बाइबलको जवाफ

 बाइबल अर्थात्‌ पवित्र धर्मशास्त्रमा थुप्रै राम्रा सल्लाहहरू पाइन्छन्‌। तर बाइबलले यसको स्रोतबारे के बताएको छ, विचार गर्नुहोस्‌: “धर्मशास्त्रमा भएका सबै कुरा परमेश्‍वरको प्रेरणाद्वारा लेखिएको हो।” (२ तिमोथी ३:१६) यो कुरालाई पुष्टि गर्ने थुप्रै प्रमाण छन्‌। तीमध्ये केही विचार गर्नुहोस्‌:

•   बाइबलमा दिइएको ऐतिहासिक विवरणहरू सबै सही साबित भएका छन्‌।

•   बाइबलका लेखकहरू इमानदार थिए। तिनीहरूले कुनै पनि कुरा नलुकाई लेखे। तिनीहरूको यस्तो इमानदारीले बाइबलमा लेखिएका कुराहरू सत्य हुन्‌ भनेर पुष्टि गर्छ।

•   बाइबलको मुख्य विषय भनेको परमेश्‍वरको सार्वभौमिकता उच्च पारिनेछ र स्वर्गीय सरकारद्वारा उहाँको सबै उद्देश्‍य पूरा हुनेछ भन्‍ने हो।

•   बाइबलमा दिइएका वैज्ञानिक जानकारीहरू हजारौं वर्ष अगाडि लेखिएको भए तापनि सही छन्‌। जबकि त्यो समयमा गलत वैज्ञानिक धारणाहरू व्याप्त थिए।

•   बाइबलका भविष्यवाणीहरू वा यसमा दिइएका पूर्वानुमानहरू सही भएको कुरा ऐतिहासिक विवरण केलाउँदा थाह पाउन सकिन्छ।