अशक्तता सेटिङ

भाषा रोज्ने

सीधै दोस्रो तहको मेनुमा जाने

सीधै सामग्रीमा जाने

यहोवाका साक्षीहरू

नेपाली

गोपनीयता र कुकीज्हरू सम्बन्धी नीति

गोपनीयता र कुकीज्हरू सम्बन्धी नीति

तपाईंहरूको निजी जानकारीको सुरक्षा गर्न यहोवाका साक्षीहरूको सङ्‌गठन प्रतिबद्ध छ। संसारभरबाट प्राप्त भएको जानकारीलाई यो सङ्‌गठनले कसरी सुरक्षित राख्छ, त्यसबारे बुझ्न यहाँ (जानकारी सुरक्षित राख्ने नीति) क्लिक गर्नुहोस्।

‘जानकारी सुरक्षित राख्ने नीति’ भन्ने पृष्ठमा यहोवाका साक्षीहरूले अरूको निजी जानकारी कसरी प्रयोग गर्छन्‌, त्यसबारे बताइएको छ। अनि यो वेब साइट चलाउँदा कुन-कुन कुरा मनमा राख्नुपर्छ, त्यसबारे केही जानकारी तल दिइएका छन्‌I

यो वेब साइट ‘वाचटावर बाइबल एण्ड ट्राक्ट सोसाइटी’-मा (“वाचटावर”) निहित छ। यो संस्थाले संसारभरका यहोवाका साक्षीहरूको गतिविधिलाई अनि बाइबलआधारित शैक्षिक कार्यक्रमलाई अघि बढाउने काम गर्छ अनि यो कुनै नाफा कमाउने उद्देश्यले खोलिएको संस्था होइन। यो वेब साइटलाई सञ्चालन गर्ने केही मुख्य सर्भरहरू अमेरिकामा छ।

व्यक्तिगत जानकारी

यस वेब साइटमा प्रयोगकर्ताले दिएको व्यक्तिगत जानकारी जुन उद्देश्यले मागिएको हो, त्यसबाहेक अन्य उद्देश्यको लागि प्रयोग गरिनेछैन।

हामी तपाईंहरूको व्यक्तिगत जानकारी अरू कसैलाई उपलब्ध गराउने छैनौं। तथापि आवश्यक परेमा, जस्तै:- प्रयोगकर्ताले माग गरेको कुनै सेवा उपलब्ध गराउन तिनलाई पूर्वजानकारी दिएर मात्र अथवा कुनै कानुनी माग पूरा गर्न तिनको व्यक्तिगत जानकारी उपलब्ध गराउनु आवश्यक छ भन्ने कुरा यकिन भएमा, कुनै जालसाजीबाट जोगिन वा सुरक्षा र प्रविधिसम्बन्धी कुनै समस्या पत्ता लगाउन आवश्यक परेमा मात्र तिनको व्यक्तिगत जानकारी उपलब्ध गराउनेछौं। तपाईंले यो वेब साइट चलाउनुको मतलब माथिका उद्देश्यहरूको लागि आफ्नो निजी जानकारी तेस्रो पक्षलाई उपलब्ध गराउने अनुमति हामीलाई दिइरहनुभएको हुनेछ। प्रयोगकर्ताको व्यक्तिगत जानकारी कुनै पनि हालतमा बेचिने, सट्टापट्टा गरिने वा भाडामा दिइनेछैन भन्ने कुरामा ढुक्क हुनुहोस्।

तेस्रो पक्षको स्वामित्व: कुनै-कुनै सेवा प्राप्त गर्नको लागि (जस्तै: अनलाइन फारम भर्नको लागि) यो वेब साइटको कुनै-कुनै ठाउँमा तेस्रो पक्षद्वारा सञ्चालित वेब साइटहरूको लिङ्‌क दिइएको छ। छुट्टै पृष्ठ खुलेपछि अनि ब्राउजर एड्रेस बार (browser’s address bar) परिवर्तन भएपछि तपाईंले तेस्रो पक्षद्वारा सञ्चालित वेब साइट खुलेको थाह पाउनुहुनेछ। तेस्रो पक्षको लिङ्‌क राख्ने बेला र त्यसपछि पनि बारम्बार हामीले तिनीहरूको गोपनीयता तथा सुरक्षा नीति हाम्रोजस्तै छ कि छैन भनेर पक्का गर्छौं। तेस्रो पक्षको नीतिबारे थप जानकारी चाहनुहुन्छ भने कृपया तिनीहरूको पृष्ठमा गएर त्यहाँ दिएको नीति पढ्‌नुहोस्।

सुरक्षा

तपाईंहरूको निजी जानकारी सुरक्षित राख्ने विषयलाई हामी गम्भीरतासाथ लिन्छौं। तपाईंहरूले आफ्नो निजी जानकारी पठाउनुहुँदा त्यो अरू कहाँ नपुगोस् भनेर हामी ट्रान्सपोर्ट लेयर सेक्युरीटी (Transport Layer Security) जस्ता कोड सिस्टमहरू (encryption) प्रयोग गर्छौं। हामीलाई प्राप्त भएको जानकारीलाई सुरक्षित अनि गोप्य राख्न हामीले हाम्रो कम्युटरहरूलाई सुरक्षित स्थानमा राखेका छौं। अनुमति प्राप्त व्यक्तिबाहेक अरू कोही यो स्थानभित्र प्रवेश गर्न सक्दैन। यसबाहेक हामीले भौतिक, इलेक्ट्रोनिक अनि अन्य सुरक्षा सम्बन्धि निति-नियम लागू गरेर हाम्रा कम्प्युटरहरूलाई सुरक्षित राखेका छौं।

इमेल ठेगाना

यस वेब साइटमा आफ्नो अकाउन्ट बनाउँदा तपाईंले उपलब्ध गराएको इमेल ठेगाना तपाईंको अकाउन्टसम्बन्धी जानकारी दिन तपाईंलाई सम्पर्क गर्नुपरेमा प्रयोग गरिनेछ। उदाहरणको लागि, तपाईंले प्रयोगकर्तामा राखेको नाम अथवा पासवर्ड बिर्सनुभयो र साइटमा प्रवेश गर्न मदत माग्नुभयो भने तपाईंले उपलब्ध गराएको इमेल ठेगानामा तपाईंलाई इमेल पठाएर मदत गरिनेछ।

अनुदान

अनलाइनमार्फत अनुदान दिनुभयो भने हामी तपाईंको नाम र सम्पर्क ठेगाना सङ्‌कलन गर्नेछौं। तपाईंहरूले क्रेडिट कार्डमार्फत्‌ दिनुहुने अनुदान प्राप्त गर्नको लागि विश्व मान्यता प्राप्त सुरक्षा नीति अनि जानकारी गोप्य राख्ने नीति लागू गरिएको अनलाइन सेवाहरू प्रयोग गरिन्छ। हामी तपाईंहरूको क्रेडिट कार्डको जानकारी, बैंक खाता नम्बर वा अरू जानकारी जम्मा गरेर राख्दैनौं अनि हामी त्यसो गर्न पनि सक्दैनौं। अनुदान प्राप्त गर्ने पक्षले यो आर्थिक कारोबारको रेकर्ड कम्तीमा पनि दस वर्षसम्म राख्नेछ। यो रेकर्डमा अनुदान दिइएको मिति, अनुदान दिइएको रकम अनि अनुदान दिइएको प्रक्रिया समावेश हुनेछ। यसो गर्दा लेनदेनसम्बन्धी तोकिएको स्तर पनि पूरा हुनेछ अनि त्यस दौडान तपाईंहरूले सोध्नुभएको प्रश्नको जवाफ दिन पनि सजिलो हुनेछ। हामी थप अनुदान माग्नको लागि तपाईंहरूलाई सम्पर्क गर्ने छैनौं।

थप जानकारी

अनुदान दिन वा अकाउन्ट बनाउन बाहेक अरू उद्देश्यको लागि (जस्तै: बाइबल अध्ययनको अनुरोध गर्न) पनि तपाईं आफ्नो जानकारी (नाम, ठेगाना, फोन नम्बर) हामीलाई दिन सक्नुहुन्छ। हामी ती जानकारीहरू सङ्‌कलन गर्नेछौं र जम्मा गरेर राख्नेछौं। तर ती जानकारीहरू तपाईंहरूले जुन उद्देश्यको लागि पठाउनुभयो, त्यसको लागि मात्र प्रयोग गर्नेछौं अथवा अति आवश्यक कुराको लागि चाहियो भने मात्र प्रयोग गर्नेछौं।

कुकीज् र त्यससँग मिल्दाजुल्दा अरू प्रविधि

हाम्रो वेब साइट खोल्नुभयो भने तपाईंहरूको केही जानकारी अटोमेटिक रूपमा हामी सङ्‌कलन गर्छौं। “कुकीज्,” “वेब बिकन्स्” जस्ता प्रविधिद्वारा हामी त्यस्ता जानकारीहरू सङ्‌कलन गर्छौं। यस गोपनीयता नीतिमा उल्लेख गरिएको कुकी विभिन्न तरिकाले प्रयोग गरिन्छ; यो “लोकल स्टोरेज” (जानकारी सङ्‌कलन गर्ने) जस्तै खालको प्रविधि हो।

कुकीज्: अरू बेवसाइटहरूमा जस्तै हाम्रो बेव साइटमा जानुभयो भने पनि तपाईंहरूको सानो जानकारी जसलाई “कुकी” भनिन्छ, त्यो तपाईंको मोबाइल फोन, ट्‌याब्लेट अनि कम्प्युटरको हार्ड ड्राइभमा सेभ हुनेछ। कुकीज् थुप्रै प्रकारका हुन्छन्‌ र यसले गर्ने काम पनि विभिन्न हुन्छ। कुनै वेब साइट चलाउँदा सजिलो होस् भनेर यस्ता कुकीज् राखिएका हुन्छन्‌। कुकीज्को मदतद्वारा तपाईंले हाम्रो वेब साइट पहिला चलाउनुभएको छ वा छैन भनेर थाह पाउन अनि तपाईंले छनौट गर्नुभएका प्राथमिकताहरू सम्झन हामीलाई मदत मिल्छ। जस्तै: तपाईंले वेब साइटमा छनौट गर्नुभएको भाषा कुकीमा स्टोर हुने भएकोले तपाईंले फेरि त्यो वेब साइट चलाउँदा उक्त भाषामै खुल्नेछ। हामी विज्ञापन गर्नको लागि कुकीज् प्रयोग गर्दैनौं।

यस वेब साइटमा प्रयोग गरिएका कुकीज् तीन भागमा विभाजन गर्न सकिन्छ:

  1. १. अति आवश्यक कुकीज्—यस्ता कुकीज् हाम्रो वेब साइटको खास पक्षहरू प्रयोग गर्न जस्तै प्रवेश गर्न अथवा फाराम भर्नका लागि आवश्यक हुन्छ। यस्ता कुकीज् बिना तपाईंले कुनै-कुनै सेवा प्राप्त गर्न सक्नुहुन्न। जस्तै: अनुदान दिने सेवा। इन्टरनेट चलाउँदै हुनुहुन्छ भने (browser session को बेला) यी कुकीज्को सहायताले तपाईंले माग गर्नुभएको सेवा प्रदान गर्न पनि सजिलो हुन्छ। मार्केटिङ गर्न अथवा तपाईंले इन्टरनेटमा के चलाउनुभयो भनी सम्झनको लागि यस कुकीज्ले तपाईंको जानकारी संकलन गर्दैन।

  2. २. उपयोगी कुकीज्—वेब साइटमा तपाईंले छनौट गर्नुभएका कुराहरू (जस्तै: प्रयोगकर्ताको नाम, भाषा, ठाउँ आदि) याद गर्नको लागि यो कुकीज्को प्रयोग हुन्छ अनि यसले गर्दा तपाईंलाई उक्त वेब साइटमा काम गर्न पनि सहज हुन्छ।

  3. ३. विश्लेषणात्मक कुकीज्—प्रयोगकर्ताहरूले यो वेब साइट कसरी चलाउँछन्‌ भन्ने कुराको जानकारी राख्न जस्तै: कति जनाले यो वेब साइट हेरे, कति समय हेरे, त्यो कुरा थाह पाउन यो कुकीज्को प्रयोग गरिन्छ। अनि यस कुकीज्मा भएका जानकारी यो वेब साइटको सुधार गर्न प्रयोग गरिन्छ।

हाम्रो वेब साइटले तयार पारेका केही कुकीज्हरू पहिलो पक्षले प्रयोग गर्ने कुकीज्हरू हुन्‌। अरू कुकीज्हरू भने तेस्रो पक्ष अर्थात्‌ अर्कै वेब साइटले प्रयोग गर्ने कुकीज्हरू हुन्‌। हामी पहिलो पक्षले प्रयोग गर्ने कुकीज्हरू मात्र प्रयोग गर्छौं; तर यसमा एउटा अपवाद छ। हाम्रो सङ्‌कलनमा भएका जानकारीहरू वेब साइटलाई सुरक्षित राख्ने तेस्रो पक्ष अर्थात्‌ ‘गुगल रिक्याप्चा’ (Google reCAPTCHA) को कुकीज्ले पनि प्रयोग गर्छ। ‘गुगल रिक्याप्चा’-ले मानव प्रयोगकर्ता अनि कम्प्युटर कुन हो भनी निधान गर्ने अनि अनुरोधविना नै आउने विज्ञापन अनि अनावश्यक सन्देशहरू रोक्ने काम गर्छ। गुगलको गोपनीयता नीति थाह पाउन https://www.google.com/intl/ne/policies/privacy/ मा जानुहोस्।

वेब बिकन्स: हाम्रो वेब साइटको पृष्ठहरूमा सानो इलेक्ट्रोनिक फाइलहरू हुन सक्छ। जसलाई वेब बिकन्स (web beacons) भनिन्छ। यसले केही कुराको रेकर्ड राख्न जस्तै: तपाईंले कुन पृष्ठ कहिले खोल्नुभयो भन्ने रेकर्ड राख्न मदत गर्छ। यो वेब साइटको प्रयोग अनि उपयोगिता थाह पाउन वेब बिकन्सको प्रयोग गरिन्छ।

आइ पी एड्रेसको प्रयोग: इन्टरनेटमा तपाईंको कम्प्युटरलाई चिनाउने सङ्‌ख्या कोडलाई आइ पी एड्रेस (IP address) भनिन्छ। यो वेब साइटको उपयोगिता थाह पाउन, यसमा देखा परेका समस्या पत्ता लगाउन अनि यसले प्रदान गर्ने सेवामा सुधार गर्न हामी आइ पी एड्रेस र ब्राउजर प्रयोग गर्छौं।

तपाईंको छनौट: इन्टरनेटका थुप्रै पृष्ठमा कुकीज् अफ गर्ने वा कुकीज्मा सेभ गर्नुअघि अनुमति माग्ने अप्सन दिइएको हुन्छ। कृपया त्यो कसरी गर्ने भनेर थाह पाउन तपाईंको ब्राउजरमा दिइएको निर्देशन पढ्‌नुहोस्। तर नबिर्सनुहोस्, कुकीज्विना तपाईंले हाम्रो वेब साइटले दिने सम्पूर्ण सेवा प्राप्त गर्न सक्नुहुन्न।

एक्टिभ स्क्रिप्टिङ अर्थात्‌ जाभास्क्रिप्ट

यस साइटलाई अझ सुचारु रूपले चलाउनका लागि स्क्रिप्टिङ प्रविधिको प्रयोग गरिन्छ। यस प्रविधिको मदतले प्रयोगकर्तालाई तुरुन्त जानकारी उपलब्ध गराउन सक्नेछ। यस साइटले प्रयोगकर्ताको कम्प्युटरमा कुनै सफ्टवेयर इन्स्टल गर्न अथवा प्रयोगकर्ताले अनुमति नदिएको जानकारी सङ्‌कलन गर्न यस प्रविधिको प्रयोग कहिल्यै गर्दैन।

यस साइटका केही भागहरू सही तरिकाले चल्नको लागि एक्टिभ स्क्रिप्टिङ अर्थात जाभास्क्रिप्ट चाहिने भएकोले तपाईंले आफ्नो इन्टरनेट ब्राउजरमा यसलाई इनेबल गर्नुपर्नेछ। अधिकांश वेब ब्राउजरहरूमा कुनै निश्‍चित साइटमा जाँदा जाभास्क्रिप्ट इनेबल गर्ने वा डिसेबल गर्ने भनेर छनौट गर्न सकिन्छ। कुनै साइटको लागि स्क्रिप्टिङ प्रविधि कसरी इनेबल गर्ने भनेर थाह पाउन तपाईंले प्रयोग गर्नुहुने वेब ब्राउजरको हेल्प सेक्सनमा हेर्नुहोस्।

तपाईंको अधिकार

तपाईंले यो वेब साइट अनि यसमा भएका प्रकाशनहरू, भिडियोहरू अथवा श्रव्य सामग्रीहरू निश्शुल्क डाउनलोड गर्न सक्नुहुन्छ। यो वेब साइटबाट लाभ उठाउन तपाईंले अकाउन्ट खोल्नु, अनुदान दिनु वा अरू व्यक्तिगत जानकारी दिनु आवश्यक छैन। तर यदि तपाईंले स्वेच्छाले अकाउन्ट बनाउनुभयो, अनुदान दिनुभयो, गृह बाइबल अध्ययनको लागि अनुरोध गर्नुभयो वा व्यक्तिगत जानकारी दिनुपर्ने अरू कार्य गर्नुभयो भने यो ‘गोपनीयता र कुकीज्हरू सम्बन्धी नीति’-मा सहमत हुनुभएको मानिनेछ। अनि निम्न कुरालाई पनि अनुमति दिनुभएको ठहरिनेछ, जस्तै: अमेरिकामा भएको सर्भरमा व्यक्तिगत जानकारी सङ्‌कलन गर्न दिने, वाचटावर र विभिन्न देशमा रहेको यहोवाका साक्षीहरूसित सम्बन्धित सङ्‌गठनहरूलाई तपाईंले माग गर्नुभएको काम गर्न निजी जानकारी सङ्‌कलन गर्न, प्रक्रिया अघि बढाउन, जानकारी एक ठाउँबाट अर्को ठाउँमा पठाउन र जम्मा गर्न अनुमति दिने। तपाईंले कस्तो खालको वेब साइट चलाउनुभएको हो, त्यस अनुसार नै डाटा सङ्‌कलक फरक हुनेछ। जस्तै: तपाईंले कुनै देशमा भएको कानुनी हकवालालाई अनुदान पठाउनुहुन्छ भने अनुदान प्रक्रियामा बताइएजस्तै तपाईंको नाम अनि सम्पर्क ठेगाना उक्त व्यक्तिलाई दिइनेछ। अर्को उदाहरण, यदि तपाईंले बाइबल अध्ययनको लागि अनुरोध गर्नुभएको हो भने तपाईंको नाम अनि सम्पर्क ठेगाना यहोवाका साक्षीहरूको सम्बन्धित शाखालाई उपलब्ध गराइनेछ।

अकाउन्ट खोल्न, अनुदान दिन वा यस वेब साइटको अरू सेवाबाट लाभ उठाउन तपाईंले आवश्यक पर्ने व्यक्तिगत जानकारी उपलब्ध गराउन सक्नुभएन भने हामी तपाईंको माग पूरा गर्न असमर्थ हुनेछौं।

‘गोपनीयता र कुकीज्हरू सम्बन्धी नीति’-मा आवश्यक परिवर्तन गर्नुपऱ्यो भने हामी त्यसको जानकारी यही पृष्ठमा उपलब्ध गराउनेछौं। यसरी तपाईंहरूले हामी निजी जानकारीहरू कसरी सङ्‌कलन गर्छौं र कसरी प्रयोग गर्छौं भनेर जान्नुहुनेछ।

व्यक्तिगत जानकारी सम्बन्धी अरू अधिकारहरू पनि प्राप्त गर्न सक्नुहुन्छ। जस्तै: तपाईंले यो वेब साइटमार्फत्‌ पठाउनुभएको जानकारी प्राप्त गर्न, सच्याउन वा मेटाउन सक्नुहुन्छ। तपाईंको देशमा पनि यो कुरा लागू हुन्छ भने यो लिङ्‌कमा सम्बन्धित सम्पर्क जानकारी पाउन सक्नुहुन्छ। अनुदान दिएको विषयमा व्यक्तिगत जानकारी चाहनुहुन्छ भने अनुदान प्रक्रियाको दौडान बताइएको अनि तपाईंको अनुदान रिसिप्टमा उल्लेख गरिएको प्रापकसित सम्पर्क राख्नुहोस्।