सीधै सामग्रीमा जाने

सीधै दोस्रो तहको मेनुमा जाने

सीधै विषयसूचीमा जाने

यहोवाका साक्षीहरू

नेपाली

प्रहरीधरहरा  |  सङ्ख्या १ २०१७

 आवरण लेख | पवित्र शास्त्रबाट कसरी अझ धेरै लाभ उठाउन सकिन्छ?

बाइबलले मेरो जीवन कसरी सुधार्न सक्छ?

बाइबलले मेरो जीवन कसरी सुधार्न सक्छ?

बाइबलमा सृष्टिकर्ताले दिनुभएको सल्लाहहरू पाइन्छ। त्यसैले यो साधारण किताब होइन। (२ तिमोथी ३:१६) यसमा पाइने सन्देशले हाम्रो जीवनमा गहिरो प्रभाव पार्न सक्छ। बाइबल आफै यसो भन्छ: “परमेश्वरको वचन जीवित र प्रबल . . . छ।” (हिब्रू ४:१२) यसले हाम्रो जीवनलाई मुख्य दुई तरिकामा सुधार्न सक्छ। हाम्रो दैनिक जीवनको लागि चाहिने डोऱ्याइ दिन्छ अनि परमेश्वर र उहाँका प्रतिज्ञाहरूबारे बुझ्न मदत गर्छ।—१ तिमोथी ४:८; याकूब ४:८.

अहिल्यै तपाईंको जीवन सुधार्छ। एकदमै व्यक्तिगतजस्तो देखिने मामिलाहरूमा पनि बाइबलले मदत गर्छ। यसले निम्न क्षेत्रमा व्यावहारिक सल्लाह-सुझाव दिन्छ

एसियामा बस्ने एक जवान दम्पतीले बाइबलमा पाइने सल्लाह-सुझावको एकदमै कदर गरे। भर्खरै विवाह गरेका अरू दम्पतीले जस्तै तिनीहरूले पनि एक-अर्काको व्यक्तित्व बुझ्न र खुलस्त कुराकानी गर्न केही छाँटकाँट गर्नुपऱ्यो। तर तिनीहरूले बाइबलबाट पढेका कुराहरू लागू गर्न थाले। परिणाम कस्तो भयो? भिसेन्ट भन्छन्‌: “बाइबलमा पढेका कुराहरू लागू गर्दा वैवाहिक जीवनमा आएका समस्याहरू मायालु तरिकामा सुल्झाउन सकें। हो, ती सुझावहरू लागू गर्दा हामीले आनन्दित जीवन बिताउन सकेका छौं।” तिनकी पत्नी एनालू यसो भन्छिन्‌: “बाइबलमा पाइने उदाहरणहरूबाट हामीले मदत पायौं। अहिले वैवाहिक जीवनबाट आनन्द उठाएकी छु र हामीले अर्थपूर्ण लक्ष्यहरू राख्न सकेका छौं।”

परमेश्वरलाई चिन्न मदत गर्छ। वैवाहिक जीवनको विषयमा माथि उल्लिखित टिप्पणी गरेका भिसेन्ट यसो पनि भन्छन्‌: “बाइबल पढाइले मलाई यहोवासित पहिलाभन्दा घनिष्ठ बनाएको छ।” भिसेन्टको अनुभवले एउटा महत्त्वपूर्ण कुरालाई जोड दिन्छ। त्यो हो, बाइबलले परमेश्वरलाई अझ राम्ररी चिन्न तपाईंलाई मदत गर्छ। परमेश्वरलाई चिन्दा तपाईंले उहाँबाट पाइने सल्लाह-सुझावबाट लाभ उठाउनुका साथै उहाँलाई साथीको रूपमा हेर्न सक्नुहुन्छ। अनि उज्ज्वल भविष्यको विषयमा उहाँले बताउनुभएको कुरा पनि बुझ्न सक्नुहुन्छ। त्यसबेला तपाईंले “साँच्चैको जीवन”-को आनन्द उठाउन सक्नुहुनेछ, त्यो पनि सधैंभरिको लागि। (१ तिमोथी ६:१९) यस्तो आशा अरू कुनै पुस्तकले दिएको छैन।

बाइबल पढ्‌न थाल्नुभयो र बाइबल पढाइलाई निरन्तरता दिनुभयो भने तपाईंले पनि यी लाभहरू उठाउन सक्नुहुन्छ—अहिल्यै तपाईंको जीवन सुध्रन्छ अनि परमेश्वरलाई चिन्न सक्नुहुन्छ। तर बाइबल पढ्‌दा तपाईंको मनमा अरू प्रश्नहरू पनि उठ्‌न सक्छन्‌। प्रश्नहरू उठेमा आजभन्दा २ हजार वर्षअघिका इथियोपियाली अफिसरको उदाहरण विचार गर्नुहोस्। तिनको मनमा बाइबलसम्बन्धी थुप्रै प्रश्न उठेको थियो। पढिरहेको कुरा बुझ्नुभएको छ कि छैन भनेर सोध्दा तिनले यस्तो जवाफ दिए: “कसैले नबुझाईकन म कसरी बुझ्न सक्छु र?” * त्यसपछि तिनले फिलिप नाम गरेका येशू ख्रीष्टका एक जना चेलाको मदत खुसीसाथ स्वीकारे। फिलिप बाइबलको दक्ष शिक्षक थिए। (प्रेषित ८:३०, ३१, ३४) तपाईं पनि बाइबलबारे अझ धेरै बुझ्न चाहनुहुन्छ भने हामी तपाईंलाई www.jw.org/ne मा गएर अनुरोध पठाउन वा यस पत्रिकामा भएको तपाईंलाई पायक पर्ने ठेगानामा पत्राचार गर्न आग्रह गर्छौं। नजिकैका यहोवाका साक्षीहरूलाई भेट्‌न वा तपाईंको इलाकाको राज्यभवनमा जान पनि सक्नुहुन्छ। त्यसोभए आजैदेखि बाइबल पढेर यसको डोऱ्याइअनुसार चल्दै अझ राम्रो जीवन बिताउने हो कि?

बाइबलमाथि साँच्चै भरोसा गर्न सकिन्छ कि सकिंदैन भनेर सोच्दै हुनुहुन्छ भने के बाइबल भरपर्दो किताब हो? भन्ने छोटो भिडियो हेर्नुहोस्। jw.org/ne मा गएर तपाईंले यो भिडियो पाउन सक्नुहुन्छ

^ अनु. 8 बाइबलमा पाइने अन्य व्यावहारिक सुझावको लागि हाम्रो वेबसाइट jw.org/ne हेर्नुहोस्। बाइबलको शिक्षा > बाइबलसम्बन्धी प्रश्नहरूको जवाफ अन्तर्गत हेर्नुहोस्।

^ अनु. 11 यस अङ्‌कमा भएको “बुझाइमा सानो भिन्नता मात्रै हो कि?” भन्ने लेख पनि हेर्नुहोस्।

अझ बढी सिक्नुहोस्

परमेश्वरबाट आएको सुसमाचार!

परमेश्वरका नियमले हामीलाई कसरी लाभ पुऱ्याउँछ?

हामीलाई किन डोऱ्याइ चाहिन्छ र कुन दुई वटा आज्ञा सबैभन्दा महत्त्वपूर्ण हुन्‌, येशूले बताउनुभयो।

प्रहरीधरहरा

के हामी ईश्वरसित घनिष्ठ हुन सक्छौं?

लाखौं मानिस ईश्वर तिनीहरूलाई आफ्नो साथी ठान्नुहुन्छ भन्ने कुरामा विश्वस्त छन्‌।

परमेश्वरबाट आएको सुसमाचार!

के परमेश्वरको नाम छ?

परमेश्वरका थुप्रै उपाधि छन्‌; जस्तै सर्वशक्तिमान्‌, सृष्टिकर्ता र प्रभु। तर परमेश्वरको नाम बाइबलमा लगभग ७,००० पटक उल्लेख गरिएको छ।