सीधै सामग्रीमा जाने

सीधै दोस्रो तहको मेनुमा जाने

सीधै विषयसूचीमा जाने

यहोवाका साक्षीहरू

नेपाली

सुखी परिवार—तर कसरी?

 अध्याय ९

सपरिवार यहोवा परमेश्वरको उपासना गर्नुहोस्

सपरिवार यहोवा परमेश्वरको उपासना गर्नुहोस्

‘आकाश र पृथ्वी बनाउनुहुनेको उपासना गर।’—प्रकाश १४:७

परिवारलाई सुखी बनाउने थुप्रै सल्लाह बाइबलमा छ भनेर तपाईंले यस पुस्तिकाबाट थाह पाउनुभयो। यहोवा तपाईं खुसी भएको चाहनुहुन्छ। उहाँको उपासनालाई अरू कुराभन्दा महत्त्वपूर्ण ठान्नुभयो भने उहाँले तपाईंको सबै आवश्यकता पूरा गर्नेछु भनेर प्रतिज्ञा गर्नुभएको छ। (मत्ती ६:३३) उहाँ तपाईंलाई आफ्नो साथी बनाउन चाहनुहुन्छ। उहाँसितको मित्रतालाई बलियो बनाउने कुनै पनि मौका खेर नफाल्नुहोस्। उहाँलाई साथी बनाउन पाउनु सबैभन्दा ठूलो सुअवसर हो।—मत्ती २२:३७, ३८.

 १ यहोवालाई घनिष्ठ मित्र बनाउनुहोस्

बाइबल के भन्छ? ‘यहोवा भन्नुहुन्छ: “म तिमीहरूको बुबा हुनेछु र तिमीहरू मेरा छोरा र छोरीहरू हुनेछौ।”’ (२ कोरिन्थी ६:१८) परमेश्वर तपाईंलाई आफ्नो मिल्ने साथी बनाउन चाहनुहुन्छ। साथी बनाउने एउटा तरिका कुराकानी गर्नु हो। उहाँ तपाईंलाई यस्तो आग्रह गर्नुहुन्छ, “निरन्तर प्रार्थना गर।” (१ थिस्सलोनिकी ५:१७) किनकि उहाँ तपाईंको भावना अनि पीर-व्यथा सुन्न सधैं तयार हुनुहुन्छ। (फिलिप्पी ४:६) परिवारसँगै मिलेर प्रार्थना गर्नुहोस्। यसो गर्दा श्रीमती अनि छोराछोरीले तपाईंको लागि परमेश्वर कति वास्तविक हुनुहुन्छ भनेर देख्नेछन्‌।

परमेश्वरसित कुरा गर्नुका साथै उहाँको कुरा सुन्नु पनि महत्त्वपूर्ण छ। यसो गर्ने एउटा तरिका उहाँको वचन बाइबल अनि बाइबलआधारित प्रकाशन पढ्नु हो। (भजन १:१, २) साथै आफूले पढेको कुरामा मनन गर्नु पनि आवश्यक छ। (भजन ७७:११, १२) अनि यहोवाका साक्षीहरूको सभाहरूमा गएर पनि परमेश्वरको कुरा सुन्न सक्नुहुन्छ।—भजन १२२:१-४.

यहोवालाई घनिष्ठ मित्र बनाउने अर्को तरिका उहाँबारे अरूसित कुरा गर्नु हो। तपाईं जति धेरै यसो गर्नुहुन्छ, त्यति नै उहाँसित घनिष्ठ हुनुहुनेछ।—मत्ती २८:१९, २०.

यसो गरेर हेर्नुहोस्:

  • हरेक दिन बाइबल पढ्न अनि प्रार्थना गर्न समय छुट्टयाउनुहोस्।

  • परिवारै मिलेर परमेश्वरसितको सम्बन्धलाई बलियो बनाउने कामकुरालाई पहिलो स्थान दिनुहोस्। मनोरञ्जनसम्बन्धी गतिविधिलाई दोस्रो स्थान दिनुहोस्।

२ पारिवारिक उपासनालाई रमाइलो बनाउनुहोस् *

बाइबल के भन्छ? “परमेश्वरसित नजिक होओ र उहाँ तिमीहरूसित नजिक हुनुहुनेछ।” (याकूब ४:८) उहाँसित नजिक हुने एउटा तरिका पारिवारिक उपासना गर्नु हो। पारिवारिक उपासनामा के-कस्तो विषय छलफल गर्ने भनेर तालिका बनाउनुहोस् र त्यसैअनुसार गर्ने कोसिस गर्नुहोस्। (उत्पत्ति १८:१९) साथै परमेश्वरलाई मन पर्ने तरिकामा जीवन बिताउनु पनि महत्त्वपूर्ण छ। परिवारलाई परमेश्वरसित घनिष्ठ बनाउन “घरमा बस्ता, बाटोमा हिंड्दा, ढल्केर बस्ता र उठ्दा” उहाँबारे कुरा गर्नुहोस्। (व्यवस्था ६:६, ७) यहोशूजस्तै हुने लक्ष्य राख्नुहोस्, जसले यसो भने, “म र मेरो घरानाले परमप्रभुकै सेवा गर्नेछौं।”—यहोशू २४:१५.

यसो गरेर हेर्नुहोस्:

  • नियमित रूपमा अनि व्यवस्थित ढङ्गमा सपरिवार अध्ययन गर्नुहोस्। प्रत्येक सदस्यको आवश्यकतालाई ध्यानमा राख्दै अध्ययनको विषय रोज्नुहोस्।

[फुटनोट]

^ अनु. 12 यहोवाका साक्षीहरू सपरिवार परमेश्वरको उपासना गर्न हरेक हप्ता केही समय छुट्टयाउँछन्‌। यसरी भेला हुँदा तिनीहरू बाइबलका विभिन्न विषयमा छलफल गर्छन्‌।

अझ बढी सिक्नुहोस्

आज यहोवाको इच्छाअनुसार चल्नेहरू को हुन्‌?

पारिवारिक उपासना भनेको के हो?

यो प्रबन्धले गर्दा कसरी परमेश्वरसित नजिक हुन सक्नुहुन्छ र पारिवारिक सम्बन्ध बलियो हुन्छ, पत्ता लगाउनुहोस्।

बाइबलले वास्तवमा के सिकाउँछ?

परिवारलाई सुखी बनाउन के गर्नुपर्छ?

येशूले देखाउनुभएको प्रेमको उदाहरण श्रीमान्‌, श्रीमती, आमाबुबा अनि छोराछोरीले अनुकरण गर्न सक्छन्‌। हामी उहाँबाट के सिक्न सक्छौं?