अय्युब १३:१-२८

  • अय्युब अझै जवाफ दिन्छन्‌ (१-२८)

    • ‘म परमेश्‍वरसित कुरा गर्नेछु’ ()

    • “तपाईँहरू कामै नलाग्ने वैद्य हुनुहुन्छ” ()

    • “म निर्दोष छु भनेर मलाई थाह छ” (१८)

    • ‘परमेश्‍वर किन मलाई आफ्नो शत्रु ठान्‍नुहुन्छ?’ (२४)

१३  “मैले आफ्नै आँखाले यी सब देखेको छु,आफ्नै कानले यी सबै सुनेको छु र यी कुराहरू बुझेको छु।  २  तपाईँहरूलाई जे थाह छ, त्यो मलाई पनि थाह छ।म कुनै कुरामा तपाईँहरूभन्दा कम छैनँ।  ३  तर म त सर्वशक्‍तिमान्‌ परमेश्‍वरसितै कुरा गर्नेछु।म उहाँसित बहस गर्नेछु।+  ४  तर तपाईँहरू झूट बोलेर मेरो बदनाम गर्नुहुन्छ,तपाईँहरू कामै नलाग्ने वैद्य हुनुहुन्छ।+  ५  बरु केही नबोली चुपचाप बसेको भएतपाईँहरू बुद्धिमान्‌ ठहरिनुहुने थियो।+  ६  अब बिन्ती! मेरो कुरा सुन्‍नुहोस्‌।म आफ्नो तर्क पेस गर्छु, ध्यान दिएर सुन्‍नुहोस्‌।  ७  के तपाईँहरू परमेश्‍वरको पक्ष लिएर झूट बोल्नुहुन्छ?उहाँको नाममा कपटी कुरा गर्नुहुन्छ?  ८  के तपाईँहरू उहाँको पक्ष लिनुहुन्छ?अनि साँचो परमेश्‍वरको तर्फबाट मसित मुद्दा लड्‌नुहुन्छ?  ९  उहाँले जाँच्नुभयो भने के तपाईँहरूचाहिँ सत्य ठहरिनुहोला र?+ के मानिसलाई जस्तै उहाँलाई पनि छक्याउन सक्नुहुन्छ र? १०  तपाईँहरू परमेश्‍वरको पक्ष लिएको स्वाङ पार्दै हुनुहुन्छ भने+उहाँले उल्टै तपाईँहरूलाई हप्काउनुहुनेछ। ११  परमेश्‍वरको महानता देखेर के तपाईँहरू डराउनुहुनेछैन?अनि के उहाँसित तपाईँहरू डरले थरथर काँप्नुहुनेछैन? १२  तपाईँहरूका ठूलठूला कुराहरू फोस्रा उपदेश* हुन्‌।तपाईँहरूका तर्कहरू माटोले बनेका ढालहरूजस्तै कमजोर छन्‌। १३  तपाईँहरू चुप लाग्नुहोस्‌ र मलाई बोल्न दिनुहोस्‌। त्यसपछि जे आइपरे पनि म भोग्न तयार छु। १४  म किन आफैलाई खतरामा पारूँ?अनि आफ्नो ज्यान हत्केलामा राखेर हिँडूँ? १५  उहाँले मेरो ज्यानै लिन खोजे तापनि म उहाँकै बाटो हेरेर बस्नेछु।+म आफ्नो मामिला उहाँसामु पेस गर्नेछु। १६  त्यसपछि उहाँले मेरो उद्धार गर्नुहुनेछ।+किनकि कुनै पनि भक्‍तिहीन* मानिस उहाँसामु खडा हुन सक्दैन।+ १७  मेरो कुरा कान थापेर सुन्‍नुहोस्‌।म जे भन्छु, त्यसमा ध्यान दिनुहोस्‌। १८  हेर्नुहोस्‌, अब म परमेश्‍वरसित मुद्दा लड्‌न तयार छुअनि म निर्दोष छु भनेर मलाई थाह छ। १९  मसँग बहस गर्न को तयार छ? म चुपचाप बस्नुपऱ्‍यो भने त मर्छु होला!* २०  हे परमेश्‍वर, केवल यी दुई कुरा पन्छाइदिनुहोस्‌र म तपाईँबाट लुक्नेछैनँ: २१  तपाईँको गह्रौँ हात मबाट टाढा लैजानुहोस्‌र मलाई तर्साउन बन्द गर्नुहोस्‌।+ २२  या त मसित कुरा गर्नुहोस्‌ र म तपाईँलाई जवाफ दिनेछु;नभए मलाई बोल्न दिनुहोस्‌ र तपाईँ मलाई जवाफ दिनुहोस्‌। २३  मैले के गल्ती गरेँ? के पाप गरेँ? मलाई मेरो दोष देखाइदिनुहोस्‌। २४  तपाईँ किन आफ्नो अनुहार अन्तै फर्काउनुहुन्छ+र मलाई आफ्नो शत्रु ठान्‍नुहुन्छ?+ २५  के तपाईँ हावामा उडेको पातलाई तर्साउन खोज्नुहुन्छ?अथवा जाबो भुसलाई पनि लखेट्‌नुहुन्छ? २६  तपाईँ मेरो एक-एक गल्तीको हिसाब राख्नुहुन्छर मैले युवावस्थामा गरेका गल्तीको सजाय मलाई दिनुहुन्छ। २७  तपाईँले मेरो खुट्टा ठिँगुरोमा हालिदिनुभएको छ।तपाईँ मेरो हर कदम नियाल्नुहुन्छर मेरो हरेक पाइला पछ्याउँदै मेरो पछिपछि आउनुहुन्छ। २८  त्यसैले मानिस* सडेगलेको कुराजस्तै नष्ट भएर जान्छ,किराले* खाएको कपडाझैँ विनाश हुन्छ।

फुटनोटहरू

शा., “खरानीको उपदेश।”
वा “धर्मत्यागी।” शब्दावलीमा “धर्मत्याग” हेर्नुहोस्‌।
वा सम्भवत: “कोही तयार छ भने म चुपचाप बस्नेछु र मर्नेछु।”
यसले अय्युबलाई जनाएको हुन सक्छ।
कपडा खाने एक किसिमको पुतली।