खाँचोमा परेकाहरूलाई मदत गर्नेहरूले पाउने आशिष्
संसारभरि धेरैजसो मानिसलाई गाँस र बासको अभाव छ। केहीले भने उज्ज्वल भविष्यको आशा पाउन सकेका छैनन्। हामीले खाँचोमा परेका यस्ता मानिसहरूलाई मदत गर्दा ईश्वरको अनुमोदन र आशिष् कसरी पाउन सक्छौँ?
पवित्र धर्मशास्त्र के भन्छ?
“गरिबलाई दया देखाउनु यहोवालाई सापटी दिनुजस्तै हो; त्यसको इनाम उहाँले दिनुहुन्छ।”—हितोपदेश १९:१७.
खाँचोमा परेकाहरूलाई मदत गर्नुको अर्थ के हो?
येसुले डाँकुहरूले हमला गरेर अधमरो छोडेर गएको एक जना मानिसको उदाहरण बताउनुभयो। (लुका १०:२९-३७) एक जना अनजान मानिस उसको नजिक आएर घाउमा मलहमपट्टी लगाइदियो। बेग्लै जातिको भए तापनि उसले मदत गऱ्यो।
त्यस दयालु मानिसले घाइतेलाई मलहमपट्टी गरिदिनु र चाहिने कुराहरू दिनुका साथै उसलाई सान्त्वना दियो र उसको पीडा कम गर्न मदत पनि गऱ्यो।
यस उदाहरणबाट हामी के सिक्न सक्छौँ? हामीले खाँचोमा परेकाहरूलाई मदत गर्न सकेजति सबै गर्नुपर्छ भनेर येसुले बुझाउन खोज्दै हुनुहुन्थ्यो। (हितोपदेश १४:३१) पवित्र धर्मशास्त्रले ईश्वरले गरिबी र दुःखकष्ट चाँडै हटाउनुहुन्छ भनेर सिकाउँछ। ईश्वरले कसरी र कहिले त्यसो गर्नुहुन्छ भनेर हामी सोच्छौँ होला। मायालु ईश्वरले तपाईँको लागि साँचेर राख्नुभएको आशिष्हरूबारे यसपछिको लेखमा छलफल गरिनेछ।
अन्य रोचक विषयहरू
ब्यूँझनुहोस्!
के परमेश्वरले खाँचोमा परेकाहरूको ख्याल राख्नुहुन्छ?
खाँचोमा परेकाहरूलाई ख्याल राखेको कुरा परमेश्वरले कसरी देखाउनुहुन्छ भनेर थाह पाउनुहोस्।
