सीधै सामग्रीमा जाने

सीधै दोस्रो तहको मेनुमा जाने

यहोवाका साक्षीहरू

नेपाली

यहोवाका साक्षीहरू कुनै खास चलचित्र, किताब र गीतमाथि प्रतिबन्ध लगाउँछन्‌?

यहोवाका साक्षीहरू कुनै खास चलचित्र, किताब र गीतमाथि प्रतिबन्ध लगाउँछन्‌?

यो कुरा गलत हो। आफ्ना सदस्यहरूले कुनै खास चलचित्र हेर्नु हुन्छ कि हुँदैन, कुनै किताब पढ्‌नु हुन्छ कि हुँदैन र कुनै गीत सुन्नु हुन्छ कि हुँदैन भनेर हाम्रो संगठनले एक-एक कुरा जाँच्दैन। किन?

बाइबलले हामीलाई “सोच्ने-बुझ्ने क्षमता चलाएर” सही र गलत छुट्टयाउनुपर्छ भनेर सिकाएको छ।​—⁠हिब्रू ५:⁠१४.

मनोरञ्जन छान्दा ख्रीष्टियनहरूले के-कस्तो कुरामा विचार पुऱ्याउनुपर्छ भनेर बाइबलले केही सिद्धान्तहरू दिएको छ। * जीवनको हरेक क्षेत्रमा “प्रभुलाई के स्वीकार्य छ, त्यो पक्का” गर्नु नै हाम्रो लक्ष्य हो।​—⁠एफिसी ५:⁠१०.

बाइबलले परिवारका शिरसँग केही मात्रामा अख्तियार हुन्छ भनेर बताएको छ। त्यसैले परिवारको शिरको हैसियतले आफ्नो परिवारलाई कुनै खास प्रकारको मनोरञ्जन गर्नदेखि तिनले रोक्न सक्छन्‌। (१ कोरिन्थी ११:३; एफिसी ६:​१-४) तर कुनै खास प्रकारको सिनेमा हेर्न र गीत सुन्न निषेध गर्ने वा कुनै कलाकारबारे नराम्रो टीका-टिप्पणी गर्ने अधिकार मण्डलीमा अरू कसैलाई पनि छैन।​—⁠गलाती ६:⁠५.

^ अनु. 4 जस्तै: तन्त्रमन्त्र, यौन-अनैतिकता र हिंसालाई जोड दिने सबै कुराको बाइबलले निन्दा गर्छ।​—⁠व्यवस्था १८:​१०-१३; एफिसी ५:३; कलस्सी ३:⁠८.