सीधै सामग्रीमा जाने

सीधै दोस्रो तहको मेनुमा जाने

सीधै विषयसूचीमा जाने

यहोवाका साक्षीहरू

नेपाली

आज यहोवाको इच्छाअनुसार चल्नेहरू को हुन्‌?

 पाठ ८

हामी किन सुकिलो लुगा लगाएर अनि चिटिक्क परेर सभामा जान्छौं?

हामी किन सुकिलो लुगा लगाएर अनि चिटिक्क परेर सभामा जान्छौं?

आइसल्याण्ड

मेक्सिको

गिनीबिसाउ

फिलिपिन्स

यस पुस्तिकामा भएका कतिपय चित्रमा यहोवाका साक्षीहरू सभामा उपस्थित भएको दृश्य देखाइएको छ। तिनीहरू कस्तो चिटिक्क परेका छन्‌, के तपाईंले याद गर्नुभयो? हामी किन आफ्नो लुगा अनि कोरीबाटीमा यत्तिको ध्यान दिन्छौं?

परमेश्वरप्रतिको आदर देखाउन। हुन त परमेश्वर हाम्रो रूप मात्र हेर्नुहुन्न। (१ शमूएल १६:७) तैपनि परमेश्वरको उपासना गर्न भेला हुँदा हामी उहाँलाई र सङ्‌गी उपासकहरूलाई आदर देखाउन चाहन्छौं। राजा वा राष्ट्रपतिको अघि उपस्थित हुनुपऱ्यो भने हामी के गर्छौं? तिनको ओहदाप्रति आदर देखाउन हामी आफ्नो रूपरङमा पक्कै पनि ध्यान दिन्छौं। त्यसरी नै “युगयुगका महाराजा” यहोवालाई अनि उहाँको उपासना गरिने ठाउँलाई कत्तिको आदर गर्छौं भन्ने कुरा सभामा उपस्थित हुँदाको हाम्रो रूपरङबाट देखिन्छ।१ तिमोथी १:१७.

हामी कस्तो मूल्यमान्यताअनुसार जीवन बिताउँछौं, त्यो देखाउन। बाइबलले ख्रीष्टियनहरूलाई “शालीनता र सुझबुझ” झल्किने किसिमको लुगा लगाउने सल्लाह दिन्छ। (१ तिमोथी २:९, १०) “शालीनता” झल्किने लुगाहरू भड्किलो, उत्तेजना जगाउने अनि जीउ देखिने किसिमका हुँदैनन्‌। साथै “सुझबुझ” चलाएका छौं भने हामीले छानेको लुगा आकर्षक हुनेछ तर अनावश्यक रूपमा अरूको ध्यान खिच्ने, बेढङ्‌गी वा उत्ताउलो पाराको हुनेछैन। यी सिद्धान्तहरू लागू गर्दा व्यक्तिगत छनौट गर्ने मौका पक्कै साँघुरो हुँदैन। हाम्रो बोलीवचनले मात्र होइन तर सुहाउँदो र आकर्षक रूपरङले पनि “हाम्रा उद्धारक, परमेश्वरको शिक्षाको शोभा” बढाउँछ र “उहाँको महिमा” गर्छ। (तीतस २:१०; १ पत्रुस २:१२) यसरी सुकिलो लुगा लगाएर अनि चिटिक्क परेर सभामा जाँदा हामी यहोवाको उपासनाप्रति कस्तो दृष्टिकोण राख्छौं, त्यो देखिन्छ। यसले अरूको दृष्टिकोणमा राम्रो प्रभाव पार्छ।

आफूसँग भएको साधारण लुगा लगाएर तपाईं राज्यभवन आउन सक्नुहुन्छ। तपाईंको लुगा महङ्‌गो अनि फेसनदार हुनु पर्दैन। सभामा उपस्थित हुनको लागि उपयुक्त, सफा अनि सुहाउँदो लुगा भए पुग्छ। हाम्रो सभामा तपाईंलाई हार्दिक स्वागत छ!

  • परमेश्वरको उपासना गर्दा आफ्नो लुगामा विचार पुऱ्याउनु किन महत्त्वपूर्ण छ?

  • आफ्नो लुगा अनि कोरीबाटीको सन्दर्भमा कस्ता सिद्धान्तहरू विचार गर्नुपर्छ?