९  किनकि अहङ्‌कार गरेर बोल्नुभयो भने तपाईँलाई होच्याइनेछ।तर नम्रहरूलाई भने उहाँले जोगाउनुहुनेछ। ३०  उहाँ निर्दोषहरूको उद्धार गर्नुहुन्छ।त्यसैले यदि तपाईँका हातहरू निर्दोष छन्‌ भने तपाईँले पक्कै छुटकारा पाउनुहुनेछ।”

फुटनोटहरू

वा “त्यसले परमेश्‍वरलाई खुसी पार्छ र?”
वा “बुबा गुमाएका बच्चाहरूको।”
शा., “आकाशको परिधिमा।”
शा., “नदीले।”