सीधै सामग्रीमा जाने

सीधै दोस्रो तहको मेनुमा जाने

सीधै विषयसूचीमा जाने

यहोवाका साक्षीहरू

नेपाली

युवाहरूको १० प्रश्नका जवाफहरू

 प्रश्न ७

यौनसम्बन्ध राख्ने दबाब आयो भने के गरूँ?

यौनसम्बन्ध राख्ने दबाब आयो भने के गरूँ?

यसबारे किन चासो राख्नुपर्छ?

विवाहअघि यौनसम्बन्ध राख्नुभयो भने यसले तपाईंको भविष्यलाई असर गर्छ।

तपाईं के गर्नुहुन्छ?

कल्पना गर्नुहोस्: आस्मा र प्रभातले एकअर्कालाई मन पराउन थालेको दुई महिना मात्रै भयो। तर आस्मालाई भने प्रभातलाई चिनेको वर्षौं भइसक्यो जस्तो लाग्छ। उनीहरू एकअर्कालाई छिन-छिनमा मेसेज गर्छन्‌, फोनमा घण्टौं कुरा गर्छन्‌, यहाँसम्म कि एकअर्काले भन्न लागेको कुरासमेत पहिल्यै थाह पाउँछन्‌। तर प्रभातलाई भने यत्तिले मात्र चित्त बुझेको छैन।

प्रभात र आस्माले यी दुई महिनामा हात समाउने अनि हल्का चुम्बन गर्न थालेका छन्‌। आस्मा त्यो भन्दा बढी केही गर्न चाहँदिनन्‌। तर प्रभातलाई पनि गुमाउन चाहँदिनन्‌। प्रभातसँग हुँदा आफूलाई विशेष र सुन्दर महसुस गर्छिन्‌। आस्मा आफैलाई भन्छिन्‌: ‘हामी एकअर्कालाई असाध्यै माया गर्छौं।’

तपाईं विवाहपूर्व भेटघाट गर्न सक्ने उमेरको भइसक्नुभयो? तपाईं आस्माको जस्तै परिस्थितिमा हुनुहुन्छ कि? तपाईं के गर्न सक्नुहुन्छ?

एकछिन सोच्नुहोस्!

यौनसम्बन्ध ईश्वरले विवाहित व्यक्तिलाई मात्र दिनुभएको उपहार हो। विवाहपूर्व यौनसम्बन्ध राख्दा त्यो उपहारको दुरुपयोग हुन्छ। तपाईंलाई कसैले उपहारस्वरुप दिएको राम्रो लुगा सफा गर्ने कपडाको रूपमा प्रयोग गरेसरह हुन्छ

तपाईं रूखबाट हामफालेर चराझैं उड्‌न खोज्नुभयो भने के हुन्छ? नतिजा अवश्य राम्रो हुँदैन। त्यसैगरि “अवैध यौनसम्बन्धबाट अलग रहो” भन्ने आज्ञाको बेवास्ता गर्नुभयो भने त्यसको नतिजा नराम्रो हुन्छ।—१ थिस्सलोनिकी ४:३.

बाइबलको यो आज्ञा उल्लङ्‌घन गर्दा नतिजा कस्तो हुन्छ? बाइबल यसो भन्छ: “जसले अवैध यौनसम्बन्ध राख्नेगर्छ, उसले आफ्नै शरीरविरुद्ध पाप गरिरहेको हुन्छ।” (१ कोरिन्थी ६:१८) यो कुरा कसरी साँचो साबित भएको छ?

 अनुसन्धानकर्ताहरूले पत्ता लगाएअनुसार अवैध यौनसम्बन्ध राखेका थुप्रै युवाले तल दिइएका कुनै एक वा दुई वटा समस्या भोगेका छन्‌:

  • पछुताउँछन्‌। विवाहपूर्व यौनसम्बन्ध राखेका थुप्रै युवाले पछि गएर पछुतो लागेको कुरा बताएका छन्‌।

  • भरोसा गुमाउँछन्‌। यौनसम्बन्ध राखेपछि उनीहरू सोच्ने गर्छन्‌, ‘उसले मबाहेक अरू कोसँग यौनसम्बन्ध राख्यो होला?’

  • भ्रममा पर्छन्‌। वास्तवमा केटीहरू उनीहरूको फाइदा उठाउने नभई उनीहरूलाई सुरक्षा दिने केटा चाहन्छन्‌। अनि केटाहरू भने आफ्नो फाइदा उठाउन दिने केटीप्रति आकर्षित हुँदैनन्‌।

  • निष्कर्ष: विवाहपूर्व यौनसम्बन्ध राख्नुभयो भने आफूसित भएको अमूल्य कुराको मोल नगरेर आफ्नै अनादर गरिरहनुभएको हुनेछ। (रोमी १:२४) तपाईंको शरीर बहुमूल्य छ, यसको मोल गर्नुहोस्!

‘अवैध यौनसम्बन्धबाट अलग रहन’ सक्नुहुन्छ भनेर देखाउनुहोस्। (१ थिस्सलोनिकी ४:३) अनि पछि तपाईंले विवाह गरिसकेपछि यौनसम्बन्ध राख्नुहुनेछ। त्यतिबेला तपाईंले त्यसको पूरा आनन्द उठाउन सक्नुहुनेछ। तपाईंले चिन्ता, पछुतो र असुरक्षित महसुस गर्नुहुनेछैन।—हितोपदेश ७:२२, २३; १ कोरिन्थी ७:३.

 तपाईंलाई कस्तो लाग्छ?

  • के तपाईंलाई साँच्चै माया गर्ने व्यक्तिले तपाईंको शारीरिक र भावनात्मक हितलाई खतरामा पार्न खोज्छ?

  • के तपाईंको साँच्चै ख्याल राख्ने व्यक्तिले ईश्वरसितको तपाईंको सम्बन्धलाई खतरामा पर्न दिन्छ होला?—हिब्रू १३:४.