अशक्तता सेटिङ

भाषा रोज्ने

सीधै दोस्रो तहको मेनुमा जाने

सीधै विषयसूचीमा जाने

सीधै सामग्रीमा जाने

यहोवाका साक्षीहरू

नेपाली

अनलाइन बाइबल

पवित्र बाइबल—नयाँ संसार अनुवाद

प्रकाश १३:१-१८

१३  अनि समुद्रको बालुवामा त्यो ठिङ्ग उभियो। त्यसपछि मैले एउटा जङ्गली जनावर समुद्रबाट निस्केर आएको देखें। त्यसको दस वटा सिङ र सात वटा टाउका थिए। त्यसका सिङहरूमा दस वटा ताज थिए अनि टाउकाहरूमा चाहिं परमेश्वरको निन्दा हुने नामहरू लेखिएका थिए। २  मैले देखेको जङ्गली जनावर चितुवाजस्तै थियो तर त्यसका खुट्टाहरू भने भालुका जस्ता थिए अनि मुखचाहिं सिंहको जस्तो थियो। तब त्यस अजिङ्गरले आफ्नो शक्ति, सिंहासन र ठूलो अख्तियार त्यस जनावरलाई दियो। ३  अनि त्यसका टाउकाहरूमध्ये एउटा काटेर मारिएको जस्तो मैले देखें तर त्यसको घातक चोट निको भयो र त्यस जङ्गली जनावरको तारिफ गर्दै पूरै पृथ्वी त्यसको पछि-पछि लाग्यो। ४  अनि तिनीहरूले अजिङ्गरको उपासना गरे, किनकि त्यसले नै त्यो जङ्गली जनावरलाई अख्तियार दिएको थियो। तिनीहरूले यसो भन्दै त्यस जङ्गली जनावरको उपासना गरे: “त्यो जङ्गली जनावरजस्तो को छ अनि कसले त्योसित युद्ध गर्न सक्छ?” ५  ठूलठूला कुरा बोल्ने र ईश्वरनिन्दा गर्ने मुख त्यसलाई दिइयो अनि बयालीस महिनासम्म काम गर्ने अख्तियार पनि त्यसलाई दिइयो। ६  त्यसले परमेश्वरको निन्दा गर्न र उहाँको नाम अनि उहाँको निवासस्थानको निन्दा गर्न, यहाँसम्म कि स्वर्गमा बास गर्नेहरूको समेत निन्दा गर्न आफ्नो मुख खोल्यो। ७  अनि त्यसलाई पवित्र जनहरूसित लडाइँ गर्ने र तिनीहरूमाथि विजय हासिल गर्ने अनुमति दिइयो। साथै, त्यसलाई हरेक कुल, जाति, भाषा र राष्ट्रमाथि अख्तियार दिइयो। ८  अनि पृथ्वीमा बास गर्नेहरू सबैले त्यसको उपासना गर्नेछन्‌। संसारको प्रारम्भदेखि* तिनीहरूमध्ये कसैको नाम पनि काटिएको थुमाको जीवनको पुस्तकमा लेखिएको छैन। ९  जसको कान छ, उसले सुनोस्। १०  जो कैदमा जानुपर्ने हो, ऊ कैदमै जानेछ। जसले तरबारले मार्छ, ऊ तरबारले नै मारिनुपर्छ। पवित्र जनहरूले सहनशीलता र विश्वास देखाउनुपर्ने यस्तै बेला हो। ११  त्यसपछि, मैले अर्को एउटा जङ्गली जनावर पृथ्वीबाट निस्केर आउँदै गरेको देखें। त्यसको दुई वटा सिङ थुमाको जस्तै थियो तर त्यसले अजिङ्गरले झैं बोल्न थाल्यो। १२  यो जनावरले पहिलो जङ्गली जनावरको निगरानीमा त्यसको सारा अख्तियार चलाउँथ्यो। अनि त्यसले पृथ्वी र त्यसमा बास गर्नेहरूलाई त्यो पहिलो जङ्गली जनावरको उपासना गर्न लगाउँथ्यो, जसको घातक चोट निको भएको थियो। १३  त्यसले ठूलठूला चमत्कारहरू गर्थ्यो, यहाँसम्म कि सबै मानिसहरूले देख्नेगरि त्यसले आकाशबाट पृथ्वीमा आगो झार्थ्यो। १४  अनि त्यसलाई जङ्गली जनावरको निगरानीमा चमत्कारहरू गर्ने अनुमति दिइएको हुनाले त्यसले पृथ्वीमा बास गर्नेहरूलाई बहकाउँथ्यो। साथै, पृथ्वीमा बास गर्नेहरूलाई त्यसले तरबार प्रहारको चोट लागेर पनि बाँचेको त्यस जङ्गली जनावरको मूर्ति बनाउन लगाउँथ्यो। १५  अनि त्यस जङ्गली जनावरको मूर्तिले बोलोस् र कुनै किसिमले त्यस जङ्गली जनावरको मूर्तिको उपासना नगर्नेहरूजति सबैलाई मारोस् भनेर त्यस जङ्गली जनावरको मूर्तिमा सास हाल्ने अनुमति त्यसलाई दिइयो। १६  त्यसले के साना, के ठूला, के धनी, के गरिब, के स्वतन्त्र, के दास, सबै मानिसहरूलाई आफ्नो दाहिने हातमा र निधारमा चिन्ह लगाउन बाध्य पार्थ्यो, १७  ताकि त्यो चिन्ह अर्थात्‌ त्यस जङ्गली जनावरको नाम वा त्यसको नामको सङ्ख्या हुनेबाहेक अरू कसैले किनबेच गर्न नपाओस्। १८  बुद्धि चाहिने यस्तै बेला हो: जोसित ज्ञान छ, उसले हिसाब गरेर त्यो जङ्गली जनावरको सङ्ख्या पत्ता लगाओस्, किनकि त्यो सङ्ख्या मानिसको सङ्ख्या हो अनि त्यसको सङ्ख्या हो, छ सय छैसट्ठी।

फुटनोटहरू

प्रका १३:८ मत्ती २५:३४ को फुटनोट हेर्नुहोस्।