सीधै सामग्रीमा जाने

सीधै दोस्रो तहको मेनुमा जाने

सीधै विषयसूचीमा जाने

यहोवाका साक्षीहरू

नेपाली

अनलाइन बाइबल | पवित्र बाइबल—नयाँ संसार अनुवाद

१ थिस्सलोनिकी १:१-१०

 पावल, सिल्भानस र तिमोथी थिस्सलोनिकीहरूको मण्डलीलाई, जो परमेश्वर, हाम्रा बुबा र प्रभु येशू ख्रीष्टसित एकतामा छ, यो पत्र लेख्दैछौं। तिमीहरूलाई असीम अनुग्रह र शान्ति मिलोस्।  हाम्रा प्रार्थनाहरूमा तिमीहरूलाई सम्झँदा हामी परमेश्वरलाई सधैं धन्यवाद चढाउँछौं,  किनकि तिमीहरूले आफ्नो विश्वासको कारण गरेका कामहरू, प्रेमपूर्वक गरेको परिश्रम र तिमीहरूले हाम्रा प्रभु येशू ख्रीष्टमा आशा राखेको हुनाले देखाएको सहनशीलता हाम्रा परमेश्वर र बुबासामु हामी हरबखत सम्झिरहन्छौं।  परमेश्वरले प्रिय ठान्नुभएका हे मेरा भाइहरू हो, उहाँले तिमीहरूलाई चुन्नुभएको छ भनेर हामीलाई थाह छ,  किनकि हामीले प्रचार गरेको सुसमाचार तिमीहरूमाझ बोलीमा मात्र सीमित रहेन तर यसले सशक्त प्रभाव पाऱ्यो र तिमीहरूबीच पवित्र शक्तिले काम गऱ्यो अनि त्यो सुसमाचारले तिमीहरूलाई पूर्णतया विश्वस्त तुल्यायो। तिमीहरूको निम्ति हामी के मात्र भएनौं, त्यो तिमीहरूलाई थाहै छ।  अनि थुप्रै सङ्‌कष्ट सहँदै तिमीहरूले त्यस वचनलाई पवित्र शक्तिद्वारा पाइने आनन्दका साथ स्वीकाऱ्यौ अनि तिमीहरू हाम्रो र प्रभुको अनुकरण गर्नेहरू भयौ।  यसरी तिमीहरू म्यासिडोनिया र अखैयामा भएका येशूका सबै चेलाहरूका लागि उदाहरण भयौ।  वास्तवमा, तिमीहरूद्वारा यहोवाको वचन म्यासिडोनिया र अखैयामा फैलनुका साथै परमेश्वरमाथिको तिमीहरूको विश्वासको चर्चा जताततै भइरहेको छ। त्यसैले हामीले केही बताइरहनु आवश्यक छैन।  बरु तिनीहरू आफैले बताइरहन्छन्‌, कि हामी कसरी पहिलो पटक तिमीहरूकहाँ आएका थियौं अनि जीवित र साँचो परमेश्वरको दास बन्न सकौं भनेर तिमीहरू कसरी आ-आफ्ना मूर्तिहरू त्यागेर परमेश्वरतर्फ फर्क्यौ। १०  अनि स्वर्गबाट हुने उहाँको छोरा येशूको आगमनलाई पर्खन सकौं भनेर पनि तिमीहरू फर्क्यौ, जसलाई उहाँले मृत्युबाट ब्यूँताउनुभयो र जसले हामीलाई आउँदै गरेको क्रोधबाट बचाउनुहुनेछ।

फुटनोटहरू