अशक्तता सेटिङ

भाषा रोज्ने

सीधै दोस्रो तहको मेनुमा जाने

सीधै विषयसूचीमा जाने

सीधै सामग्रीमा जाने

यहोवाका साक्षीहरू

नेपाली

प्रहरीधरहरा (अध्ययन संस्करण) जनवरी २०१७

के तपाईंलाई थाह थियो?

के तपाईंलाई थाह थियो?

प्राचीन समयमा आगो कसरी एक ठाउँबाट अर्को ठाउँमा लगिन्थ्यो?

उत्पत्ति २२:६ को विवरणअनुसार टाढा गएर बलि चढाउन अब्राहामले “होमबलिको दाउरा उठाएर आफ्नो छोरो इसहाकलाई बोकाए, र आगो र छुरी आफ्नो हातमा लिए। यसरी ती दुवै जना सँगसँगै गए।”

प्राचीन समयमा आगो कसरी बालिन्थ्यो भनेर धर्मशास्त्रमा कतै पनि बताइएको पाइँदैन। अब्राहामको यस विवरणबारे एक जना टिप्पणीकारको भनाइअनुसार अब्राहाम र इसहाकले लामो यात्रा गरेको हुँदा बलेको आगोलाई निभ्नै नदिई “एक ठाउँबाट अर्को ठाउँमा पुऱ्याउन असम्भव देखिन्छ।” त्यसैले त्यस विवरणमा उल्लेख गरिएको “आगो” शब्दले आगो बाल्नको लागि चाहिने सामाग्रीलाई बुझाएको हुन सक्छ।

तर अरूको भनाइअनुसार प्राचीन समयमा आगो सल्काउने काम सजिलो थिएन। त्यसैले आफैले आगो सल्काउनुभन्दा सम्भव भएसम्म मानिसहरूले छिमेकीहरूबाट आगोको भुङ्‌ग्रो ल्याएर बाल्ने गर्थे। थुप्रै शास्त्रविद्‌को विचारमा अब्राहामले अघिल्लो रात बाँकी रहेको कोइला वा गोलको भुङ्‌ग्रोलाई एउटा भाँडोमा (सायद सिक्री गाँसिएको भाँडो) राखेको हुनुपर्छ। (यशै. ३०:१४) यसरी लगिएको आगोको भुङ्‌ग्रोलाई सजिलै बल्ने एक किसिमको काठको टुक्रा प्रयोग गरेर आगो सल्काउन सकिन्थ्यो।