सीधै सामग्रीमा जाने

सीधै दोस्रो तहको मेनुमा जाने

सीधै विषयसूचीमा जाने

यहोवाका साक्षीहरू

नेपाली

अनलाइन बाइबल | पवित्र बाइबल—नयाँ संसार अनुवाद

प्रकाश ७:१-१७

 यसपछि मैले पृथ्वीका चार कुनामा चार वटा स्वर्गदूत उभिरहेको देखें। पृथ्वीमा वा समुद्रमा वा कुनै रूखमा बतास नचलोस् भनेर तिनीहरूले पृथ्वीका चार बतासलाई बलियोसित थामिराखेका थिए।  अनि सूर्योदय हुने ठाउँबाट अर्को एउटा स्वर्गदूत उक्लँदै गरेको मैले देखें र तिनीसित जीवित परमेश्वरको छाप थियो। अनि पृथ्वी र समुद्रलाई हानि गर्ने अनुमति पाएका चार वटा स्वर्गदूतलाई तिनले चर्को सोरमा यसो भने:  “हाम्रो परमेश्वरका दासहरूको निधारमा हामीले छाप नलगाएसम्म पृथ्वी वा समुद्र वा रूखहरूलाई हानि नगर।”  त्यसपछि मैले छाप लगाइएकाहरूको सङ्‌ख्या सुनें। त्यो एक लाख चवालीस हजार थियो अनि छाप लगाइएकाहरू इस्राएलको सन्तानका हरेक कुलबाट लिइएका थिए:  यहूदाको कुलबाट बाह्र हजार जनालाई छाप लगाइयो; रूबेनको कुलबाट बाह्र हजार जनालाई; गादको कुलबाट बाह्र हजार जनालाई;  आशेरको कुलबाट बाह्र हजार जनालाई; नप्तालीको कुलबाट बाह्र हजार जनालाई; मनश्शेको कुलबाट बाह्र हजार जनालाई;  शिमियोनको कुलबाट बाह्र हजार जनालाई; लेवीको कुलबाट बाह्र हजार जनालाई; इस्साकारको कुलबाट बाह्र हजार जनालाई;  जबूलूनको कुलबाट बाह्र हजार जनालाई; यूसुफको कुलबाट बाह्र हजार जनालाई; अनि बिन्यामीनको कुलबाट बाह्र हजार जनालाई छाप लगाइयो।  यसपछि, हेर, कसैले गन्न नसक्ने एउटा ठूलो भीड मैले देखें। तिनीहरू हरेक राष्ट्र, कुल, जाति अनि भाषाका थिए। तिनीहरू सेता लुगा लगाएर सिंहासन र थुमाको अगाडि उभिरहेका थिए अनि तिनीहरूका हातमा खजूरका हाँगाहरू थिए। १०  तिनीहरू चर्को सोरमा यसो भन्दै कराउँदा रहेछन्‌: “सिंहासनमा बस्नुहुने हाम्रो परमेश्वरबाट अनि थुमाबाट हामीले उद्धार पाउँछौं।” ११  तब सिंहासन, एल्डरहरू अनि चार वटा करूबको वरिपरि उभिरहेका सबै स्वर्गदूतहरू सिंहासनसामु घोप्टो परे अनि यसो भन्दै परमेश्वरको उपासना गरे: १२  “आमिन! प्रशंसा, महिमा, बुद्धि, धन्यवाद, आदर, शक्ति अनि बल सदासर्वदा हाम्रा परमेश्वरकै होस्। आमिन।” १३  तब यो सुनेर एल्डरहरूमध्ये एक जनाले मलाई सोधे: “सेता लुगा लगाएका यी मानिसहरू को हुन्‌ अनि कहाँबाट आएका हुन्‌?” १४  मैले तुरुन्तै तिनलाई जवाफ दिएँ: “प्रभु, यो कुरा तपाईंलाई नै थाह छ।” अनि तिनले मलाई भने: “यिनीहरू महासङ्‌कष्ट पार गरेर आएका मानिसहरू हुन्‌ अनि यिनीहरूले आ-आफ्नो लुगा थुमाको रगतमा धोएर सेता बनाएका छन्‌। १५  त्यसैले तिनीहरू परमेश्वरको सिंहासनको अगाडि छन्‌; अनि उहाँको मन्दिरमा दिनरात उहाँलाई पवित्र सेवा चढाइरहेका छन्‌; अनि सिंहासनमा बस्नुहुनेले तिनीहरूलाई सुरक्षित राख्नुहुनेछ।* १६  तिनीहरू फेरि कहिल्यै भोकाउने वा तिर्खाउनेछैनन्‌, न त घामको राप वा कुनै तापले तिनीहरूलाई पोल्नेछ, १७  किनभने सिंहासनको बीचमा हुनुहुने थुमाले जीवन दिने पानीको मुहानसम्मै तिनीहरूलाई गोठालोले झैं डोऱ्याउनुहुनेछ। अनि परमेश्वरले तिनीहरूको आँखाबाट सबै आँसु पुछिदिनुहुनेछ।”

फुटनोटहरू

वा, “तिनीहरूमाथि आफ्नो पाल फिंजाउनुहुनेछ।”