Hüpa up inwards

Hüpa tau twaita menu

Hüpa tau inwardslist

Jehovaas Tüügen

Pomerisch

God Hät Gaura Nijges tau Dij!

 LEIR 4

Wee is Jeisus Kristus?

Wee is Jeisus Kristus?

1. Fon wou kümt Jeisus heer?

Wouweegen däira al lüür geirn mit Jeisus fortela? — MATTHÄUS (MATEUS) 11:29; MARKUS (MARCOS) 10:13-16.

Aners as al andrer lüür, airer dat Jeisus upa Eir geboura is, hät hai im himel leewt sou as air ängel. (Johannes (João) 8:23) Hai is dai airst wääst wat God måkt hät un hät hulpa al dai andrer daila måka. Hai is dai ainsig wääst wat direkt fon Jehovaa måkt is, un dårweegen waard hai God sij “ainsiggebouren” Kind nent. (Johannes (João) 1:14) Jeisus is God sij Wourd Spreeker wääst, un dårweegen waard hai uk “dat Wourd” nent. — Lees Sprüche (Provérbios) 8:22, 23, 30; Kolosser (Colossenses) 1:15, 16.

2. Wouweegen is Jeisus upt Eir kooma?

Dat Jeisus küün geboura waara sou as air meisch, hät God Jeisus sij leewend ina juud eirlig määka Marij eer muterlijw rinermåkt. Un sou, hät Jeisus kainer meischfåter had. (Lukas (Lucas) 1:30-35) Hai is upt Eir kooma (1) taum dai wårheit oiwer God inleira, (2) taum ous dai bijspeel geewa wou wij God sijna wila måka koina nog wen wij feel doirseta, un (3) taum sij perfekt leewend anbaira as “lousköipen”. — Lees Matthäus (Mateus) 20:28.

3. Wouweegen bruuka wij air lousköipen?

Lousköipen is air prais wat betåld waard tau ain meisch sij leewend rera. (2. Mose (Êxodo) 21:29, 30) God hät wud ni dat dai doud un üligkeit mit der meischheit passijra däir. Wouweegen waita wij dit? God hät taum airsta keirl, Adam sägt, wen hai süün måka däir, bleiw hai doud. Wen Adam kain süün måkt haar, wäir hai ni doudbleewa. (1. Mose (Gênesis) 2:16, 17; 5:5) Dai Bijbel sägt dat dai süün doir Adam ina wild “rinerkooma is”. Dårweegen dat wij fon Adam afstama,  häwa wij dai süün un sijn stråw, dera doud, erbt. Un sou, bruuka wij air lousköipen taum ous fraimåka fom doud wat wij fon Adam erbt häwa. — Lees Römer (Romanos) 5:12; 6:23.

Wee küün dat lousköipen taum ous fraimåka fom doud betåla? Dai doud is dai stråw for ous aigen süün. Dat wij imperfekt sin, koina wij for kainem dat lousköipen betåla. — Lees Psalm (Salmo) 49:7-9.

4. Wouweegen is Jeisus doudbleewa?

Aners as wij, Jeisus wäir perfekt. Dårweegen, brüükt hai ni for sijn süün doudblijwa — hai hät kain süün måkt. Jeisus is fon der andrer sijn süün doudbleewa. God hät groud lijb for dai meischheit weesa dat hai sij Kind schikt hät taum for ous doudblijwa. Jeisus hät uk lijb tau ous weesa dat hai sijn Fåter horgt hät un hät sij leewend for ous süün geewt. — Lees Johannes (João) 3:16; Römer (Romanos) 5:18, 19.

5. Wat mökt Jeisus hüüt?

As Jeisus upa Eir wääst is, hät kranka gesundmåkt, doura upwåkt un der lüür eer noud lichtamåkt. Dårmit, hät hai weesa wat hai bald måka däit for ala dai wat God horga. (Matthäus (Mateus) 15:30, 31; Johannes (João) 5:28) Nådem, dat Jeisus doudbleewa is, hät God em upwåkt taum werer im himel leewa. (Epheser (Efésios) 1:20) Dun, hät Jeisus an dai rechten sijr fon God luurd bet Jehovaa em dai macht geewa däir taum regijra as Köinig oiwer dai gans Eir. (Hebräer (Hebreus) 10:12, 13) Hüüt, däit hai im himel regijra, un sijn jüngers daua dai “gaura nijges” ina gansa wild bekandmåka. — Lees Daniel (Daniel) 7:13, 14; Matthäus (Mateus) 24:14.

Bald, däit Jeisus sijn macht as Köinig benutsa taum al dai noud un dai wat dat måka uutrota. Ala wat glouwa an Jeisus häwa un horga em daua fröilig im paradijs upa Eir leewa. — Lees Psalm (Salmo) 37:9-11.