अशक्तता सेटिङ

भाषा रोज्ने

सीधै दोस्रो तहको मेनुमा जाने

सीधै विषयसूचीमा जाने

सीधै सामग्रीमा जाने

यहोवाका साक्षीहरू

नेपाली

प्रहरीधरहरा जून २०१४

बाइबल प्रश्नहरूको जवाफ

बाइबल प्रश्नहरूको जवाफ

पृथ्वी सृष्टि गरिनुको कुनै उद्देश्य छ?

मानिसहरू हाँसिखुसीले जीवन बिताऊन्‌ भनेर पृथ्वी बनाइएको हो

पृथ्वीमा जीवन जिउनलाई चाहिने सबै कुरा छ। यहाँ जीवनको लागि नभई नहुने पानी प्रशस्त छ। पृथ्वीले सूर्य परिक्रमा गर्ने बाटो, पृथ्वीको ढल्काइ र घुमाइ एकदमै सही भएकोले महासागरको पानी जम्न वा उम्लन पाउँदैन। पृथ्वीको वायुमण्डल र चुम्बकीय शक्तिले पृथ्वीलाई हानिकारक विकिरणहरूबाट जोगाउँछ। बोटबिरुवा र जीवजन्तुबीचको आपसी निर्भरता पनि अचम्मलाग्दो छ। त्यसैले थुप्रै मानिस पृथ्वी कुनै उद्देश्यसहित सृष्टि गरिएको हो भन्ने निष्कर्षमा पुगेका छन्‌।यशैया ४५:१८ पढ्नुहोस्।

तर तपाईंलाई लाग्ला: के दुःखकष्ट र अन्याय पनि त्यही उद्देश्यको भाग हो?व्यवस्था ३२:४, ५ पढ्नुहोस्।

के पृथ्वीको उद्देश्य पूरा हुनेछ?

एकअर्कालाई आदर गर्ने र सृष्टिकर्तालाई प्रेम गर्ने मानिसहरू हाँसिखुसीले जीवन बिताऊन्‌ भनेर पृथ्वी बनाइएको हो। त्यसैले मानिसलाई बोटबिरुवा वा जीवजन्तुलाई भन्दा फरक उद्देश्यसहित सृष्टि गरिएको हो। हामीसित सृष्टिकर्तालाई चिन्ने, उहाँको आदर गर्ने र उहाँको प्रेम अनि न्याय अनुकरण गर्ने क्षमता छ।उपदेशक १२:१३; मीका ६:८ पढ्नुहोस्।

हाम्रो सृष्टिकर्ताले आफ्नो जुनसुकै उद्देश्य पनि पूरा गर्न सक्नुहुन्छ। त्यसैले उहाँले दुःखकष्ट र अन्याय हटाएर पृथ्वीलाई सुन्दर घरजस्तै बनाउनुहुनेछ भनेर हामी ढुक्क हुन सक्छौं।भजन ३७:११, २९; यशैया ५५:११ पढ्नुहोस्।

 

अझ बढी सिक्नुहोस्

परमेश्वरले कुन उद्देश्यले पृथ्वी सृष्टि गर्नुभयो?

पृथ्वीलाई सुन्दर बगैंचा बनाउने परमेश्वरको उद्देश्य पूरा हुनेछ? हुनेछ भने कहिले?